КАРА-БУЛАК АЙЫЛДЫК КЕӉЕШИ

ТОКТОМ

Кара-Булак айылдык Кеңешинин VII чакырылышынын кезексиз XXXXII-сессиясы

2024-жылдын 13-сентябры № 84

Кара-Булак айылдык кеңешинин “ Кара-Булак айыл өкмөтүнүн Бужум айылынын жаштарына турак жай куруу үчүн жер ажыратып берүү” жөнүндөгү 2017-жылдын 18-майындагы № 23 токтомуна өзгөртүүлөрдү жана

толуктоолорду киргизүү жөнүндө

Кыргыз Республикасынын Өкмөтүнүн 2013-жылдын 15-июлундагы “Жер участокторун которуу (трансформациялоо) жөнүндөгү” № 145-Мыйзамынын 7-беренесине ылайык, Кара-Булак айыл өкмөтүнүн 2024-жылдын 4-сентябрындагы № 710 сандуу чыгыш катынын негизинде, Кара-Булак айыл аймагынын Бужум айылынын элдерине жеке менчик турак жай куруу үчүн жер аянтын берүү максатында, Кара-Булак айылдык кеңеши токтом кылат:

1. Баткен районунун Кара-Булак айыл өкмөтүнүн (мурдагы “Москва” колхозунун 1992-жылдын февраль айындагы № 5800, шифр № 733 инвентаризациялоо материалына) ылайык суралган жалпы аянты 120 га анын ичинен: № 324-контурунда жайгашкан 22,0 га таштуу жайыт жер аянты, № 906-контурунда жайгашкан 37,5 га таштуу жайыт жер аянты, № 903-контурунда жайгашкан 0,50 таштуу жайыт жер аянты, № 902-контурунда жайгашкан 13,3 га таштуу жайыт жер аянты, № 896-контурунда жайгашкан 40,8 га таштуу жайыт жер аянты, № 897-контурунда жайгашкан 6,0 га таштуу жайыт жер аянттарын “Айыл чарба багытындагы жерлер” категориясынан,“Калктуу конуштардын жерлери” категориясына которууга (трансформациялоого) макулдук берилсин.

1. Ушул токтомдун негизинде керектүү болгон иш кагаздарын даярдап берүү жагы Кара-Булак айыл өкмөтүнүн башчысына милдеттендирилсин.

1. Токтом каттоодон өткөрүлүп, kara-bulak.kg веб-сайтына жарыялансын жана Кыргыз Республикасынын ченемдик укуктук актыларынын мамлекеттик реестрине киргизүү үчүн Баткен облусунун юстиция башкармалыгына жөнөтүлсүн.

1. Токтомдун аткарылышын көзөмөлгө алуу жагын өзүмө калтырамын.