АЛАМҮДҮН АЙЫЛДЫК КЕҢЕШИ

ТОКТОМ

2022-жылдын 1-июлу № 83-28

Муниципалдык менчикти инвентаризациялоо жөнүндө

“Мүлккө муниципалдык менчик жөнүндө” Кыргыз Республикасынын Мыйзамына ылайык ижарачылардын пайдалануу, тескөө жана ээлик кылуу укугу менен муниципалдык менчикте турган кыймылсыз мүлктү инвентаризациялоо жана муниципалдык менчиктин актуалдуу реестрин түзүү максатында, ошондой эле Кыргыз Республикасынын 2021-жылдын 20-октябрындагы № 123 “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамынын 27, 34-беренелерине ылайык Аламүдүн айылдык кеңешинин сессиясы

ТОКТОМ КЫЛДЫ:

1. Аламүдүн айыл өкмөтүнүн башчысы муниципалдык менчикте турган бардык объектилерге инвентаризация жүргүзсүн.

2. Ушул токтом Аламүдүн айыл өкмөтүнүн www.alamudun.kg расмий веб-сайтына жарыялансын.

3. Ушул токтом Кыргыз Республикасынын Чүй облусунун Юстиция башкармалыгында каттоодон өткөрүлсүн.

4. Ушул токтомдун аткарылышын контролдоо Аламүдүн айыл өкмөтүнүн башчысы Н.А. Кольбаевге жүктөлсүн.