ЖАЛАЛ-АБАД ШААРДЫК КЕНЕШИНИН

ТОКТОМУ

IX чакырылыш кезексиз XXXII сессия

2023-жылдын 28-сентябрындагы № 2

Жалал-Абад шаарында нарктык зоналардын чектери, ошондой эле имараттар, курулмалар жана жайлар үчүн Кз зоналык коэффициентти бекитүү жѳнүндѳ

Кыргыз Республикасынын Салык Кодексинин 388-беренесинин 2-пунктун негиз кылып, Жалал-Абад шаарынын мэриясынын 14.09.2023-жылдагы №01-19/3354 сандуу катты Жалал-Абад шаардык кеӊешинин бюджет, экономика, каржы жана салыктар боюнча туруктуу комиссиясынын жыйынында каралып, комиссиянын корутундусуна ылайык, Депуттаттардын Жалал-Абад шаардык кеңешинин кезексиз XXXII сессиясы

ТОКТОМ КЫЛАТ:

1. Жалал-Абад шаардык кеӊешинин 15.11.2021-жылдагы X сессиясынын №1 токтому күчүн жоготту деп табылсын.

2. Жалал-Абад шаарында нарктык зоналардын чектери, ошондой эле имараттар, курулмалар жана жайлар үчүн (жер жана мүлк салыктары) зоналык коэффициентти (Кз) шаардын зоналары боюнча төмөндөгүдөй болуп бекитилсин:

·         Биринчи зонага -1,8 Шаардын аймагы, Ч.Айтматов, Достук, Спутник, Курманбек аймактык башкаруулары, Көк-Арт кичи шаарчасы.

·         Экинчи зонага -1,0 Биринчи жана үчүнчү зоналарга кирбеген шаарга караштуу аймактар.

·         Үчүнчү зонага-0,5Тоо Кызыл-Суу айылы.

3. Жалал-Абад шаарынын Кыргыз Республикасынын финансы министрлигине караштуу мамлекеттик салык кызматынын Жалал-Абад шаары боюнча башкармалыгынын башчысына 2024-жылдын 1-январынан тартып салык жыйноодо ушул токтомду колдоого алып, иш жүргүзүү жагы милдеттендирилсин.

4. Ушул токтомду Кыргыз Республикасынын Юстиция министрлигине мамлекеттик реестрге киргизүү жагы шаардык кеңештин жооптуу катчысына (О.Эшенкулов) милдеттендирилсин.

5. Ушул токтомдун аткарылышын көзөмөлдөө шаардык кеӊештин бюджет, экономика, каржы жана салыктар боюнча туруктуу комиссиясына милдеттендирилсин.

6. Ушул токтом Жалал-Абад шаарынын www.jalal-abad.gov.kg расмий сайтында жарыяланган күндөн тартып күчүнө кирет.