АЛЕКСАНДРОВКА АЙЫЛ АЙМАГЫНЫН АЛЕКСАНДРОВКА АЙЫЛДЫК КЕҢЕШИ
ТОКТОМ
Александровка айылдык кеңешинин XXIX-чакырылышынын 26-сессиясынын токтому
2023-жылдын 27-октябры № 104
Административдик-аймактык реформаны жүргүзүү жөнүндө
Кыргыз Республикасынын Президентинин 2022-жылдын 18-октябрындагы №350 “Кыргыз Республикасынын административдик-аймактык түзүлүшүн өркүндөтүү жана региондорду өнүктүрүү боюнча андан аркы чаралар жөнүндө” Жарлыгынын, Кыргыз Республикасынын 2008-жылдын 25-апрелиндеги №65 “Кыргыз Республикасынын администрациялык-аймактык түзүлүшү тууралуу” Мыйзамынын 12-беренесинин, Кыргыз Республикасынын 1997-жылдын 25-сентябрындагы “Кыргыз Республикасындагы географиялык аталыштар жөнүндө” Мыйзамынын 5-беренесинин негизинде
ТОКТОМ КЫЛАТ:
1. Садовое, Сретенка, Александровка аймактарын бириктирүүгө макулдук берилсин.
2. Садовое, Сретенка, Александровка аймактарын бириктирүүдө депутаттардын сунушунун негизинде “Миң-Булак айыл аймагы” деген жаңы аталыш берилсин.
3. Александровка, Крупское жана Беш-Көрүк айылдарынын аталыштары ошол бойдон калсын.
4. Садовое, Сретенка, Александровка аймактарын бириккенден кийин административдик борбору катары Садовое айылы эсептелсин.
5. Александровка айылдык кеңешинин 2023-жылдын 10-августундагы “Административдик-аймактык реформа өткөрүү жөнүндө” №81-токтому, 2023-жылдын 29-августундагы “Александровка айылдык кеңешинин “Административдик-аймактык реформа өткөрүү жөнүндө” 2023-жылдын 10-августундагы №81-токтомуна өзгөртүү киргизүү жөнүндө” №91-токтому күчүн жоготту деп эсептелсин (жаңы редакцияга байланыштуу).
6. Ушул Токтом каттоодон өткөрүлсүн жана Кыргыз Республикасынын ченемдик-укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жөнөтүлсүн.
7. Бул токтомдун аткарылышына көзөмөл жүргүзүү айыл өкмөтүнүн башчысы Н.Султаналивке жүктөлсүн.
Төрайым | Давузова М.Ю. |