ЖАЛАЛ-АБАД ШААРДЫК КЕҢЕШИ

ТОКТОМ

Жалал-Абад шаардык кеңешинин IX чакырылыш кезектеги XLII сессиясы

2024-жыл 7-май №10

“Кыргыз Республикасынын Министрлер Кабинетинин 2024-жылдын

30-апрелинде №208-т тескемесине ылайык 2024-жылга Жалал-Абад шаарынын негизги көчөлөрүн капиталдык оӊдоодон өткөрүү үчүн бөлүнгөн 709,3 млн. сом өлчөмүндөгү максаттуу трансферттерди чыгымдоо жөнүндө”

Кыргыз Республикасынын Бюджеттик кодексинин 78-беренесине ылайык, Кыргыз Республикасынын Министрлер Кабинетинин 2024-жылдын 30-апрелиндеги №208-т тескемесине ылайык, Жалал-Абад шаарынын мэриясынын 06.05.2024-жылдагы чыг.№01-19/2322 сандуу катты шаардык кеӊештин сессиясында талкуулап, Депутаттардын Жалал-Абад шаардык кеңештин кезектеги XLII cессиясы

ТОКТОМ КЫЛАТ:

1. 2024-жылга Жалал-Абад шаарынын негизги көчөлөрүн капиталдык оӊдоодон өткөрүү боюнча республикалык бюджеттен Жалал-Абад шаарынын жергиликтүү бюджетине бөлүнгөн 709300000 (жети жүз тогуз миллион үч жүз миӊ) сом өлчөмүндөгү максаттуу трансферттерди №1-тиркемеге ылайык каржылоого макулдук берилсин.

1. Жалал-Абад шаарынын жергиликтүү бюджетине келип түшкөн максаттуу трансферттерди Жалал-Абад шаарынын 2024-жылга бекитилген бюджетине киреше жана чыгаша бөлүктөрүнө №1-тиркемеге ылайык өзгөртүүлөрдү тактоо Жалал-Абад шаарынын финансы башкармалыгынын башчысына (Н.Хайткулов) милдеттендирилсин.

1. Жалал-Абад шаарынын негизги көчөлөрүн капиталдык ондоодон өткөрүү боюнча иштерди жүргүүзүдө мыйзам талаптарын сактоо жана акча каражатын максаттуу пайдалануу жагы Жалал-Абад шаарынын мэрине (Э.Ормоков) милдеттендирилсин.

1. Ушул токтомду Кыргыз Республикасынын Юстиция министрлигине мамлекеттик реестрге киргизүү жагы шаардык кеңештин жооптуу катчысына (О.Эшенкулов) милдеттендирилсин.
2. Ушул токтомдун аткарылышын көзөмөлгө алуу жагы шаардык кеңештин бюджет, экономика, каржы жана салыктар боюнча туруктуу комиссиясына милдеттендирилсин.

1. Ушул токтом Жалал-Абад шаарынын www.jalal-abad.gov.kg расмий сайтында жарыялангандан тартып күчүнө кирет.

2024-жылга Жалал-Абад шаарынын капиталдык оӊдоодон өтүүчү негизги көчөлөрү