КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2024-жылдын 18-октябры № 636

Кыргыз Республикасынын Юстиция министрлигине караштуу Жазаларды аткаруу кызматынын мекемелериндеги соттолгондорду жана камакка алынган адамдарды материалдык-тиричилик жактан камсыз кылуунун минималдуу ченемдерин бекитүү жөнүндө

Кыргыз Республикасынын жазык-аткаруу системасынын мекемелериндеги соттолгондорду жана камакка алынган адамдарды материалдык-тиричилик жактан камсыз кылуу максатында, Кыргыз Республикасынын Жаза-аткаруу кодексинин 99-беренесине, "Кылмыштарды жасоо жагынан шек туудурган жана айыпталып кармалган адамдарды камакта кармоонун тартиби жана шарттары жөнүндө" Кыргыз Республикасынын Мыйзамынын 28-беренесине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Төмөнкүлөр бекитилсин:

1) Кыргыз Республикасынын Юстиция министрлигине караштуу Жазаларды аткаруу кызматынын мекемелериндеги соттолгондорду жана кармалган адамдарды кийим-кече менен жабдуунун минималдуу ченемдери 1-тиркемеге ылайык;

2) Кыргыз Республикасынын Юстиция министрлигине караштуу Жазаларды аткаруу кызматынын мекемелериндеги соттолгондорду жана кармалган адамдарды кийим-кече менен жабдуунун ченемдерин колдонууга карата көрсөтмөлөр 2-тиркемеге ылайык;

3) Кыргыз Республикасынын Юстиция министрлигине караштуу Жазаларды аткаруу кызматынын мекемелериндеги соттолгондордун жана кармалган адамдардын кийим-кече буюмдарынын сыпаттамасы 3-тиркемеге ылайык;

4) Кыргыз Республикасынын Юстиция министрлигине караштуу Жазаларды аткаруу кызматынын мекемелеринен бошотулуучу адамдардын кийим-кече буюмдарынын сыпаттамасы 4-тиркемеге ылайык;

5) Кыргыз Республикасынын Юстиция министрлигине караштуу Жазаларды аткаруу кызматынын мекемелерин эмерек, инвентарь, жабдуулар жана буюмдар менен камсыз кылуунун минималдуу ченемдери 5-тиркемеге ылайык;

6) Кыргыз Республикасынын Юстиция министрлигине караштуу Жазаларды аткаруу кызматынын мекемелериндеги соттолгондорго жана кармалган адамдарга самын жана жуучу каражаттарды берүүнүн минималдуу ченемдери 6-тиркемеге ылайык.

2. Төмөнкүлөр күчүн жоготту деп таанылсын:

1) Кыргыз Республикасынын Өкмөтүнүн 2015-жылдын 22-декабрындагы № 864 "Кыргыз Республикасынын Жазык-аткаруу тутумунун мекемелериндеги соттолгон жана камакка алынган адамдарды материалдык-тиричилик жактан камсыз кылуунун минималдуу ченемдерин бекитүү жөнүндө" токтому;

2) Кыргыз Республикасынын Өкмөтүнүн 2018-жылдын 24-сентябрындагы № 445 "Кыргыз Республикасынын Өкмөтүнүн жазаларды аткаруу чөйрөсүндөгү айрым чечимдерине өзгөртүүлөрдү киргизүү жөнүндө" токтомунун 2-пункту;

3) Кыргыз Республикасынын Өкмөтүнүн 2021-жылдын 10-февралындагы № 37 "Кыргыз Республикасынын Өкмөтүнүн 2015-жылдын 22-декабрындагы № 864 "Кыргыз Республикасынын Жазык-аткаруу тутумунун мекемелериндеги соттолгон жана камакка алынган адамдарды материалдык-тиричилик жактан камсыз кылуунун минималдуу ченемдерин бекитүү жөнүндө" токтомуна өзгөртүү киргизүү тууралуу" токтому.

3. Бул токтом расмий жарыяланган күндөн тартып он беш күн өткөндөн кийин күчүнө кирет.

Кыргыз Республикасынын Юстиция министрлигине караштуу Жазаларды аткаруу кызматынын мекемелериндеги соттолгондорду жана кармалган адамдарды кийим-кече менен жабдуунун МИНИМАЛДУУ ЧЕНЕМДЕРИ

Түзөтүү мекемелеринде жаза өтөп жаткан соттолгон эркектерди кийим-кече менен жабдуунун № 1 ченеми

Бул ченем боюнча Кыргыз Республикасынын жаза-аткаруу системасынын тергөө изоляторлорунда, түрмөлөрүндө жаза өтөөгө жиберилген соттолгондор, ошондой эле медициналык мекемелерде чарбалык тейлөө боюнча жумуштарга тартылган соттолгондор камсыздалат.

Түзөтүү мекемелеринде жаза өтөп жаткан соттолгон аялдарды кийим-кече менен жабдуунун № 2 ченеми

Түрмөлөрдө жана тергөө изоляторлорунда жаза өтөп жаткан соттолгондорду кийим-кече менен жабдуунун № 3 ченеми

Эскертүү: тергөө изоляторунда кармалгандарга ушул ченем менен боюнча кийим-кече өздөрүнүн кийими жок учурда берилет.

Тарбия абагында жаза өтөп жаткан соттолгондорду кийим-кече менен жабдуунун № 4 ченемдери

Өмүр бою эркиндигинен ажыратылган соттолгондорду кийим-кече менен жабдуунун № 5 ченеми

Медициналык мекемелерде дарыланып жаткан соттолгондорду кийим-кече менен жабдуунун № 6 ченеми

Эскертүү: кургак учук, тери оорулары жана операциядан кийинки бейтаптарга 1 жылга 3 шейшеп берилет.

Түзөтүү мекемелеринин төрөт бөлүмдөрүн кийим-кече менен жабдуунун № 7 ченеми

Түзөтүү мекемелеринде кармалган төрөгөнгө чейинки өргүүдөгү кош бойлуу аялдарды, эмизгендерди, бала эмизген энелерди кийим-кече менен жабдуунун № 8 ченеми

Эскертүү: эмизгендерге берилет.

Эне жана бала үйлөрүндөгү балдарды кийим, бут кийим жана жумшак буюмдар менен камсыз кылуунун № 9 ченеми

Мекемелерден бошотулуучу соттолгондорду кийим-кече менен жабдуунун № 10 ченеми

Эркектер үчүн:

Кыз-келиндер үчүн:

Мекемелерде кармалган соттолгондорду төшөнчү жана гигиеналык каражаттар менен жабдуунун № 11 ченеми

Кыргыз Республикасынын Юстиция министрлигине караштуу Жазаларды аткаруу кызматынын мекемелериндеги соттолгондорду жана кармалган адамдарды кийим-кече менен жабдуунун ченемдерин колдонууга карата КӨРСӨТМӨЛӨР

Кийим-кече Кыргыз Республикасынын Юстиция министрлигине караштуу Жазаларды аткаруу кызматынын (мындан ары - ЖАК) мекемелериндеги соттолгондорду жана кармалган адамдарды камсыз кылуу үчүн дайындалат, камсыздоочу орган тарабынан табыштамалар боюнча даяр түрдө бөлүнүп берилет. Айрым учурларда мекемелердин өтүнүчтөрү боюнча кийим тигүүгө камсыздоочу орган кездеме бере алат. Кийимдерди тигүүдө тигүүчү ишканалар ал буюмдарга тиешелүү колдонуудагы стандарттарды (техникалык шарттарды) сактоого милдеттүү.

Кийим-кече буюмдарын кийип жүрүү мөөнөттөрү алар иш жүзүндө берилген учурдан баштап эсептелет. Кийим-кече мүлкүн кийинки берүү зарылдыгына жараша, бирок кийип жүрүү же колдонууда турган буюмдарды пайдалануу мөөнөттөрү аяктаган убакыттан эрте эмес жүргүзүлөт.

ЖАКтын мекемелериндеги соттолгондордун жана кармалган адамдардын арасынан кийими жана бут кийими пайдалануу мөөнөтүнөн мурда эскирген же буюмдары жоголгон адамдарга жаңы буюмдар мекеменин жетекчисинин буйрутмасы боюнча кызматтык териштирүүнүн материалдарынын жана жеке арыздарынын негизинде берилет.

ЖАКтын мекемелериндеги соттолгондор жана кармалган адамдар бир мекемеден башкага которулганда, алар кийип жүргөн кийими жана бут кийими менен кетет. Зарыл болгон учурда сезонго жараша кийип жүрүү мөөнөтүн эске алуу менен ченем боюнча уруксат берилген жабдуунун чегинде кийим-кече мүлкүнүн буюмдары берилет.

Тарбия абагынан түзөтүү мекемесине которулуп жаткан соттолгондор өздөрүнүн колдонуудагы буюмдарынын ичинен сезонго жараша кийим жана бут кийим комплекти менен камсыздалат. Андан ары жаза өтөөчү жерге келгенде соттолгондорго тиешелүү үлгүдөгү кийимдер берилет.

ЖАКтын мекемелеринен бошотулуучу, сезонго жараша зарыл болгон кийими, бут кийими жана аларды сатып алууга каражаты жок адамдар ушул токтом менен белгиленген ченемдер боюнча мамлекеттик каражаттын эсебинен жарандык үлгүдөгү кийимдер менен камсыздалат.

Кийим-кече мүлкүнүн кийинкиге өтүүчү запасы жылдык чыгашанын 30% өлчөмүндө каралат.

Кыргыз Республикасынын Юстиция министрлигине караштуу Жазаларды аткаруу кызматынын мекемелериндеги соттолгондордун жана кармалган адамдардын кийим-кече буюмдарынын СЫПАТТАМАСЫ

1. Соттолгон эркектер үчүн:

1) кышкы баш кийим (шапка) кырбуудан, колпактан жана төбөдөн турат. Кырбуу (маңдайча, кулакчындуу желке жапкыч) кара түстөгү жасалма аң териден жасалган. Колпак төрт кырдуу, маңдайча жана кулакчындуу желке жапкыч каралжын боз түстөгү ноотудан тигилет. Төбөсү танаптардан жана кебез салып шырылган ичтемелүү тегеректен турат;

2) жайкы баш кийим (кепка) каралжын түстөгү кездемеден, сүйрүсүнөн келген түптөмөдөн, маңдайчадан, бир аз өйдө ийилген төрт бурчтуу формасы бар каптал жээгинен турат;

3) бир өңдүү каралжын түстөгү кездемеден тигилген, бир борттуу, өңүрү түз, жылуулатылып ичтелген, сыдырма тагылган кышкы күрмө. Жакасы кайырма;

4) костюм каралжын түстөгү бир өңдүү кездемеден тигилген күрмө жана шымдан турат. Күрма бир борттуу, топчулама, жакасы кайырма. Шым белинен тигилген кур менен;

5) кайырма жакасы бар каралжын түстөгү бир өңдүү кездемеден тигилген топчулама көйнөк. Жеңдери манжет менен;

6) футболка каралжын же боз түстө, топчусу, жакасы, чөнтөгү жок, кыска жеңдүү, тулку бойду, колдун жарымын жана жамбаштын үстүн жабат, баштан кийилет.

2. Соттолгон аялдар үчүн:

1) каралжын түстөгү жүн жоолук;

2) бир өңдүү ачык түстөгү кездемеден жасалган жайкы жоолук;

3) бир өңдүү каралжын түстөгү кездемеден жасалган бир борттуу кышкы күрмө, өңүрү түз, жылуулатылып ичтелген, сыдырма тагылган. Жакасы кайырма;

4) каралжын түстөгү ичтелген күрмө, бир борттуу, топчулама. Жакасы кайырма;

5) көйнөк-костюм каралжын түстөгү кездемеден жакет, бир борттуу, топчулама, жакасы кайырма жана денеге жарым-жартылай кыналган, каралжын түстөгү кездемеден сарафан;

6) кайырма жакасы бар бир түстүү сүрөттүү кездемеден көйнөк;

7) кайырма жакасы бар бир түстүү сүрөттүү кездемеден блуза, топчулама;

8) бир түстүү сүрөттүү кездемеден халат, бир борттуу, топчулама, жеңдери узун, жакасы кайырма.

3. Балдар үчүн:

1) кышкы баш кийим кырбуудан, колпактан жана төбөдөн турат. Кырбуу (маңдайча, кулакчындуу желке жапкыч) жасалма аң териден жасалган. Колпак төрт кырдуу, маңдайча жана кулакчындуу желке жапкыч бир өңдүү каралжын түстөгү ноотудан. Төбөсү танаптардан жана кебез салып шырылган ичтемелүү тегеректен турат;

2) жайкы баш кийим (кепка) бир өңдүү каралжын түстөгү кездемеден турат, салттуу бейсбол формасындагы төбөсүндө топчусу бар, ийилген маңдайчасы бар тегерек жумшак кепка;

3) кышкы күрмө бир өңдүү же эки түстүү гаммадагы кездемеден, бир борттуу, өңүрү түз, жылуулатылып ичтелген, сыдырма тагылган, жакасы кайырма;

4) күрмө (күз-жаз) кыска, резина жакалуу, салттуу университет күрмөсү түрүндөгү топчулары кнопкадан, орточо жылуулатылып ичтелген;

5) костюм бир түстүү кездемеден күрмө жана шымдан турат. Күрме бир борттуу, топчулама, жакасы кайырма. Шым белинен тигилген кур менен, топчулама;

6) көйнөк кайырма жакасы бар бир түстүү кездемеден, топчулама, жеңдери манжет менен.

Эскертүү:

Ич көйнөктөр жана шейшептер камсурп же агартылган кездемеден тигилген.

Чарчылуу сүлгүнүн даяр түрүндөгү узундугу боюнча өлчөмү - 97 см, кездеменин туурасы 40 см жана 50 см.

Кыргыз Республикасынын Юстиция министрлигине караштуу Жазаларды аткаруу кызматынын мекемелеринен бошотулуучу адамдардын кийим-кече буюмдарынын СЫПАТТАМАСЫ

1. Эркектер үчүн:

1) жайкы баш кийим (кепка) бир өңдүү каралжын түстөгү кездемеден турган салттуу бейсбол формасындагы төбөсүндө топчусу бар, ийилген маңдайчасы бар тегерек жумшак кепка;

2) каралжын түстө, токулган кышкы топу;

3) ичтелген, каралжын түстөгү, бир борттуу, сыдырма тагылган, жакасы кайырма кышкы күрмө;

4) токулган, каралжын түстөгү, жеңи узун, топчуламасы жок, жакалуу жемпер;

5) кайып тигилген кашаты менен, топчулама, каралжын түстөгү кебез кездемеден тигилген шым;

6) ачык түстө, топчусу, жакасы жана чөнтөгү жок, кыска же узун жеңдүү, тулку бойду, колдун жарымын, жамбаштын үстүн жапкан, баштан кийилген футболка;

7) майка ачык түстөгү трикотаж кебез кездемеден каптал жана ийин тигиштери бар түз формада тигилет. Жеңдин жана моюндун оюктары жээктелген;

8) кара же каралжын-боз түстөгү кебез кездемеден тигилген эркектердин трусысы эки алдынкы жана эки арткы бөлүктөн турат. Трусынын үстүнкү жээгине чоюлгуч тасма салынган;

9) каралжын түстөгү кебез жиптен токулган, формага келтирилген, иштелип чыккан латекс жибинен, согончогу токулган жана манжа тарабы тигилген бир борттуу байпак;

10) жасалма териден тигилген, сыдырмалуу, жасалма аң тери менен ичтелген, таманы резинадан, такасы жок, баш жагы тегерек формадагы бут кийим.

2. Аялдар үчүн:

1) каралжын түстөгү жүн жоолук;

2) ичтелген каралжын түстөгү, бир борттуу, топчулама, жакасы кайырма кышкы күрмө;

3) бир түстүү сүрөттүү кездемеден тигилген, жакасы кайырма кейнөк;

4) ачык эмес түстөгү, токулган кышкы топу;

5) бир өңдүү каралжын түстөгү кездемеден тигилген бир борттуу, топчулама, жакасы кайырма кыска пальто;

6) ич көйнөк;

7) бюстгальтер;

8) панталон;

9) узун байпак (колготки);

10) каралжын түстөгү кебез жиптен токулган, формага келтирилген, иштелип чыккан латекс жибинен, согончогу токулган жана манжа тарабы тигилген бир борттуу байпак;

11) ички көйнөк;

12) жасалма териден тигилген тогоосу чаптагыч, такасы жок, таманы полиуретандан, батеги текстилден, баш жагы тегерек формадагы бут кийим (туфли).

Кыргыз Республикасынын Юстиция министрлигине караштуу Жазаларды аткаруу кызматынын мекемелерин эмерек, инвентарь, жабдуулар жана буюмдар менен камсыз кылуунун МИНИМАЛДУУ ЧЕНЕМДЕРИ

Түзөтүү мекемелеринин жатаканаларын эмерек, инвентарь, буюмдар менен камсыз кылуунун № 1 ченеми

Түзөтүү мекемелеринин камералык типтеги жайларын эмерек, инвентарь жана буюмдар менен камсыз кылуунун № 2 ченеми

Түзөтүү мекемелеринде кармоонун кадимки, жеңилдетилген шарттары үчүн жайларды эмерек, инвентарь жана буюмдар менен камсыз кылуунун № 3 ченеми

Эскертүү: Диван, жыгач отургуч жана журналдар үчүн стол камералык типтеги кадимки шарттар үчүн ТМде жабдылбайт(*).

Жайдын аянтына жараша эс алуу бөлмөсүндө кошумча орнотулат(**).

Жуунуучу бөлмөгө 1 даанадан кошумча орнотулат(***).

Мончо-кир жуучу комплекстерди жабдуулар жана инвентарь менен камсыз кылуунун № 4 ченеми

Эскертүү: кирди жүктөө массасы 20 килограмм болгон кир жуугуч машинанын эсебинен(*).

Узак убакыт жолугушуу бөлмөлөрүн эмерек жана инвентарь менен камсыз кылуунун № 5 ченеми

Эскертүү: Жогорку ыңгайлуулуктагы узак убакыт жолугушуу бөлмөлөрү телевизор, аудио, видео техника жана жуунуучу кабина менен кошумча камсыздалат.

Кыска убакыт жолугушуу бөлмөлөрүн эмерек жана инвентарь менен камсыз кылуунун № 6 ченеми

Эскертүү: жайдын аянтына жараша 4 столдон кем эмес(*).

Карантиндик жайларды эмерек жана инвентарь менен камсыз кылуунун № 7 ченеми

Айып изоляторлорунун жайларын эмерек жана инвентарь менен камсыз кылуунун № 8 ченеми

Медициналык-санитардык бөлүктү эмерек жана инвентарь менен камсыз кылуунун № 9 ченеми