ТЕРЕК-САЙ АЙЫЛ АЙМАГЫНЫН АЙЫЛДЫК КЕҢЕШИ

ТОКТОМ

Терек-Сай айыл аймагынын айылдык кеңешинин IX чакырылышынын  кезексиз  VI-сессиясынын

2024-жылынын 08-августу №55

““Терек-Сай айыл аймагынын айыл өкмөтүнө караштуу Мырзабаев көчөсүндөгү санитардык зонага кирип калган үйлөрдү көчүрүү жөнүндө.”

Терек-Сай айыл аймагынын айыл өкмөтүнө караштуу Мырзабаев көчөсүндөгү санитардык зонага кирип калган 62 (алтымыш эки) кожолукту Ак-Терек айылынын Ынтымак көчөсүндөгү муниципалдык бош турган жерге көчүрүү жөнүндөгү Терек-Сай айыл аймагынын башчысы Б.Н.Исабековдун кайрылуусун карап чыгып жана талкуулап,  Терек-Сай айыл аймагынын айылдык кеңеши

Т О К Т О М    К Ы Л А Т:

1.Терек-Сай айыл аймагынын айыл өкмөтүнө караштуу Мырзабаев көчөсүндөгү санитардык зонага кирип калган 62 (алтымыш эки) кожолукту Ак-Терек айылынын Ынтымак көчөсүндөгү муниципалдык бош турган жерге көчүрүү боюнча Жер кодексинин 18-беренесинин 3-пунктуна ылайык даярдалган башкы планы бекитилсин.

2. Башкы планды даярдоо боюнча архитектуралык иш кагаздары Кыргыз Республикасынын №240 токтомуна ылайык жүргүзүлсүн.

3.Бул токтомдун аткарылышы Терек-Сай айыл аймагынын айыл өкмөтүнүн КЭБ башчысы Т.Сувановага жана жер адиси И.Смановго милдеттендирилсин.

4.Бул токтомдун аткарылышын көзөмөлдөө жер, архитектура, бюджет, каржы, инвестиция, ишкердик жана коомдук иштери боюнча туруктуу комиссияга жүктөлсүн.