КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН тескемеси

2024-жылдын 8-июлу № 411-т

Этил спиртин медициналык, ветеринардык, техникалык максаттарда, ошондой эле парфюмердик-косметикалык жана алкоголдук продукцияларды өндүрүү үчүн пайдалануучу субъекттерди этил спирти менен үзгүлтүксүз камсыз кылуу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

Кыргыз Республикасынын Өкмөтүнүн 2015-жылдын 20-январындагы № 10-б буйругуна төмөнкүдөй өзгөртүүлөр киргизилсин:

1) преамбула төмөнкүдөй редакцияда баяндалсын:

"Этил спиртин медициналык, ветеринардык, техникалык максаттарда, ошондой эле парфюмердик-косметикалык продукцияларды өндүрүү үчүн пайдалануучу атайын керектөөчүлөрдү жана субъекттерди этил спирти менен үзгүлтүксүз камсыз кылуу максатында, Кыргыз Республикасынын Салык кодексинин 336-беренесине, Кыргыз Республикасынын Министрлер Кабинетинин 2024-жылдын 19-мартындагы № 124 "Медициналык, ветеринардык, техникалык максаттарда, Ошондой эле парфюмердик-косметикалык жана алкоголдук продукцияны өндүрүү үчүн пайдаланылуучу этил спиртин сатып алуу тартиби жөнүндө жобону бекитүү тууралуу" токтому менен бекитилген Медициналык, ветеринардык, техникалык максаттарда, ошондой эле парфюмердик-косметикалык жана алкоголдук продукцияны өндүрүү үчүн пайдаланылуучу этил спиртин сатып алуу тартиби жөнүндө жобонун 13-пунктуна ылайык:";

2) жогоруда көрсөтүлгөн буйрук менен бекитилген Этил спиртин медициналык, ветеринардык, техникалык жана башка максаттарда пайдалануучу атайын керектөөчүлөрдүн жана субъекттердин тизмегинин "Техникалык жана башка максаттарда этил спиртин пайдалануучу субъекттер" III бөлүмүндө:

1-пункт төмөнкүдөй редакцияда баяндалсын:

"1. "Бишкексууканал" муниципалдык ишканасы";

60-пункт төмөнкүдөй редакцияда баяндалсын:

"60. "Куликовский" кондитердик үйү" жоопкерчилиги чектелген коому";

төмөнкүдөй мазмундагы 124-130-пункттар менен толукталсын:

"124. "Ноуфильтрс Азия" жоопкерчилиги чектелген коому

125. "Ви Лив" жоопкерчилиги чектелген коому

126. "Семейные традиции" жоопкерчилиги чектелген коому

127. Кыргыз Республикасынын Улуттук илимдер академиясынын Биология институту

128. "ШОРО" жабык акционердик коому

129. "Ат-Башы Сүт" жоопкерчилиги чектелген коому

130. "TUMAR ART GROUP" "Тумар арт групп" жоопкерчилиги чектелген коому".