Кыргыз Республикасынын Мыйзамы

2024-жылдын 29-июлу № 155

"Кыргыз Республикасынын Жогорку Кеңешинин Ардак грамотасы жөнүндө" Кыргыз Республикасынын Мыйзамына өзгөртүүлөрдү киргизүү тууралуу

1-берене.

"Кыргыз Республикасынын Жогорку Кеңешинин Ардак грамотасы жөнүндө" Кыргыз Республикасынын Мыйзамына ("Эркин-Тоо" гезити, 2023-жылдын 24-февралы, № 14) төмөнкүдөй өзгөртүүлөр киргизилсин:

1) 1-берененин 5-бөлүгүндө "дубликат" деген сөз "сыйлоо жөнүндө тескеменин көчүрмөсүн" деген сөздөргө алмаштырылсын;

2) 3-беренеде "жана жергиликтүү өз алдынча башкаруу органдарынын" деген сөздөр ", Бишкек жана Ош шаарларынын мэрияларынын" деген сөздөргө алмаштырылсын;

3) 6-берененин 1-бөлүгүндө "жергиликтүү өз алдынча башкаруу органдарында" деген сөздөр "Бишкек жана Ош шаарларынын мэрияларында" деген сөздөргө алмаштырылсын.

2-берене.

Ушул Мыйзам расмий жарыяланган күндөн тартып күчүнө кирет.

“Эркин-Тоо” мамлекеттик расмий гезитинин 2024-жылдын 02-августундагы № 58 (3612) саны менен жарыяланды.