АК-ТАТЫР АЙЫЛДЫК КЕҢЕШИ

ТОКТОМ

Ак-Татыр айылдык кеңешинин VI чакырылышынын кезектеги VIII сессиясы

2024-жылдын 31-январы № 19

Ак-Татыр айыл аймагына курулуп жаткан объектерди атоо жөнүндө

Кыргыз Республикасынын 1997-жылдын 25-сентябрындагы “Кыргыз Республикасынын географиялык аталыштар жөнүндө” №67 Мыйзамына, Кыргыз Республикасынын Өкмөтүнүн 2008-жылдын 19-августундагы № 467 токтому менен бекитилген “Кыргыз Республикасынын географиялык объктерди атоо, алардын аталышын өзгөртүү, географиялык аталыштарды эсепке алуу жана каттоодон өткөрүү тартиби жөнүндө” Жобого ылайык, Ак-Татыр айылынын жашоочуларынын элдик жыйынынын 2023-жылдын 5-октябрындагы №6 протоколун, Ак-Татыр айылдык кеңешинин жергиликтүү өз алдынча башкаруу өнүктүрүү, жалпыга маалымдоо каражаттары, коомдук уюмдар жана жергиликтүү коомдоштуктар менен байланыш боюнча туруктуу комиссиясы 2024-жылдын 29-январында отурумунун №1 протоколун угуп жана талкуулап чыгып  Ак-Татыр  айыл аймагынын айылдык кеңешинин VI чакырылышынын кезектеги VIII сессиясы Токтом кылат

1. 2022-жылдын 16-сентябрындагы Тажикстандын кол салуусунда мекенибиздин тынчтыгы, бүтүндүгү үчүн эр жигиттик милдетин аткарып жатып баатырларча курман болгон прапорщик Мамытов Нургазы Абдимиталипович атына Ак-Татыр айыл өкмөтүнүн Ак-Татыр айылына жаңыдан курулуп жаткан оорукананын атын берүү сунуш кылынат .

 2.  Ушул токтомдун аткарылышы Баткен районунун мамлекеттик   администрациядан суралсын.

2.     Ушул  токтомдун аткарылышын  көзөмөлдөө  жагы, Ак-Татыр айылдык кеңешинин жергиликтүү өз алдынча башкаруу өнүктүрүү, жалпыга маалымдоо каражаттары, коомдук уюмдар жана жергиликтүү коомдоштуктар менен байланыш боюнча туруктуу комиссиясына жана комиссия төрагасы Дастанбек Эркиновго жүктөлсүн.