КАБАК АЙЫЛДЫК КЕӉЕШИ

ТОКТОМ

 Кабак айыл аймагынын айылдык кеңешинин депутаттарынын XXVIII чакырылышынын 8 сессиясы

2022-жылдын 28-марты № 28-8-3

Кыргыз Республикасынын Президентинин №54 Жарлыгын аткарууга алуу жөнүндө

Кабак айыл аймагынын айыл өкмөтүнүн жана айыл тургундарынын сунуштарын угуп жана талкуулап Кабак айыл аймагынын айылдык Кеңешинин депутаттарынын көпчүлүк добушунун негизинде токтом кылат: 

1. Айыл аймагындаүй-бүлөлүк салтанаттарды жана маркумду эске алуу ырым-жырымдарын өткөрүү боюнча жобо иштеп чыгуу Кабак айыл аймагынын айыл өкмөтүнүн башчысы Э. Качкын уулуна милдеттендирилсин.
2. Үй-бүлөлүк салтанаттар айылдарда жана башка калктуу конуштарда калыптанып калган жергиликтүү эрежелер жана тартип боюнча, киргизилген чектөөлөрдү жана тыюуларды бекем сактоо менен өткөрүлсүн.
3. Маркумду эске алуу ырым-жырымдарын (акыркы сапарга узатуу, үчүлүк, жетилик, кыркылык) өткөрүүдө айылда магазин жана тамактануучу жай жоктугун эске алуу менен, алыс жактан келген куда сөөк, туугандардын курсагын тойгузуу максатында 2 (эки) жандык же 1 (бир) бодо мал союуга уруксат берилсин.
4. Айыл аймагындаүй-бүлөлүк салтанаттарды жана маркумду эске алуу ырым-жырымдарын өткөрүү боюнча жобонун талабын бузган учурда мыйзамга ылайык айып жазасына тартылсын.
5. Ушул токтом айыл өкмөтүнөн каттоодон өткөрүлүп, kabak.kg веб-сайтына жарыялансын жана Кыргыз Республикасынын ченемдик укуктук актыларынын мамлекеттик реестрине киргизүү үчүн Нарын облусунун юстиция башкармалыгына жөнөтүлсүн. 
6. Токтомдун аткарылышын көзөмөлдөө жагы Кабак айыл аймагынын айыл өкмөтүнүн башчысы Э. Качкын уулуна милдеттендирилсин.