КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2024-жылдын 15-майы № 248

Кыргыз Республикасынын Өкмөтүнүн жана Кыргыз Республикасынын Министрлер Кабинетинин токой чарба жаатындагы айрым чечимдерине өзгөртүүлөрдү киргизүү жөнүндө

(КР Министрлер Кабинетинин 2024-жылдын 6-декабрындагы № 743,  2025-жылдын 25-апрелиндеги № 238, 2025-жылдын 18-декабрындагы № 813 токтомдорунун редакцияларына ылайык)

Токой чарба жаатындагы мыйзамдарды актуалдаштыруу максатында, "Кыргыз Республикасынын Токой кодексине өзгөртүүлөрдү киргизүү жөнүндө" Кыргыз Республикасынын Мыйзамынын 2-беренесин жана Кыргыз Республикасынын Президентинин 2023-жылдын 25-декабрындагы № 354 "Кыргыз Республикасынын Министрлер Кабинетинин түзүмүнө өзгөртүүлөрдү киргизүү жөнүндө" Жарлыгынын 7-пунктун аткаруу үчүн, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Өкмөтүнүн 2008-жылдын 11-апрелиндеги № 145 "Кыргыз Республикасынын токойлоруна улуттук инвентаризация жүргүзүү жөнүндө" токтомуна төмөнкүдөй өзгөртүү киргизилсин:

жогоруда аталган токтом менен бекитилген Кыргыз Республикасынын токойлоруна улуттук инвентаризация жүргүзүүнүн тартиби жөнүндө жободо:

- 5, 7-пункттар "мамлекеттик орган" деген сөздөрдөн мурда "республикалык" деген сөз менен толукталсын.

2. (КР Министрлер Кабинетинин 2024-жылдын 6-декабрындагы № 743 токтомуна ылайык күчүн жоготту)

3. Кыргыз Республикасынын Өкмөтүнүн 2012-жылдын 27-июнундагы № 446 "Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин атайын эсеби жөнүндө жобону бекитүү тууралуу" токтомуна төмөнкүдөй өзгөртүүлөр киргизилсин:

1) аталышында жана 1-пункттагы "Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин" деген сөздөр "Өзгөчө кырдаалдар министрлигине караштуу Токой кызматынын" деген сөздөргө алмаштырылсын;

2) жогоруда аталган токтом менен бекитилген Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин атайын эсеби жөнүндө жободо:

- аталышы төмөнкүдөй редакцияда баяндалсын:

"Кыргыз Республикасынын Өзгөчө кырдаалдар министрлигине караштуу Токой кызматынын атайын эсеби жөнүндө жобо";

- 1-пункт төмөнкүдөй редакцияда баяндалсын:

"1. Кыргыз Республикасынын мамлекеттик бюджетинен бөлүнгөн ассигнованиелерден тышкары Кыргыз Республикасынын Өзгөчө кырдаалдар министрлигине караштуу Токой кызматы (мындан ары - Кызмат) тарабынан алынуучу каражаттар атайын эсептин каражаты болуп эсептелет. Атайын эсептин каражаттары белгиленген жол-жоболорго ылайык казына системасы аркылуу сарпталат.

Аталган каражаттар Кыргыз Республикасынын мамлекеттик бюджетине киргизилет жана бюджеттин киреше жана чыгаша бөлүктөрүндө өзүнчө тиркеме менен бөлүнөт.

Кызматтын атайын эсеби төмөнкүдөй максаттарда ачылат:

- Кызматтын ишинин натыйжалуулугун жогорулатуу үчүн зарыл болгон материалдык-техникалык шарттарды түзүү;

- Кызматтын системасындагы кызматкерлер үчүн социалдык коргоону жана кепилдиктерди камсыз кылуу, алардын өз иштеринин жыйынтыгына болгон кызыкчылыктарын арттыруу;

- Кызматтын системасындагы кызматкерлердин квалификациясын жогорулатуу;

- Кызматтын системасындагы кызматкерлерге бир жолку материалдык жардам көрсөтүү.";

- 2-пункттун экинчи абзацы төмөнкүдөй редакцияда баяндалсын:

"- Бирдиктүү казыналык эсеп системасында атайын эсептерде топтолгон бюджеттик мекемелердин каражаттары жөнүндө жобого ылайык Кызматтын ведомстволук бөлүмдөрүнүн атайын каражаттарынан чегерүүлөр;";

- 4-пункттагы "Агенттиктин" деген сөз "Кызматтын" деген сөзгө алмаштырылсын.

4. Кыргыз Республикасынын Өкмөтүнүн 2015-жылдын 11-мартындагы № 111 "Токой фондун эсепке алуунун бирдиктүү тартибин бекитүү жөнүндө" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Токой фондун эсепке алуунун бирдиктүү тартибинде:

- 2, 7, 9-11, 14-17-пункттарда түрдүү жөндөмөлөрдөгү "айлана-чөйрөнү коргоо жана токой чарбасы мамлекеттик органы" деген сөздөр тиешелүү жөндөмөлөрдөгү "токой чарбасын башкаруучу республикалык мамлекеттик орган" деген сөздөргө алмаштырылсын;

- Токой фондун эсепке алуунун бирдиктүү тартибинин 2-тиркемесинин 3-пункту төмөнкүдөй редакцияда баяндалсын:

"3. Эсепке алуунун № 1 формасы жыл сайын токой чарба ишканалары, мамлекеттик жаратылыш парктары, мамлекеттик жаратылыш коруктары, жергиликтүү өз алдынча башкаруу органдары тарабынан толтурулат жана токой чарбасын башкаруучу республикалык мамлекеттик органдын токой жайгаштыруу уюмуна берилет.";

- Токой фондун эсепке алуунун бирдиктүү тартибинин 4-тиркемесинин 3-пункту төмөнкүдөй редакцияда баяндалсын:

"3. Эсепке алуунун № 2 формасы токой чарба ишканалары, мамлекеттик жаратылыш парктары, мамлекеттик жаратылыш коруктары, жергиликтүү өз алдынча башкаруу органдары тарабынан толтурулат жана токой чарбасын башкаруучу республикалык мамлекеттик органдын токой жайгаштыруу уюмуна тапшырылат.";

- Токой фондун эсепке алуунун бирдиктүү тартибинин 5-тиркемесинин 1-пункту төмөнкүдөй редакцияда баяндалсын:

"1. Токой фондун эсепке алуу материалдарынын түшүндүрмө каттары токой чарбасын башкаруучу республикалык мамлекеттик органдын токой жайгаштыруу уюму тарабынан түзүлөт. № 1 формасында, № 2 формасында жана төмөндө саналган бардык түшүндүрмө каттардын главаларында облустардын жана республиканын деңгээлинде топтолгон маалыматтар көрсөтүлөт.".

5. (КР Министрлер Кабинетинин 2025-жылдын 25-апрелиндеги № 238 токтомуна ылайык күчүн жоготту)

6. Кыргыз Республикасынын Өкмөтүнүн 2015-жылдын 9-июлундагы № 474 "Токойлорду корголуу категорияларына киргизүү жана аларды бир категориядан башкасына которуу эрежелерин бекитүү тууралуу" токтомуна төмөнкүдөй өзгөртүү киргизилсин:

жогоруда аталган токтом менен бекитилген Токойлорду корголуу категорияларына киргизүү жана аларды бир категориядан башкасына которуу эрежелеринде:

- 2, 18-пункттарда "айлана-чөйрөнү коргоо жана токой чарбасы чөйрөсүндөгү мамлекеттик орган" деген сөздөр "токой чарбасын башкаруучу республикалык мамлекеттик орган" деген сөздөргө алмаштырылсын.

7. (КР Министрлер Кабинетинин 2025-жылдын 18-декабрындагы № 813 токтомуна ылайык күчүн жоготту)

8. Кыргыз Республикасынын Өкмөтүнүн 2019-жылдын 20-февралындагы № 74 "Кыргыз Республикасында токой чарба өндүрүшүнүн жоготууларынын ордун толтуруунун иретинде келип түшкөн каражаттарды токойду коргоо, сактоо, өстүрүү, өндүрүмдүүлүгүн жогорулатуу жана өзгөчө баалуу дарак породаларын калыбына келтирүү үчүн пайдалануу жөнүндө жобону бекитүү тууралуу" токтомуна төмөнкүдөй өзгөртүү киргизилсин:

жогоруда аталган токтом менен бекитилген Кыргыз Республикасында токой чарба өндүрүшүнүн жоготууларынын ордун толтуруунун иретинде келип түшкөн каражаттарды токойду коргоо, сактоо, өстүрүү, өндүрүмдүүлүгүн жогорулатуу жана өзгөчө баалуу дарак породаларын калыбына келтирүү үчүн пайдалануу жөнүндө жободо:

- 1-пунктта "айлана-чөйрөнү коргоо" деген сөздөр "токой чарбасы" деген сөздөргө алмаштырылсын.

9. Кыргыз Республикасынын Өкмөтүнүн 2019-жылдын 13-июнундагы № 292 "Астана шаарында 2018-жылдын 2-ноябрында кол коюлган КМШга катышкан мамлекеттердин чек ара аймактарында токой илдеттеринин жана зыянкечтеринин алдын алуу жана очокторун жок кылуу боюнча өз ара аракеттенүү жөнүндө макулдашууну бекитүү тууралуу" токтомуна төмөнкүдөй өзгөртүү киргизилсин:

- 2-пункттун экинчи абзацында "Кыргыз Республикасынын Өкмөтүнө караштуу Курчап турган чөйрөнү коргоо жана токой чарба мамлекеттик агенттиги" деген сөздөр "Кыргыз Республикасынын Өзгөчө кырдаалдар министрлигине караштуу Токой кызматы" деген сөздөргө алмаштырылсын.

10. Кыргыз Республикасынын Министрлер Кабинетинин 2021-жылдын 15-ноябрындагы № 264 "Кыргыз Республикасынын аткаруу бийлигинин мамлекеттик органдарынын жана Кыргыз Республикасынын башка мамлекеттик органдарынын, анын ичинде техникалык жана тейлөөчү персоналынын штаттык санынын чеги жөнүндө" токтомуна төмөнкүдөй өзгөртүү киргизилсин:

жогоруда аталган токтомдун 5-тиркемесинде:

- 32-пунктта "Айыл чарба министрлигине" деген сөздөр "Өзгөчө кырдаалдар министрлигине" деген сөздөргө алмаштырылсын.

11. Төмөнкүлөр күчүн жоготту деп таанылсын:

1) Кыргыз Республикасынын Өкмөтүнүн 2009-жылдын 15-августундагы № 534 "Кыргыз Республикасынын токой секторунда укук колдонууну жана башкарууну күчөтүү боюнча чаралар планын бекитүү жөнүндө" токтому;

2) Кыргыз Республикасынын Өкмөтүнүн 2018-жылдын 18-январындагы № 30 "Кыргыз Республикасынын курчап турган чөйрөнү коргоо жана токой чарбасы мамлекеттик органынын кызматкерлеринин формалык кийими жөнүндө" токтому.

12. Кыргыз Республикасынын Өзгөчө кырдаалдар министрлиги өзүнүн чечимдерин ушул токтомго ылайык келтирсин.

13. Бул токтомдун аткарылышып контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

14. Бул токтом расмий жарыяланган күндөн тартып он күн өткөндөн кийин күчүнө кирет.

«Эркин-Тоо» мамлекеттик расмий гезитинин 2024-жылдын 17-майындагы № 37 (3590) саны менен жарыяланды.