Мамлекеттик стратегиялык документтерди инвентаризациялоо ТАРТИБИ

1. Жалпы жоболор

1. Мамлекеттик стратегиялык документтерди инвентаризациялоо тартиби стратегиялык башкаруунун принциптерине жана мамлекеттик стратегиялык документтерди түзүү стандартынын талаптарына шайкештигин текшерүү үчүн иштелип чыккан, мамлекеттик стратегиялык документтерди баалоо жана инвентаризациялоо жана Кыргыз Республикасынын мамлекеттик сырларын түзгөн мамлекеттик стратегиялык документтерди кошпогондо, аларды мамлекеттик стратегиялык документтердин мамлекеттик реестрине киргизүү (чыгаруу) үчүн арналган.

2. Мамлекеттик стратегиялык документтерди инвентаризациялоо экономика чөйрөсүндөгү ыйгарым укуктуу мамлекеттик орган тарабынан жүргүзүлөт.

3. Мамлекеттик стратегиялык документтер, эгерде натыйжасы 80 балл жана андан жогору болсо, инвентаризациялоонун натыйжаларынын негизинде мамлекеттик стратегиялык документтердин мамлекеттик реестрине киргизилет жана натыйжасы 50 баллдан төмөн болгон учурда чыгарылат.

4. Мамлекеттик стратегиялык документтердин долбоорлору расмий макулдашуу жол-жобосунун алкагында инвентаризациялоодон өтөт.

5. Мамлекеттик стратегиялык документтин долбоорун инвентаризациялоонун натыйжалары боюнча ыйгарым укуктуу мамлекеттик органдын оң корутундусу аны Кыргыз Республикасынын мыйзамдарында белгиленген тартипте кабыл алуу (бекитүү) үчүн милдеттүү болуп саналат.

2. Инвентаризация жүргүзүү үчүн критерийлер

6. Инвентаризация 10 негизги критерий боюнча жүргүзүлөт:

1) мамлекеттик программанын жалпы мамлекеттик программага үч пункт боюнча ылайык келүүсү:

- максаттар, артыкчылыктар, стратегиялык милдеттер;

- жалпысынан документтин көрсөткүчтөрү жана күтүлүүчү натыйжалар;

- ишке ашыруу мөөнөттөрү;

2) мамлекеттик программанын түзүмүнүн жана анын бөлүмдөрүнүн түзүмүнүн Мамлекеттик стратегиялык документтерди түзүү стандартынын талаптарына ылайык келиши. Бул критерий тышкы саясат чөйрөсүндөгү ыйгарым укуктуу мамлекеттик органдын ишине тиешелүү тышкы саясат чөйрөсүндөгү стратегиялык документтерге жайылтылбайт;

3) программанын максатынын, бөлүмдүн максаттарынын жана күтүлүүчү натыйжалардын өз ара байланышы. Төмөнкүлөр күтүлүүдө:

- бөлүмдөрдүн максаттары программанын максатына жетүүгө өбөлгө түзөт;

- бөлүмдөрдүн күтүлүүчү натыйжалары бөлүмдүн максатына байланыштуу жана келип чыгат;

- бөлүмдөрдүн максаттары өлчөнүүчү, реалдуу жана жетүүгө мүмкүн;

4) бөлүмдөрдүн алкагында максаттар менен милдеттердин өз ара байланышы. Баалоо төмөнкү аспекттер боюнча жүргүзүлөт:

- милдеттер бөлүмдүн максатына жетүүгө багытталган;

- бөлүмдүн максатына жетүү үчүн колдо болгон милдеттер жетиштүү;

- милдеттер кырдаалды талдоого негизделет жана талдоодо белгиленген бардык көйгөйлөрдү/келечектерди/ажырымдарды камтыйт;

5) милдеттер менен иш-чаралардын өз ара байланышы. Критерий чараларды жана милдеттерди түзүүнүн логикасын баалайт, мында төмөнкүлөр күтүлөт:

- чаралар коюлган маселени чечүүгө өбөлгө түзөт;

- болгон чаралар маселени чечүү үчүн жетиштүү;

- чаралар карама-каршы келбейт жана кайталанбайт (анын ичинде жалпы документте);

6) индикаторлор матрицасынын көрсөткүчтөрү менен максаттардын жана милдеттердин өз ара байланышы. Критерий пландалган милдеттер менен көрсөткүчтөрдүн ортосундагы байланышты баалоого мүмкүндүк берет, алар прогрессти көзөмөлдөөгө тийиш;

7) чаралар планы - чаралар планынын болушун жана сапатын баалоого мүмкүндүк берүүчү критерий - мамлекеттик стратегиялык документтин беш компонент боюнча милдеттүү бөлүгү:

- милдеттер;

- чаралар;

- күтүлүүчү натыйжалар;

- ишке ашыруу мөөнөттөрү;

- аткаруучулар;

8) индикаторлордун матрицасы - индикаторлор матрицасынын болушун жана сапатын баалоого мүмкүндүк берүүчү критерий - үч аспект боюнча мамлекеттик стратегиялык документтин милдеттүү бөлүгү:

- ар бир бөлүм үчүн көрсөткүчтөрдүн болушу;

- бардык көрсөткүчтөр үчүн болжолдуу максаттуу жана аралыктык индикаторлордун болушу;

- туруктуу өнүктүрүү максаттарынын кеминде 10 көрсөткүчүнүн болушу;

9) ресурстук камсыз кылууну баалоо - "Ресурстук камсыз кылууну баалоо" милдеттүү тиркемесинин болушун жана сапатын баалоого мүмкүндүк берүүчү критерий, ал жылдар боюнча, чаралар жана каржылоо булактары боюнча бөлүштүрүлүүгө тийиш;

10) гендердик саясат жана климаттын өзгөрүү маселелерин эсепке алуу - документтин гендердик сезимталдыгына жана климаттык маселелердин чагылдырылышына баа берүүгө мүмкүндүк берүүчү критерий.

7. Критерийлерди баалоо үчүн 0дөн 100 баллга чейинки шарттуу шкала колдонулат. Бардык критерийлер максималдуу 10 баллдык маани менен барабар болуп саналат.

3. Инвентаризация жүргүзүү форматы жана жол-жобосу

8. Инвентаризациялоо жол-жобосу төмөнкүдөй кадам менен ырааттуулукта ишке ашырылат:

1) 1-кадам. Ар бир критерий боюнча баалоо жүргүзүү:

- форматка шайкеш 1-тиркемеге ылайык 10 критерийдин ар бирин 1 ден 10 баллга чейин баалоо жүргүзүү зарыл;

- "Түшүндүрмө/сунуштама" графасында критерийлерди иш жүзүндө баалоонун натыйжалары боюнча кыскача негиздеме келтирүү зарыл;

- инвентаризациялоонун натыйжалары боюнча суммалык бааны таблицанын ылдый жагына, "жыйынтыгы" (баллдын саны) графасына коюу зарыл;

2) 2-кадам. Инвентаризациялоонун натыйжаларынын негизинде корутунду:

- инвентаризациялоонун натыйжалары боюнча 10 критерий боюнча суммалык балл түрүндө жыйынтык чыгаруу жана 2-тиркемеге ылайык корутунду даярдоо зарыл;

3) корутундуда мамлекеттик стратегиялык документтин долбоорун кабыл алуу/бекитүү же аны жеткире иштеп чыгууга жиберүү боюнча сунуштама камтылууга тийиш. Эгерде буга чейин бекитилген документ инвентаризациялоодон өтсө, тыянак аны мамлекеттик стратегиялык документтердин мамлекеттик реестрине киргизүү (чыгаруу) боюнча сунуштаманы камтууга тийиш. Тыянак төмөнкү натыйжалардын негизинде түзүлөт:

- мамлекеттик стратегиялык документ инвентаризациялоо процессинде 80-100 баллга бааланган. Мамлекеттик стратегиялык документ стратегиялык башкаруунун принциптерине жана мамлекеттик стратегиялык документтерди түзүү стандартынын талаптарына ылайык келет. Олуттуу эмес жеткире иштеп чыгууну талап кылат (80-95 баллдан жогору мааниде болсо). Мамлекеттик стратегиялык документтерди мамлекеттик реестрге кабыл алуу/бекитүү жана киргизүү сунушталат;

- мамлекеттик стратегиялык документ 51 ден 79га чейинки балл топтогон. Мамлекеттик стратегиялык документ жалпысынан стратегиялык башкаруунун принциптерине жана мамлекеттик стратегиялык документтерди түзүү стандартынын талаптарына ылайык келет, бирок жеткире иштеп чыгууну талап кылат. Жеткире иштелип чыккандан кийин кайталап инвентаризациялоо сунушталат;

- мамлекеттик стратегиялык документ 50 баллга чейин топтогон. Мамлекеттик стратегиялык документ стратегиялык башкаруунун принциптерине жана мамлекеттик стратегиялык документтерди түзүү стандартынын талаптарына ылайык келбейт жана күчүн жоготууга сунуш кылынууга тийиш же аны түп-тамырынан кайра иштеп чыгуу зарыл;

- буга кошумча стратегиялык документти жеткире иштеп чыгуу боюнча кыскача түшүндүрмөлөр же сунуштамалар даярдалышы мүмкүн.

Мамлекеттик программалар үчүн критерийлерди дифференциалдуу баалоо боюнча сунуштамалардын МАТРИЦАСЫ

Эскертүү:

(*) - Кыргыз Республикасында туруктуу өнүктүрүү максаттарынын көрсөткүчтөрү.

Инвентаризациялоонун натыйжалары боюнча корутундунун форматы

Корутунду

Мамлекеттик программанын аталышы:

______________________________________________________________________

Иштеп чыгуучу:

______________________________________________________________________

Тыянак:

_____________________________________________________________________

_____________________________________________________________________

Эксперт: ___________________ Колу: ______________ Датасы: _______________