КҮМҮШТАК АЙЫЛ АЙМАГЫНЫН АЙЫЛДЫК КЕҢЕШИ

ТОКТОМ

Күмүштак айыл аймагынын айылдык кеңешинин I чакырылышындагы депутаттардын VI сессиясынын

2024-жылдын 10-июну № 7

Бакай-Ата райондук өнүктүрүү фондусуна Боо-Терек, Кыргызстан жана Жон-Коргон айылдарындагы башкы суу алма курулмаларын ремонттоо иштери боюнча долбоорлорду тандоо жөнүндө

Бакай-Ата райондук өнүктүрүү фондусуна сунуштала турган Боо-Терек, Кыргызстан жана Жон-Коргон айылдарындагы башкы суу алма курулмаларын ремонттоо иштери боюнча долбоорун угуп, карап чыгып, талкуулап Күмүштак айылдык Кеңешинин I чакырылышындагы депутаттарынын VI сессиясы;

ТОКТОМ КЫЛАТ:

1. Бакай-Ата райондук өнүктүрүү фондусуна Боо-Терек, Кыргызстан жана Жон-Коргон айылдарындагы башкы суу алма курулмаларын ремонттоо иштери боюнча долбоору жактырылып бекитилсин.

2. Аталган долбоор жумушчу топ тарабынан даярдалып, Бакай-Ата райондук өнүктүрүү фондусуна жөнөтүлсүн.

3. Долбоордун аткарылышын камсыздоо жагы “Күмүштак” муниципалдык ишканасынын жетекчиси А.Акматовага милдеттендирилсин.

4. Токтомдун аткарылышын камсыздоо жагы Күмүштак айыл өкмөтүнүн башчысы З.Надырбаевге жүктөлсүн.

5. Бул токтомдун аткарылышын көзөмөлдөө жагы айылдык Кеңештин депутаттарынын бюджет, экономика, муниципалдык менчик, инвестиция, ишкердик иш жана тышкы экономикалык байланыш боюнча туруктуу комиссиясына калтырылсын.