КЫЗЫЛ-КЫЯ ШААРДЫК КЕӉЕШИ

ТОКТОМ

2024-жылдын 15-майы №28/148

Кызыл-Кыя шаарына караштуу Жин-Жиген калктуу пунктунун Кызыл-Кыя шаарынын административдик аймагына таандуулугу жөнүндө

“Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын 2021-жылдын 20-октябрындагы №123 Мыйзамынын 34-беренесине негиз, шаардык кеңештин Коммуналдык объектер, менчик, мүлк, экология, санитардык тазалоо, көрктөндүрүү, архитектура жана курулуштар боюнча туруктуу комиссиясынын 2024-жылдын 13-майындагы № 50 протоколун жана Кызыл-Кыя шаарынын мэри А.Маткалыковдун 2024-жылдын                 6-майындагы № 01-8/1179 катын эске алып,  Кызыл-Кыя шаардык кеңешинин сессиясы

ТОКТОМ  кылат:

1. Кызыл-Кыя шаарына караштуу Жин-Жиген айылынын жашоочуларынын      Кызыл-Кыя шаарында толугу менен турмуш тиричилигин өткөрүп жаткандыгын  жана алар тарабынан административдик аймактык түзүлүшүнө каршы экендигин эске алып, Кызыл-Кыя шаарынын административдик аймагынан бөлүнбөстүгүн билдирген Кызыл-Кыя шаарынын мэринин Жин-Жиген айылынын эли менен өткөрүлгөн жыйынынын 2024-жылдын 26-мартындагы протоколу жактырылсын.

1. Кызыл-Кыя шаарына караштуу Жин-Жиген айылы Кызыл-Кыя шаарынын административдик аймагында жайгашкандыгы белгиленсин.    

1. Баткен облусунун Кызыл-Кыя шаарынын жана Ош облусунун Ноокат районунун административдик аймактык чегараларын тактоо боюнча Кыргыз Республикасынын Жогорку Кенешине жана Кыргыз Республикасынын Министрлер Кабинетине кат жөнөтүлсүн.

1. Кызыл-Кыя шаарынын административдик аймактык чегарасын аныктоо жана тактоо боюнча тийиштүү  иш-чараларды жүргүзүү жагы шаар мэри А.Маткалыковго жүктөлсүн.

1. Бул токтомдун аткарылышын көзөмөлгө алуу жагы Коммуналдык объектер, менчик, мүлк, экология, санитардык тазалоо, көрктөндүрүү, архитектура жана курулуштар боюнча туруктуу комиссиясына тапшырылсын.