ЖАЛАЛ-АБАД ШААРДЫК КЕҢЕШИ

ТОКТОМ

Жалал-Абад шаардык кеңешинин IX чакырылышынын кезектеги XLIV сессиясынын

2024-жылдын 27-августу  №11

“Жалал-Абад шаарындагы жеке менчик жер тилкесин жана жер тилкесинде жайгашкан имараттарды муниципалдык менчикке өткөрүп алуу жөнүндө”

      Кыргыз Республикасынын “Мүлккө муниципалдык менчик жөнүндөгү” мыйзамына ылайык, Жалал-Абад шаарынын мэриясынын 31.07.2024-жылдагы чыг.№01-19/4324 сандуу каты жана ага тиркелген иш-кагаздары, Жалал-Абад шаардык депутаттар кеӊешинин 08.08.2024-жылдагы кеңейтилген жыйынында каралып, Жалал-Абад шаардык депутаттар кеңешинин кезектеги XLIV сессиясы

ТОКТОМ КЫЛАТ:

1.     Жалал-Абад шаарынын Д.Малашов көчөсү (мурунку Московский көчөсү мамлекеттик актысы боюнча Ленин көчөсү) №174/128 дарегинде жайгашкан М.С.Чимбердиевге таандык (идентификациялык номери 3-10-01-0017-2080) 3264,0 чарчы метр жер тилкесин жана жер тилкеде жайгашкан турак жай имараттары менен Жалал-Абад шаарынын мэриясынын муниципалдык менчигине өткөрүп алууга макулдук берилсин.

2.     Жалал-Абад шаарынын мэрине (Э.Ормоков), Жалал-Абад шаарынын мэриясынын муниципалдык башкармалыгына турак жай имараттарын бузууда аукцион аркылуу сатуу жагы жүктөлсүн, турак жай имараттарды бузууда коопсуздукту сактоо шарты менен иш жүргүзүү жагы милдеттендирилсин.

3.     Мүлктөрдү муниципалдык менчикке өткөрүп алууда жана өткөрүп берүүдө Кыргыз Республикасынын мыйзамдарын сактоо менен иш алып баруу жагы Жалал-Абад шаарынын мэриясына жана Муниципалдык менчик башкармалыгына милдеттендирилсин.

4.     Ушул токтом Кыргыз Республикасынын Юстиция министрлигине мамлекеттик реестрге киргизүү жагы шаардык кеңештин башкы адисине (Ж.Каратаева) милдеттендирилсин.

5.     Ушул токтомдун аткарылышын көзөмөлдөө жагы шаардык кеңештин курулуш, транспорт, коммуналдык чарба жана байланыш боюнча туруктуу комиссиясына милдеттендирилсин.

6.     Ушул токтом Жалал-Абад шаарынын www.jalal-abad.gov.kg расмий сайтында жарыяланган күндөн тартып күчүнө кирет.