БҮРГӨНДҮ-ДОСТУК АЙЫЛДЫК КЕҢЕШИ

ТОКТОМ

Бүргөндү-Достук айылдык кеңешинин XXVIII чакырылышынын кезексиз V сессиясынын

2024-жылы 10-май №10

“Ноокен райондук мамлекеттик администрациясынын 2024-жылдын

10-майындагы № 01-16/760 сандуу каты жөнүндө”

Кыргыз Республикасынын Президентинин 2023-жылдын 29- декабрындагы ПЖ № 370 “Кыргыз Республикасынын айыл аймактарынын жана шаарларынын деңгээлинде пилоттук режимде административдик аймактык реформаны жүргүзүү жөнүндө” Жарлыгынын негизинде бириккен Бүргөндү – Достук айыл аймагынан Достук айыл аймагын жана Таш-Көмүр шааарынын Теңдик аймактык башкармалыгынын Теңдик, Кызыл-Алма, Чүйүт-Сай, Кудук-Сай, Кашкулак-Сай айылдарын бөлүү жөнүндө Ноокен райондук мамлекеттик администрациясынын 2024-жылдын 10-майындагы № 01-16/760 сандуу катынын негизинде, айылдык кеңештин депутаттарынын сунуштарын эске алып, угуп жана талкуулап, Бүргөндү –Достук айылдык кеңешинин XXVIII чакырылышынын кезексиз V сессиясы

ТОКТОМ КЫЛАТ:

1. Бүргөндү – Достук айыл аймагынан мурунку Достук айыл аймагын жана Таш-Көмүр шааарынан өткөн Теңдик, Кызыл-Алма, Чүйүт-Сай, Кудук-Сай, Кашкулак-Сай айылдарын кошуп, бөлүп чыгаруу Кыргыз Республикасынын Министрлер Кабинетине караштуу Жер ресурстары, кадастр, геодезия жана картография боюнча мамлекеттик агенттигинин “Кыргызмамжердолбоор” мамлекеттик ишканасынан суралсын.

2. Жаңы түзүлгөн карталарга Бүргөндү – Достук айыл өкмөтүнүн башчысы жана Бүргөндү – Достук айылдык кеңешинин төрагасына кол коюу милдеттендирилсин.

3.Бул токтомдун көчүрмөсү Ноокен районунун мамлекеттик администрациясына жөнөтүлсүн.

4. Бул токтом мамлекеттик реестрге киргизүү жана каттоо үчүн Жалал-Абад областтык юстиция башкармалыгына жөнөтүлсүн.

5.Бул токтомдун аткарылышын көзөмөлдөө укук жана мыйзамдуулук боюнча туруктуу комиссиясына жүктөлсүн.