КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2024-жылдын 20-июну № 358-т

"Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Транспорт жана коммуникациялар министрлиги Баткен облусунун Кадамжай районунун Кара-Жантак айылына баруучу, узундугу 1,6 км болгон автомобиль жолунун курулушун жүргүзүү боюнча башкы заказчы болуп аныкталсын.

2. Кыргыз Республикасынын Транспорт жана коммуникациялар министрлиги:

- жогоруда аталган автомобиль жолун курууну жүзөгө ашырсын;

- курулуш иштери аяктагандан кийин аталган автомобиль жолун белгиленген тартипте оперативдүү башкарууга кабыл алсын.

3. Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттиги жана жергиликтүү өз алдынча башкаруу органдары аталган автомобиль жолун куруу долбоорунун шаар куруу жана долбоорлоо документтеринин талаптарына ылайык тиешелүү жол-жоболорду өз убагында ишке ашырууга көмөк көрсөтсүн.

4. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.