ЫЛАЙ-ТАЛАА АЙЫЛДЫК  КЕҢЕШИ

ТОКТОМ   

Бириккен Ылай-Талаа айылдык кеңешинин уюштуруу сессиясы

2024-жылдын 21-февралы №1/3                                  

«Ылай-Талаа айыл аймагынын айылдык кеңеши» мекемеси

айылдык кеңешин түзүү жөнүндө

Кыргыз Республикасынын Президентинин 2024-жылдын 7-февралындагы №24 «Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобону бекитүү тууралуу» Жарлыгын, Кыргыз Республикасынын Министрлер Кабинетинин 2024-жылдын 7-февралындагы №52 "Пилоттук режимде административдик-аймактык реформа жүргүзүү мезгилинде Кыргыз Республикасынын жергиликтүү өз алдынча башкаруусунун аткаруу органдарынын ишин уюштуруу жөнүндө" токтомун, Кыргыз Республикасынын Жарандык кодексинин 92-беренесин, “Кыргыз Республикасынын Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамын жана Кыргыз Республикасынын Министрлер Кабинетинин 2023-жылдын 31-мартындагы №178 токтому менен бекитилген “Юридикалык жактарды, филиалдарды (өкүлчүлүктөрдү) мамлекеттик каттоонун тартиби жөнүндө” Жобону жетекчиликке алып, Ылай-Талаа айылдык кенеши

ТОКТОМ КЫЛАТ:

1. «Ылай-Талааайылдык кеңеши» мекемеси жана «Чалма» айылдык кеңеши мекемеси бириктирүү жолу менен «Ылай-Талаа айыл аймагынын айылдык кеңеши» мекемеси болуп кайра түзүлсүн.

Юридикалык жактын толук фирмалык аталышы:

- Мамлекеттик тилде: «Ылай-Талаа айыл аймагынын айылдык кеңеши» мекемеси.

- Расмий тилде: Учреждение "Айылный кенеш Ылай-Талинского айылного аймака"   

Кыскартылган фирмалык аталышы:

- Мамлекеттик тилде: «Ылай-Талаа айыл аймагынын айылдык кеңеши» М-и.

- Расмий тилде: У-е "Айылный кенеш Ылай-Талинского айылного аймака".

2. «Ылай-Талааайыл аймагынын айылдык кеңеши» мекемесинин Жобосу бекитилсин.

3. «Ылай-Талааайыл аймагынын айылдык кеңеши» мекемесинин юридикалык дареги болуп, Кыргыз Республикасы, Ош облусу, Кара-Кулжа району, Ылай-Талаа айылы, Раимкул Сатыбаев көчөсү №45 болуп аныкталсын.

4. Юридикалык жактын уюштуруучусу - жергиликтүү кеңештин депутаттары.

5. Мекеме Кыргыз Республикасынын иштөөдөгү мыйзамдарына ылайык Кыргыз Республикасынын юстиция органдарында мамлекеттик каттоодон өткөрүлсүн.

  Токтомдо көрсөтүлгөн маалыматтардын, ошондой эле мамлекеттик каттоо үчүн тапшырылган документтердеги маалыматтардын аныктыгы ырасталат.