ӨРҮКТҮ АЙЫЛДЫК КЕҢЕШИ

ТОКТОМ

“Өрүктү айылдык Кеңешинин VIII чакырылышынын кезектеги II сессиясынын”

2024-жылы 27-январы №2

“Өрүктү айыл аймагынын жайыт комитетинин 2023-жыл ичинде аткарылган жумуштары боюнча жылдык отчету, 2024-жылга карата түзүлгөн иш-планын жана бюджетин бекитүү жөнүндө”

Өрүктү айылдык аймагынын жайыт комитетинин төрагасы Н. Арзыматовдун маалыматын жана Өрүктү айылдык Кеңешинин бюджет, экономика, каржы жана инвестиция боюнча туруктуу комиссиясынын 2024-жыл 26-январындагы отурумунун корутундусун угуп жана талкуулап, Өрүктү айылдык Кеңешинин VIII чакырылышынын кезектеги II сессиясы токтом кылат:

1. Өрүктү айыл аймагынын жайыт комитетинин 2023-жылдын атайын каражатынын аткарылышы боюнча отчету канааттандырарлык деп белгиленсин.

1. Жайыт комитетинин 2024-жылга киреше бөлүгү 1 039,5 (бир миллион отуз тогуз миң беш жүз) сом, жергиликтүү бюджетке 33% 346,5 (үч жүз кырк алты миң беш жүз) сом, жайыт комитетине 67% 693,0 (алты жүз токсон үч миң) сом бекитилсин.

1. Жайыт комитетинин 2024-жылга карата аткарылуучу иш-планы бекитилсин.

1. Жайытка чыгуучу чабандардын мал башына элден алынуучу төлөмдөр төмөндөгүдөй тарифте бекитилсин:

-          Кой, эчки – 150 (жүз элүү) сом;

-          Кара мал, жылкы – 500 (беш жүз) сом.

1. Төлөмдөрдү жогорудагы бекитилген көрсөткүчтөрдүн чегинде алынуусун жана малчылардын жайлоого көчүү мөөнөтүн көзөмөлдөө жайыт пайдалануучулар бирикмесинин төрагасы Н. Арзыматовго милдеттендирилсин.

1. Токтомду Ала-Бука райондук мамлекеттик администрациясынын www.alabuka.kg веб сайтына жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү Өрүктү айылдык Кеңешинин жооптуу катчысына милдеттендирилсин.
2. Токтомдун аткарылышын көзөмөлдөө жергиликтүү Кеңештин жер, агрардык маселелер, экология, жайыт боюнча туруктуу комиссиясына жүктөлсүн.