КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2024-жылдын 25-сентябры № 575-т

Ветеринардык жана фитосанитардык лабораторияларды куруу аркылуу Кыргыз Республикасынын айыл чарба продукцияларынын экспорттук потенциалын жогорулатуу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринардык кызматына оперативдүү башкарууга төмөнкүлөр өткөрүп берилсин:

1) Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Кыргыз дыйканчылык илимий-изилдөө институтунун карамагында турган, Бишкек шаары, Тимур Фрунзе көчөсү, № 100 дарегинде жайгашкан, идентификациялык коду 1-01-04-0025-0446, аянты 0,9763 га жер участоту (курулмалары менен);

2) Кыргыз Республикасынын Министрлер Кабинетине караштуу Жер ресурстары, кадастр, геодезия жана картография боюнча мамлекеттик агенттиктин алдындагы "Кыргызмамжердолбоорлоо" жерге жайгаштыруу боюнча мамлекеттик ишканасынын карамагында турган, Бишкек шаары, Тимур Фрунзе көчөсү, № 100 дарегинде жайгашкан, идентификациялык коду 1-01-04-0025-0124, аянты 0,128 га жер участогу курулмалары (кампа, гараж, бастырма) менен.

2. Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттик ушул тескеменин 1-пунктунда көрсөтүлгөн жер участокторун кабыл алуу-өткөрүп берүүнү белгиленген тартипте жүзөгө ашырсын.

3. Кыргыз Республикасынын Министрлер Кабинетине караштуу Жер ресурстары, кадастр, геодезия жана картография боюнча мамлекеттик агенттик ушул тескеменин 1-пунктунда көрсөтүлгөн жер участокторуна укукту мамлекеттик каттоону белгиленген тартипте жүзөгө ашырсын.

4. Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринардык кызматы ушул тескеменин 1-пунктуңда көрсөтүлгөн жер участокторун максаттуу багыты боюнча пайдалансын.

5. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.