ЧАУВАЙ АЙЫЛДЫК КЕНЕШИ

ТОКТОМ

Чаувай айылдык кеңешинин VП-чакырылыш кезексиз ХУ сессиясы

2023-жылдын 27-сентябрындагы № 15/1

Чаувай жана Уч-Коргон айыл аймактарын бириктирүү жөнүндө

Кыргыз Республикасынын Президентинин 2022-жылдын 18-октябрындагы “Кыргыз Республикасынын административдик аймактык түзүлүшүн өркүндөтүү жана региондорду өнүктүрүү боюнча андан ары чаралар жөнүндө” Жарлыгын аткаруу максатында, Кыргыз Республикасынын 2021-жылдын 20-октябрындагы “Жергиликтүү мамлекеттик администрация жана жергиликтүү өз алдынча башкаруу органдарыв жөнүндө “ Мыйзамынын 34-беренесине, Кыргыз Республикасынын 2008-жылдын 25-апрелиндеги №65 “Кыргыз Республикасынын администрациялык аймактык түзүлүшү тууралуу” Мыйзамынын 12-беренесинге ылайык Чаувай жана Уч-Коргон айыл аймактарын бириктирүү жөнүндөгү маселени карап жана талкуулап чыгып Чаувай айылдык кеңеши

Ч Е Ч И М К Ы Л А Т:

1. Чаувай жана Уч-Коргон айыл аймактарын бириктирүүгө айылдык кеңештин депутаттарынын төмөнкү сунуштардын жана талаптардын аткарылуусу менен макулдук берилсин:

1. Чаувай айылындагы жайытка жараша сырттан келген малдарды киргизүүнү;

2 .Айылдагы турак жай куруу үчүн жер муктаждарга жер участогу менен камсыз кылуу;

3. Ичүүчү таза суу жана сугат суусу маселелерин чечип берүүнү;

4. Уч-Коргон-Чаувай автолунда жылына улантылып жаткан асфальттоо иштерин аягына чейин жеткирүунү;

5. Мектеп окуучуларынын мектепке келип кетүүсү үчүн окуучулардын автобусунун айыл өкмөтүнөн каржыланып келген чыгымдарын мындан ары да каржылоосун;

6. Өкмөттөр кошулгандан кийин өкмөт башчысы же болбосо башчысынын орун басарына Н.Назаровду дайындоосун жана учурда иштеп жаткан аппарат кызматкерлерин жумуш менен камсыз кылуусун;

7. Чаувай айылы Уч-Коргон айыл өкмөтүнөн алыс болгондугуна байланыштуу айыл өкмөтүнүн имаратында филиал катары элди жайында керектүү документтер менен (паспорт берүү,нике,туулгандыгы тууралуу күбөлүктөрдү берүү, базага киргизүү,ОМСтер )тейлөө иштерин алып барылуусун;

8. Айыл аймактын борборунан жогору Ясная-Поляна көчөсүнө чейинки негизги автожолду ДЭПтин балансына киргизуу маселесин чечип берүүнү сунуш кылуу менен талап кылабыз.

2. Чаувай жана Уч-Коргон айыл аймактарын бириктирүү

жана аймактын аталышын Бөрүбай Кулбаев деп атоо Кадамжай райондук мамлекеттик администрациясына сунушталсын.

3. Тиешелүү маалыматтарды тактоо жана ушул токтомду мыйзам

чегинде аткарылышын айыл өкмөт башчысына милдеттендирилсин.