ЫНТЫМАК АЙЫЛДЫК КЕҢЕШИ

ТОКТОМ

Ынтымак айылдык кеңешинин (7 – чакырылышы) кезектеги VII– сессиясы

2021-жылдын 7-декабры № 7/2

Кыргыз Республикасынын Эсептөө палатасынын Ош шаары, Ош, Жалал-Абад жана Баткен областтары боюнча аймактык бөлүнүшүнүн, 2019-жылдын 1-январынан 2020-жылдын 31-декабрына карата Ынтымак айылдык Кенешинин төрагасына жолдогон 4.11.2021-ж № 01-14/452 сандуу каты жөнүндө

Кыргыз Республикасынын Эсептөө палатасынын Ош шаары, Ош, Жалал-Абад жана Баткен областтары боюнча аймактык бөлүнүшүнүн, 2019-жылдын 1-январынан 2020-жылдын 31-декабрына карата, Ынтымак айылдык кеңешинин төрагасына жолдогон 4.11.2021-ж № 01-14/452 сандуу катындагы маселени угуп жана талкуулап чыгып, Кыргыз Республикасынын “Жергиликтүү өз алдынча башкаруу” жөнүндө Мыйзамынын 31- беренесинин 1-пунктуна ылайык Ынтымак айылдык кеңешинин (7-чакырылышы) кезектеги VII сессиясы

ТОКТОМ КЫЛАТ:

1.  Кыргыз Республикасынын Эсептөө палатасынын Ош шаары, Ош, Жалал-Абад жана Баткен областтары боюнча аймактык бөлүнүшү тарабынан, Ынтымак айыл өкмөтүнүн 2019-жылдын 1-январынан тартып 2020-жылдын 31-декабрына чейинки мезгил аралыгындагы бюджетинин түзүлүшүнө жана аткарылышына жүргүзүлгөн аудиттин жыйынтыгы эске алынсын.

2.  Айыл өкмөтүнүн бюджеттик каражаттарын пайдаланууда, каржы экономикалык бөлүмүнүн адистери тарабынан максатсыз чыгымдарга жол берилгендиги белгиленсин жана кемчиликтерди жоюу боюнча айыл өкмөтүнүн башчылыгы тарабынан иш-чаралар көрүлсүн.

3.  Сапарнамалык чыгымдарды төлөө, Кыргыз Республикасынын өкмөтүнүн 2008-жылдын 26-августундагы №471 “Сапарнамалылык чыгымдардын өлчөмүн белгилөө жана алардын ордун толтуруунун тартиби жөнүндө” токтомунун талаптарына ылайык жүргүзүү айыл өкмөтүнүн каржы экономикалык бөлүмүнүн башчысына милдеттендирилсин.

4.  Бул токтомдун аткарылышын көзөмөлдөө жагы Ынтымак айылдык кеңешинин бюджет, салык жана финансы боюнча туруктуу комиссиянын курамына тапшырылсын