КЫРГЫЗ РЕСПУБЛИКАСЫНЫН ЖОГОРКУ КЕҢЕШИНИН ТОКТОМУ

2024-жылдын 22-февралы № 1896-VII

"Коммерциялык эмес уюмдар жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоорун экинчи окууда кабыл алуу жөнүндө

Кыргыз Республикасынын Жогорку Кеңеши токтом кылат:

1. Кыргыз Республикасынын Жогорку Кеңешинин депутаттары Н.А.Нарматова, С.А.Айжигитов, Дж.К.Исаева, Ж.Э.Садырбаева, Г.О.Култаева, Ж.С.Кыдыкбаев, З.Д.Мамасадыков, К.К.Сулайманов, Ж.Коргонбай уулу, К.Л.Ханджеза, Н.А.Ражабалиев, Ф.Д.Исмаилов, Т.Н.Сарыбашов, А.Т.Түмөнбаев, А.Т.Маткеримов, А.Б.Кенжебаев, И.И.Матраимов, Ж.Ш.Токторбаев тарабынан демилгеленген "Коммерциялык эмес уюмдар жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоору экинчи окууда кабыл алынсын.

2. Кыргыз Республикасынын Жогорку Кеңешинин Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитети кабыл алынган жазуу жүзүндөгү сунуштарды, түзөтүүлөрдү эске алуу менен жогоруда көрсөтүлгөн мыйзам долбоорун толуктап иштеп чыксын жана үчүнчү окууда кароо үчүн Кыргыз Республикасынын Жогорку Кеңешине киргизсин.