БАТКЕН ШААРДЫК КЕҢЕШИНИН ТОКТОМУ

Баткен шаардык Кеңешинин VII чакырылышынын кезектеги XXVII сессиясы

2024-жылдын 23-августу № 83

Баткен шаарынын  борбордук стадионундагы муниципалдык спорт залдын кичи футбол залына ижара акысын бекитүү жөнүндө

Кыргыз Республикасынын “Жергиликтүү мамлекеттик администрация жана жергиликтүү  өз алдынча башкаруу органдары” жөнүндө 2021-жылдын 20-октябрындагы  №123  Мыйзамынын 27-беренесинин 20–пунктуна, Баткен шаарынын мэриясынын алдындагы муниципалдык менчик департаментинин  2024-жылдын 21-августагы №02-6/548   катына жана Баткен шаардык Кеңешинин бюджет, салык, экономика, инвестиция жана өнөр жай, соода маселелери  боюнча туруктуу комиссиясынын  2024-жылдын 22-августагы  корутундусунун  негизинде Баткен шаардык Кеңешинин VII чакырылышынын кезектеги   XXVII сессиясы Токтом кылат:

1.Баткен шаарынын  борбордук стадионундагы муниципалдык  спорт залдын кичи футбол залынын  ижара акысы саатына 800 (сегиз жүз)  сом менен бекитилсин.

2.Токтом шаар калкына шаардык Кеңештин расмий сайты аркылуу жеткирилсин.

3.Токтом мамлекеттик каттоого киргизүү  үчүн Баткен облустук юстиция башкармалыгына жиберилсин.

4.Токтомдун аткарылышын көзөмөлдөө жагы шаардык Кеңештин Архитектура, курулуш иши, транспорт жана коммуналдык чарба, муниципалдык менчик, сугат суу, айыл чарба жер маселелери боюнча туруктуу комиссиясына /Абдамитов Н/ тапшырылсын.