КЕРБЕН ШААРДЫК КЕҢЕШИ

ТОКТОМ

Аксы районунун Кербен шаардык кеңешинин VIII чакырылышынын кезектеги тогузунчу сессиясы

2023-жылдын 14-февралы № 9/8

2023-2025-жылдар үчүн Кербен шаарынын аймагында айыл чарба багытында эмес жерлер үчүн К₃ зоналык коэффициентинин өлчөмдөрү жөнүндө

Кербен шаардык кеӊешинин финансы, бюджет боюнча туруктуу комиссиясынын 06.02.23ж. № 27 токтомуна жана Кербен шаарынын мэриясынын 02.02.2023-жылдагы № 01-20/86 сандуу кайрылуусуна ылайык, КРнын салык кодексинин 404-беренесинин 4-пунктуна негиз, Кербен шаарынын аймагындагы айыл чарбасы багытында эмес жерлер үчүн К₃ коэффициентинин өлчөмдөрү жөнүндө маселени карап жана талкуулап чыгып, Кербен шаардык кеңешинин VIII чакырылышынын кезектеги тогузунчу сессиясы

ТОКТОМ КЫЛАТ:

1. 2023-2025-жылдарга Кербен шаарынын аймагында айыл чарба багытында эмес жерлер үчүн К3 зоналык коэффициенти бардык тармактар үчүн -1,0 эсебинде жана жумасына бир күн иштеген төмөнкүлөргө К₃ коэффициенти -0,3 эсебинде белгиленсин:

- «Курмантаева Б» - «Динара» кафеси;

- «Курмантаева Б» - базар;

- «ОсОО Кудайназаров» - Кербен базары;

- «Биймырзаев М» - мал базар;

- «Биймырзаев М» - дүӊ базар;

- «Иманалиев А» - ун базар;

- «Мырзамамытов Н» - базар.

2. Кербен шаарынын мэриясы:

Айыл чарба багытында эмес жерлердин өзгөргөн багыттары боюнча тактоолорду жүргүзсүн.

3. Бул токтом мамлекеттик реестрге киргизүү жана каттоо үчүн Жалал-Абад областтык юстиция башкармалыгына жөнөтүлсүн.

4. Токтом «www. Kerben.Aksy. kg» веб-сайтында жарыялангандан кийин күчүнө кирет.

5. Бул токтомдун аткарылышын көзөмөлдөө жагы бюджет жана финансы маселелер боюнча туруктуу комиссияны төрагасы Б.Мавляновго жүктөлсүн.