ЖАЛАЛ-АБАД ШААРДЫК КЕҢЕШИ

ТОКТОМ

Жалал-Абад шаардык кеңешинин IX чакырылышынын кезектеги XLIV сессиясынын

2024-жылдын 27-августу  №14

“Жалал-Абад шаарындагы жеке менчик жер тилкесин муниципалдык менчикке өткөрүп алуу жана муниципалдык жер тилкесин өткөрүп берүү жөнүндө”

      Кыргыз Республикасынын “Мүлккө муниципалдык менчик жөнүндөгү” мыйзамына ылайык, Жалал-Абад шаарынын мэриясынын 08.08.2024-жылдагы чыг.№01-19/4492 сандуу каты жана ага тиркелген иш-кагаздары, Жалал-Абад шаардык депутаттар кеӊешинин 08.08.2024-жылдагы кеңейтилген жыйынында каралып, Жалал-Абад шаардык депутаттар кеңешинин кезектеги XLIV сессиясы

ТОКТОМ КЫЛАТ:

1.     Жалал-Абад шаарынын Спутник кичи шаарчасынын №135 кварталынын Р.Азимов көчөсүндөгү К.Сыдыковго таандык (идентификациялык коду 3-10-01-0018-4318) 83,4 чарчы метр жеке менчик жер тилкесин муниципалдык менчикке өткөрүп алууга макулдук берилсин.

2.     Жалал-Абад шаарынын Спутник кичи шаарчасынын №135 кварталынын Р.Азимов көчөсүндөгү муниципалдык 84,0 чарчы метр жер тилкесин алмашууга макулдук берилсин.  

3.     Мүлктөрдү муниципалдык менчикке өткөрүп алууда жана өткөрүп берүүдө Кыргыз Республикасынын мыйзамдарын сактоо менен иш алып баруу жагы Жалал-Абад шаарынын мэриясына жана Муниципалдык менчик башкармалыгына милдеттендирилсин.

4.     Ушул токтом Кыргыз Республикасынын Юстиция министрлигине мамлекеттик реестрге киргизүү жагы шаардык кеңештин башкы адисине (Ж.Каратаева) милдеттендирилсин.

5.     Ушул токтомдун аткарылышын көзөмөлдөө жагы шаардык кеңештин курулуш, транспорт, коммуналдык чарба жана байланыш боюнча туруктуу комиссиясына милдеттендирилсин.

6.     Ушул токтом Жалал-Абад шаарынын www.jalal-abad.gov.kg расмий сайтында жарыяланган күндөн тартып күчүнө кирет.