КАРАКОЛ ШААРДЫК КЕҢЕШИ

ТОКТОМ

Каракол шаардык Кеңешинин XXVIII чакырылышынын XXXV кезексиз  сессиясы

2024-жылдын 12-январы №28-35/1

Жергиликтʏʏ ѳз алдынча башкаруунун балансына имаратты кабыл алууга макулдук берʏʏ жѳнʏндѳ

Каракол шаарынын мэриясынын аппарат жетекчиси Р.Ж.Сагымбаевдин, 2024-жылдын 12-январындагы, чыг:№01-16-67 катын карап жана талкуулап, Каракол шаардык Кеңешинин XXVIII чакырылышынын XXXV кезексиз сессиясы,

токтом кылат:

1. Каракол шаарынын мэриясына, Ысык-Кѳл мамлекеттик К.Тыныстанов атындагы университетинин балансынан, Каракол шаарынын жергиликтʏʏ ѳз алдынча башкаруусунун балансына, Каракол шаары, Боронбай хан (Октябрский) кѳчѳсʏ, №5, дарегинде жайгашкан, имараттын аянты 381,4 м2 болгон, жанаша жайгашкан жер тилкенин аянты 526,5 м2 кабыл алууга макулдук берилсин.

2. Бул токтом Мамлекеттик ченемдик укуктук актыларынын реестерине киргизʏʏ ʏчʏн областтык юстиция башкармалыгына жиберилсин.

3.       Токтом ММКларда жарыялансын.

4. Бул токтомдун аткарылышына кѳзѳмѳл кылуу Каракол шаардык Кеңешинин жерди пайдалануу, архитектура, курулуш жана муниципалдык менчик боюнча туруктуу комиссиясына жана Каракол шаарынын биринчи-вице мэрине жʏктѳлсʏн.

Тѳрага Т.Ж.Акимканов