К.БЕЛЕКБАЕВ АТЫНДАГЫ АЛАЙ АЙЫЛДЫК КЕҢЕШИ

ТОКТОМ

К.Белекбаев атындагы Алай айылдык кеңешинин VII чакырылышынын кезектеги 42-отуруму

2024-жылдын 23-январы № 42/4

«Сопу-Коргон-Тазалык» муниципалдык ишканасы жөнүндө

К.Белекбаев атындагы Алай айыл өкмөтүндө калктын саны жогору болгондугуна байланыштуу калкка кызмат көрсөтүүнү жакшыртуу максатында «Сопу-Коргон-Тазалык» муниципалдык ишканасын ордунда калтыруу боюнча К.Белекбаев атындагы Алай айыл өкмөтүнүн башчысы А.Куловдун билдирүүсүн угуп жана талкуулап, Кыргыз Республикасынын «Жергиликтүү мамлекеттик администрация жана жергиликтүү өз алдынча башкаруу органдары жөнүндө» мыйзамынын 34-беренесине ылайык, К.Белекбаев атындагы Алай айылдык кеңешинин

ТОКТОМ КЫЛАТ:

1.К.Белекбаев атындагы Алай айыл өкмөтүндө калктын саны жогору болгондугуна байланыштуу калкка кызмат көрсөтүүнү жакшыртуу максатында «Сопу-Коргон-Тазалык» муниципалдык ишканасы калтырылсын.

2.«Сопу-Коргон-Тазалык» муниципалдык ишканасынын штаттык бирдиги 5 (беш) бирдик болуп белгиленсин жана өзүн өзү каржылоого өткөрүлсүн. Муниципалдык ишкананын директору каржылык эсеп-кысап алып баргандыгы үчүн эмгек акысы сакталсын.

3.Ишмердүүлүгүн «Сопу-Коргон-Тазалык» муниципалдык ишканасы жөнүндө Жобого ылайык жүргүзүү Боронбаев Махамад Чериковичке милдеттендирилсин жана калктан чогултуучу төлөмдөрдүн көлөмүн көбөйтүүнү колго алсын.

4.«Сопу-Коргон-Тазалык» муниципалдык ишканасынын ишмердигин көзөмөлдөө жагы айыл өкмөтүнүн башчысы А.Куловго тапшырылсын.

5.Токтомдун аткарылышын көзөмөлдөө бюджет жана экономика боюнча туруктуу комиссиясына жүктөлсүн.