КҮМҮШТАК АЙЫЛ АЙМАГЫНЫН АЙЫЛДЫК КЕӉЕШИ

ТОКТОМ

Күмүштак айылдык Кеңешинин I чакырылышындагы депутаттардын

II сессиясынын

2024-жылдын 06-марты № 1

“Боо-Терек” айыл өкмөтүнүн мекемеси менен “Оро” айыл өкмөтүнүн мекемесинин кошулуусу жөнүндө

               “Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндөгү” Кыргыз Республикасынын Президентинин 2023-жылдын 29-декабрындагы №370 Жарлыгын жана “Пилоттук режимде жүргүзүлүп жаткан административдик-аймактык реформанын алкагында жергиликтүү Кеңештердин иши жѳнүндѳгү” Кыргыз Республикасынын Президентинин 2024-жылдын 7-февралындагы №24 Жарлыгы менен бекитилген убактылуу Жобону жетекчиликке алып, ошондой эле “Юридикалык жактарды, филиалдарды (өкүлчүлүктөрдү) мамлекеттик каттоонун тартиби жөнүндөгү” Кыргыз Республикасынын Министрлер Кабинетинин 2023-жылдын 31-мартындагы №178 токтому менен бекитилген Жобону жана ошондой эле “Пилоттук режимде административдик-аймактык реформа жүргүзүү мезгилинде Кыргыз Республикасынын жергиликтүү өз алдынча башкаруусунун аткаруу органдарынын ишин уюштуруу жөнүндөгү” Кыргыз Республикасынын Министрлер Кабинетинин 2024-жылдын 7-февралындагы №52 токтомун ошондой эле Кыргыз Республикасынын Жарандык Кодексинин 92-беренесин жана “Кыргыз Республикасынын Жергиликтүү мамлекеттик администрация жана жергиликтүү өз алдынча башкаруу органдары жөнүндөгү” Мыйзамын жетекчиликке алып Күмүштак айылдык Кеңешинин I чакырылышындагы депутаттардын II сессиясы;

ТОКТОМ КЫЛАТ:

1. Кыргыз Республикасынын, Талас облусунун, Бакай-Ата районунун, Боо-Терек айыл өкмөтүнүн мекемеси менен Кыргыз Республикасынын, Талас облусунун, Бакай-Ата районунун Оро айыл өкмөтүнүн мекемесинин бириктирүү жолу менен Кыргыз Республикасынын, Талас облусунун, Бакай-Ата районунун, «Күмүштак айыл аймагынын айыл өкмөтү» болуп кайра түзүлүүгө уруксат берилсин.

2. Мекемелердин мүлкүн инвентаризациялоо жана өткөрүп берүү актысына кол коюу жагы Боо-Терек айыл өкмөтүнүн мекемесинин башчысы Буланбеков Уланбек Эсенбековичке жана Оро айыл өкмөтүнүн мекемесинин башчысы Айтпаев Джийдебек Бейшеновичке жүктөлсүн.

3. Ушул токтомдун аткарылышы боюнча көзөмөлдөө жагын өзүмө калтырам.