КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2024-жылдын 25-январы № 24

Кыргыз Республикасынын Өкмөтүнүн 2019-жылдын 19-июнундагы № 298 "Суюлтулган көмүр суутек газдарын пайдалануучу объекттер үчүн коопсуздук эрежелерин бекитүү жөнүндө" токтомуна өзгөртүүлөрдү киргизүү тууралуу

Кыргыз Республикасынын 2023-жылдын 10-январындагы № 2 "Кооптуу өндүрүштүк объекттердин өнөр жайлык коопсуздугу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Мыйзамына, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Өкмөтүнүн 2019-жылдын 19-июнундагы № 298 "Суюлтулган көмүр суутек газдарын пайдалануучу объекттер үчүн коопсуздук эрежелерин бекитүү жөнүндө" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Суюлтулган көмүр-суутек газдарды пайдалануучу объекттер үчүн коопсуздук эрежелеринде:

- 3, 388-пункттарда "Өрт коопсуздугун камсыз кылуу жөнүндө" деген сөздөр "Өрт коопсуздугу жөнүндө" деген сөздөргө алмаштырылсын;

- 11-пунктта ", өнөр жай коопсуздугун экспертизалоо боюнча" деген сөздөр алып салынсын;

- 16-пункт күчүн жоготту деп таанылсын;

- 42-пункт төмөнкүдөй редакцияда баяндалсын:

"42. Кооптуу өндүрүштүк объекттерди курууну, эксплуатациялоону, кеңейтүүнү, реконструкциялоону, техникалык кайра жабдууну, консервациялоону жана жоюуну баштоо жөнүндө чечимди кабыл алуунун милдеттүү шарты болуп долбоордук документтердин өнөр жай коопсуздугуна экспертиза жүргүзүүнүн натыйжалары боюнча оң корутундунун болушу эсептелет.".

2. Бул токтом расмий жарыяланган күндөн тартып он беш күн өткөндөн кийин күчүнө кирет.