КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2024-жылдын 23-октябры № 664-т

Кыргыз Республикасынын Нарын облусунун Кочкор районундагы Ак-Кудук айылында жайгашкан, белгиленген генерациялоочу кубаттуулугу 250 МВт болгон күн электр станциясын куруу жана эксплуатациялоо боюнча долбоорду ишке ашыруу максатында, "Кыргыз Республикасында инвестициялар жөнүндө" Кыргыз Республикасынын Мыйзамынын 11-1-статьясына, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Министрлер Кабинети менен "АСТ Империал Строй" жоопкерчилиги чектелген коомунун ортосундагы Күн электр станциясын куруу жана эксплуатациялоо боюнча долбоорду ишке ашыруу жөнүндө инвестициялык макулдашуунун расмий тилде тиркелген долбоору жактырылсын.

2. Кыргыз Республикасынын энергетика министрине ушул тескеменин 1-пунктунда көрсөтүлгөн Инвестициялык макулдашууга принциптүү эмес мүнөздөгү өзгөртүүлөрдү жана толуктоолорду киргизүү укугу менен кол коюуга ыйгарым укук берилсин.