КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИ

ТЕСКЕМЕ

2023-жылдын 29-декабры № 818-т

 Тереккан, Ашуу жана Терек кендерин иштетүү боюнча долбоорду андан ары ишке ашыруу максатында, "Кыргыз Республикасында инвестициялар жөнүндө" Кыргыз Республикасынын Мыйзамынын 11-1-статьясына, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. 2023-жылдын 5-июнунда түзүлгөн Кыргыз Республикасынын Министрлер Кабинетинин, "Eti Bakir" акционердик коомунун жана "Эти Бакыр Терексай" жоопкерчилиги чектелген коомунун ортосундагы Инвестициялык макулдашууга № 1 кошумча макулдашуунун расмий тилде тиркелген долбоору жактырылсын.

2. Кыргыз Республикасынын жаратылыш ресурстары, экология жана техникалык көзөмөл министринин орун басары - Кыргыз геология кызматынын директоруна жогоруда аталган Кошумча макулдашуунун долбооруна принциптүү эмес мүнөздөгү өзгөртүүлөрдү жана толуктоолорду киргизүү укугу менен Кыргыз Республикасынын Министрлер Кабинетинин атынан кол коюуга ыйгарым укук берилсин.