КР 2025-жылдын 5-февралындагы № 34 конституциялык Мыйзамына ылайык КҮЧҮН ЖОГОТТУ

   КЫРГЫЗ РЕСПУБЛИКАСЫНЫН КОНСТИТУЦИЯЛЫК МЫЙЗАМЫ

2024-жылдын 28-майы № 90

Кыргыз Республикасынын Улуттук банкынын пайдасын которуу маселелери жөнүндө

1-берене.

"Кыргыз Республикасынын Улуттук банкы жөнүндө" Кыргыз Республикасынын конституциялык Мыйзамынын 12-беренесинин 4-бөлүгүнүн колдонулушу токтотулуп турат жана 2023-жылдын жыйынтыгы боюнча Кыргыз Республикасынын Улуттук банкынын пайдасын бөлүштүрүүгө жайылтылбайт деп белгиленсин.

Кыргыз Республикасынын Улуттук банкы 2023-жылдын жыйынтыгы боюнча пайданы республикалык бюджеттин кирешесине жүз пайыз өлчөмүндө которууну жүзөгө ашырсын.

2-берене.

Күчүн жоготту деп таанылсын:

1) "Кыргыз Республикасынын Улуттук банкынын пайдасын которуу маселелери жөнүндө" Кыргыз Республикасынын 2022-жылдын 13-июнундагы № 44 Мыйзамы ("Эркин-Тоо" гезити, 2022-жылдын 17-июну, № 53);

2) "Кыргыз Республикасынын Улуттук банкынын пайдасын которуу маселелери жөнүндө" Кыргыз Республикасынын 2023-жылдын 19-июлундагы № 141 конституциялык Мыйзамы ("Эркин-Тоо" гезити, 2023-жылдын 21-июлу, № 58).

3-берене.

Ушул конституциялык Мыйзам расмий жарыяланган күндөн тартып он күн өткөндөн кийин күчүнө кирет.