ТАМЧЫ АЙЫЛ АЙМАГЫНЫН АЙЫЛ КЕҢЕШИ

ТОКТОМ

Жергиликтүү депутаттарынын XXVIII чакырылган Тамчы айылдык кеңешинин кезексиз IX сессиясы

2023-жылдын 6-сентябры № 38

Айыл аймактарды бириктирүүгө макулдук берүү жөнүндө

Кыргыз Республикасынын Президентинин 2022-жылдын 18-октябрындагы “Кыргыз Республикасынын административдик-аймактык түзүлүшун өркүндөтүү жана региондорду өнүктүрүү боюнча андан аркы чаралар жөнүндө” №350 Жарлыгы, Кыргыз Республикасынын Президентинин 2021-жылдын 12-октябрындагы №435 Жарлыгы менен бекитилген “2026-жылга чейин Кыргыз Республикасын өнүктүрүүнүн улуттук программасынын” 4,4-бөлүмүн ишке ашыруу максатында, Ысык-Көл райондук мамлекеттик администрациясынын 2023-жылдын 8-августундагы №226-Т тескемесине ылайык, Тамчы айыл аймагынын тургундарынын 2023-жылдын 5-сентябрындагы жыйынынын чечимдеринин негизинде Тамчы айылдык кеңеши

ТОКТОМ КЫЛАТ:

1. Ысык-Көл районунун айыл аймактарын бириктирүүдө Тамчы айыл аймагы (Тамчы, Чырпыкты, Кош-Көл айылдары), Тору-Айгыр айыл аймагы ( Тору-Айгыр, Кызыл-Өрүк, Сары -Камыш айылдары) бир айыл аймак болуп биригишине макулдук берилсин.

2. Түзүлгөн айыл аймагына “ Тору-Айгыр-Тамчы айыл аймагы” болуп аталышына макулдук берилсин.

3. Жаңы уюшулган “Тору-Айгыр-Тамчы” айыл аймагынын административдик борбору Тамчы айылында жайгашсын.

Юридикалык жактын толук фирмалык аталышы:

- Мамлекеттик тилде “Тору -Айгыр-Тамчы айыл аймагынын айыл Өкмөтү” мекемеси

-  Расмий тилде: Учреждение “Айыл окмоту Тору-Айгыр-Тамчынского айылного аймака”

Кыскартылган фирмалык аталышы:

-  Мамлекеттик тилде: “Тору-Айгыр Тамчы айыл Өкмөтү”

-  Расмий тилде: “Айыл Окмоту Тору-Айгыр-Тамчы”

4.  Тору-Айгыр-Тамчы айыл аймагынын айыл Өкмөтүнүн Жобосу бекитилсин.

5.  Тору-Айгыр-Тамчы айыл аймагынын айыл Өкмөтүнүн дареги болуп Кыргыз Республикасы,Ысык-Көл областы, Ысык-Көл району, Тамчы айылы , Манас көчөсү №36 болуп аныкталсын.

6.  Аталган айыл аймактарды бириктирүү жагы Ысык-Көл райондук мамлекеттик администрациясынын башчысы-аким Ормонов Жапарбек Туратовичтен суралсын.

7.  Токтомдун аткарылышын камсыз кылуу жагы Тамчы айыл аймагынын айыл Өкмөтүнүн башчысы Бейшембиев Фархад Кожокматовичке тапшырылсын.

8.  Токтом масссалык маалымат каражаттарына жарыялансын жана Мамлекеттик-укуктук актылар реестрине киргизүү үчүн облусттук юстиция башкармалыгына жиберилсин.