ТИЛЕКТЕШ АЙЫЛ АЙМАГЫНЫН

 АЙЫЛДЫК КЕҢЕШИ

ТОКТОМ

Тилектеш айыл аймагынын айылдык кеңешинин VII чакырылышынын кезектеги I сессиясы

2024-жылдын 22-февралы  № 1/2

«Тилектеш айыл аймагынын айылдык кеңеши» мекемесин түзүү жөнүндө

Кыргыз Республикасынын Президентинин 2023-жылдын 29-декабрындагы № 370 «Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө» Жарлыгын, Кыргыз Республикасынын Президентинин 2024-жылдын 7-февралындагы №24 "Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобону бекитүү жөнүндө” Жарлыгын, Кыргыз Республикасынын Министрлер Кабинетинин 2024-жылдын  7-февралындагы №52 "Пилоттук режимде административдик-аймактык реформа жүргүзүү мезгилинде Кыргыз Республикасынын жергиликтүү өз алдынча башкаруусунун аткаруу органдарынын ишин уюштуруу жөнүндө" Токтомун, Кыргыз Республикасынын Жарандык кодексинин 92-беренесин жана “Кыргыз Республикасынын Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамын жетекчиликке алып, Тилектеш айыл аймагынын айылдык  кенеши

ТОКТОМ КЫЛАТ:

1. Жошолу  жана  Корул айыл аймактарынын айылдык кеңештерин бириктирүү жолу менен  Тилектеш айыл аймагынын айылдык кеңеши болуп кайра түзүлсүн.

Юридикалык жактын толук фирмалык аталышы:

- Мамлекеттик тилде:  “Тилектеш  айыл аймагынын айылдык кеңеши " мекемеси;

- Расмий тилде: Учреждение "Айылный кенеш  Тилектешского айылного аймака"

Кыскартылган фирмалык аталышы:

- Мамлекеттик тилде:   “ Тилектеш  айыл аймагынын айылдык кеңеши" м-и.

 - Расмий тилде: У-е “Айылный кенеш   Тилектешского  айылного аймака”

 2. “Тилектеш  айыл аймагынын айылдык кеңешинин” Жобосу бекитилсин.

 3. “Тилектеш  айыл аймагынын айылдык кеңешинин” юридикалык дареги болуп, Кыргыз Республикасы, Ош облусу, Алай  району,  Жаңы-Турмуш айылы, Жаңы-Турмуш -1 көчөсү № 1а болуп аныкталсын.

 4. Юридикалык жактын уюштуруучусу - жергиликтүү кеңештин депутаттары.

5. Мекеме Кыргыз Республикасынын иштөөдөгү мыйзамдарына ылайык Кыргыз Республикасынын юстиция органдарында мамлекеттик каттоодон өткөрүлсүн.

         Токтомдо көрсөтүлгөн маалыматтардын, ошондой эле мамлекеттик каттоо үчүн тапшырылган документтердеги маалыматтардын аныктыгы ырасталат.