Кыргыз Республикасынын Коргоо министрлигине караштуу "Семетей" мейманканасы" мамлекеттик ишканасын жоюу жөнүндө

Кыргыз Республикасынын Граждандык кодексинин 96-статьясына, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Коргоо министрлигине караштуу "Семетей" мейманканасы" мамлекеттик ишканасы (мындан ары - "Семетей" мейманканасы" МИ) жоюлсун.

2. Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттик "Семетей" мейманканасы" МИни жоюу жол-жобосун жүзөгө ашыруу үчүн жоюу комиссиясын түзсүн.

3. Жоюу комиссиясы Кыргыз Республикасынын мыйзамдарында белгиленген тартипте "Семетей" мейманканасы" МИни жоюу боюнча иш-чараларды жүргүзсүн.

4. Кыргыз Республикасынын Коргоо министрлиги:

1) "Семетей" мейманканасы" МИнин бошогон кызматкерлерине Кыргыз Республикасынын мыйзамдарына ылайык бошотуу жөлөкпулдарын жана компенсацияларды төлөө үчүн акча каражаттарды бөлсүн;

2) "Семетей" мейманканасы" МИнин жоюу балансын бекитсин;

3) ушул токтомдон келип чыгуучу башка чараларды көрсүн.

5. Төмөнкүлөр күчүн жоготту деп таанылсын:

1) Кыргыз Республикасынын Өкмөтүнүн 2015-жылдын 16-сентябрындагы № 640 "Кыргыз Республикасынын Коргоо министрлигине караштуу "Семетей" мейманканасы" мамлекеттик ишканасынын уставын бекитүү жөнүндө" токтому;

2) Кыргыз Республикасынын Өкмөтүнүн 2016-жылдын 27-апрелиндеги № 217 "Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө" токтомунун 30-пункту;

3) Кыргыз Республикасынын Министрлер Кабинетинин 2021-жылдын 24-декабрындагы № 342 "Коргоо маселелерин тейлеген ыйгарым укуктуу мамлекеттик органга караштуу мамлекеттик ишканалардын маселелери жөнүндө" токтомунун 1-пунктунун 2-пунктчасы, 3-пункту.

6. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

7. Бул токтом расмий жарыяланган күндөн тартып он күн өткөндөн кийин күчүнө кирет.