КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2024-жылдын 1-ноябры № 664

Товарларды чыгаруу менен байланышкан бажы операцияларын жүргүзүү үчүн жыйымдарды төлөөдөн бошотуу жөнүндө

"Бажылык жөнгө салуу жөнүндө" Кыргыз Республикасынын Мыйзамынын 41-беренесине, 2024-жылдын 1-февралында кол коюлган "Кыргыз Петролеум Компани" жабык акционердик коомунун мунайды кайра иштетүүчү заводун модернизациялоо жана реконструкциялоо боюнча инвестициялык долбоорду ишке ашыруу жөнүндө инвестициялык макулдашууга, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. "Кыргыз Петролеум Компани" жабык акционердик коомунун мунайды кайра иштетүүчү заводун модернизациялоо жана реконструкциялоо боюнча инвестициялык долбоорду ишке ашыруунун алкагында "Кыргыз Петролеум Компани" жабык акционердик коомунун мунайды кайра иштетүүчү заводун модернизациялоо жана реконструкциялоо боюнча инвестициялык макулдашуунун төмөнкү катышуучулары тарабынан Кыргыз Республикасына ташып келинүүчү товарлар товарларды чыгаруу менен байланышкан бажы операцияларын жүргүзгөндүгү үчүн жыйымдарды төлөөдөн бошотулат деп белгиленсин:

1) "SPEC ENGINEERING INC" компаниясы жана/же Кыргыз Республикасынын резиденттери болуп саналган анын туунду же аффилирленген компаниясы;

2) "Кыргызнефтегаз" ачык акционердик коому;

3) "Кыргыз Петролеум Компани" жабык акционердик коому.

2. Бул токтом расмий жарыяланган күндөн тартып күчүнө кирет.