КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2024-жылдын 20-июну № 324

Долбоорлоо, куруу жана капиталдык оңдоонун айрым маселелери жөнүндө

Мамлекеттик программалардын алкагында Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттигинин алдына коюлган милдеттерди натыйжалуу ишке ашыруу, долбоорлоо, куруу жана капиталдык оңдоо жаатындагы стратегиялык маанилүү долбоорлорду аткарууну тездетүү максатында, «Мамлекеттик сатып алуулар жөнүндө» Кыргыз Республикасынын Мыйзамынын 17-беренесинин 3-бөлүгүнүн 10-пунктуна, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттигинин алдындагы «Кыргызкурулуш» мамлекеттик ишканасы мамлекеттик бюджеттен жана башка булактардан каржылануучу төмөнкү иштерге жана кызмат көрсөтүүлөргө бирдиктүү заказчы жана башкы подрядчы болуп аныкталсын:

- учурдагы бюджеттен жана мамлекеттик капиталдык салымдар боюнча бюджеттен объекттерди долбоорлоого, капиталдык оңдоого, реконструкциялоого жана курууга;

- Кыргыз Республикасынын Министрлер Кабинети аныктаган өзгөчө мамлекеттик жана социалдык маанидеги объекттерди долбоорлоого, капиталдык оңдоого, реконструкциялоого жана курууга.

2. Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттигине Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттигинин алдындагы Турак жай-жарандык курулуш департаменти жана Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттигинин алдындагы «Кыргызкурулуш» мамлекеттик ишканасы үчүн иштердин жана кызмат көрсөтүүлөрдүн объекттик тизмесин аныктоого ыйгарым укук берилсин.

3. Бул токтом расмий жарыяланган күндөн тартып күчүнө кирет.

«Эркин-Тоо» мамлекеттик расмий гезитинин 2024-жылдын 25-июнундагы № 47 (3600) саны менен жарыяланды