АЛАМҮДҮН АЙЫЛДЫК КЕҢЕШИ

ТОКТОМ 

2023-жылдын 10-январы № 129-28

Кошумча акы жөнүндө

Аламүдүн айыл өкмөтүнүн башчысы Н.А.Кольбаевдин катын карап чыгып жана талкуулап, Кыргыз Республикасынын Президентинин 2022-жылдын 1-августундагы ПЖ № 266 “Кыргыз Республикасынын мамлекеттик жарандык кызматчыларына жана муниципалдык кызматчыларына эмгек акы төлөө шарттары жөнүндө” жарлыгынын 4, 5-пункттарына жана Кыргыз Республикасынын Министрлер Кабинетинин 2022-жылдын 1-августундагы № 433 “Кыргыз Республикасынын мамлекеттик органдарын жана жергиликтүү өз алдынча башкаруу органдарын тейлеп иштеген кызматкерлерге эмгек акы төлөө шарттары жөнүндө” токтомунун 4, 5- пункттарына ылайык Аламүдүн айылдык кеңешинин сессиясы

ТОКТОМ КЫЛДЫ:

1. Аламүдүн айыл өкмөтүнө жергиликтүү бюджеттин эсебинен 2023-жылдын 1-январынан тартып жаңы мыйзам күчүнө киргенге чейин төмөнкү муниципалдык кызматкерлерге төмөнкүдөй өлчөмдө эмгек акысына кошумча акы төлөп берүүгө уруксат берилсин:

- башчыга – 50%;

- башчынын орун басарына, жооптуу катчыга – 30%;

- ФЭБнун жетекчисине, башкы жана жетекчи адистерге – 30%;

- Аскердик-эсепке алуу столунун адистерине жана инспекторлоруна – 30%.

2. Ушул токтом Аламүдүн айыл өкмөтүнүн www.alamudun.kg расмий веб-сайтына жарыялансын.

3. Ушул токтом Кыргыз Республикасынын Чүй облусунун Юстиция башкармалыгында каттоодон өткөрүлсүн.

4. Ушул токтомдун аткарылышын контролдоо Аламүдүн айыл өкмөтүнүн башчысы Н.А. Кольбаевге жүктөлсүн.