ӨЗГӨН ШААРДЫК КЕҢЕШИ

ТОКТОМ

Өзгөн шаардык кеңешинин (VII чакырылышынын) кезексиз IV сессиясынын отурумунун

2021-жылдын 13-августу № 4/4

“Өзгөн шаардык мэриясынын жобосун” бекитүү жөнүндө

Кыргыз Республикасынын “Жергиликтүү өз алдынча башкаруу жөнүндөгү” мыйзамына ылайык Өзгөн шаардык кеңешинин (VII чакырылышынын) кезексиз IV сессиясынын отуруму Өзгөн шаардык мэриясынын 2021-жылдын 11-августундагы № 836 катын угуп жана талкуулап «Мыйзамдуулук, регламент, мамлекеттик мекемелер жана коомдук уюмдар менен иштөө, депутаттык этика, депутаттык мандат жана каада салттар боюнча» туруктуу комиссиясынын 2021-жылдын 11-августундагы № 4 протоколунун негизинде Өзгөн шаардык кеңеши,

ТОКТОМ КЫЛАТ:

1. “Өзгөн шаардык мэриясынын жобосу” тиркемеге ылайык бекитилсин.

2. Жобону Кыргыз Республикасынын Юстиция башкармалыгынан каттоодон өткөрүү жагы Өзгөн шаардык мэриясына милдеттендирилсин.

3. Токтомдун аткарылышын көзөмөлдөө Өзгөн шаардык кеңешинин «Мыйзамдуулук, регламент, мамлекеттик мекемелер жана коомдук уюмдар менен иштөө, депутаттык этика, депутаттык мандат жана каада салттар боюнча» туруктуу комиссиясына тапшырылсын.

ӨЗГӨН ШААРДЫК МЭРИЯСЫНЫНЫН ЖОБОСУ

Жобонун жалпы мазмуну:

1.Жалпы жоболор

2. Мэриянын ишинин жалпы принциптери

3. Шаардыкмэрия

4. Шаардын мэри

5. Шаардык мэриянын ишин пландоо 

6. Муниципалдык кызматкердин ишин пландоо жана анын ишмердигин баалоо

7. Шаардык мэриянын чечими жана иш кагаздарын жүргүзүү 

8. Документтердин аткарылышын көзөмөлдөөнү уюштуруу

9. Шаардык мэриянын комиссиялары, кеңешмелер жана текшерүүлөрдү жүргүзүү тартиби

10. Шаардык мэриянын кеңешмеси 

11. Кеңешмелердин жана туруктуу (убактылуу) комиссиялардын отурумдарынын протоколдору

12.Шаардык мэриянын ишин текшерүүлөрдү жүргүзүүнүн жана текшерүүлөрдү эсепке алуу китебине каттоонун тартиби

13. Жарандарды жекече кабыл алуу

14. Мэриянын элге жарыяланууга жаткан маалыматтарынын тизмеги 

15. Дисциплинардык жаза-чара, кызматтык териштирүү

16. Жумуш убактысын уюштуруу

17. Корутунду Жоболор

 1.Жалпы Жоболор

1. Өзгөн шаардык мэриянын (андан ары-мэриянын) бул Жобосу Кыргыз Республикасынын Конституциясынын, Кыргыз Республикасынын Конституциялык мыйзамдарынын, Кыргыз Республикасынын Кодекстарынын, Кыргыз Республикасынын мыйзамдарынын жана аларга тиешелүү болгон нормативдык укуктук актылардын негизинде иштелип, шаардын жергиликтүү өз алдынча башкаруу органдарынын иш тартибин белгилөө жана аларга тиешелүү болгон маселелерди чечүүнү кароодо пайдалануучу акт болуп эсептелинет.

2. Мэрия бул Жобо аркылуу Кыргыз Республикасынын “Жергиликтүү өз алдынча башкаруу жөнүндөгү” мыйзамынын талаптарын аткарууга алуу менен Кыргыз Республикасынын Жергиликтүү өз алдынча башкаруу саясатын турмушка ашырат.

3. Бул Жобо Өзгөн шаардык мэриясынын ишмердүүлүгүндө колдонулуп, мэриянын кызматчыларынын өзүнө жүктөлгөн милдеттерди аткарууда уюштуруу-укуктук эрежелерди белгилейт.

4. Мэрия бул Жобо аркылуу мэриянын кызматкерлеринин шаардын жергиликтүү жамааты менен иштөөнү уюштуруу менен жергиликтүү жамааттын мүчөлөрүнүн укуктарын жана милдеттерин Кыргыз Республикасынын мыйзамдарына ылайык турмушка ашырат.

5. Юридикалык жактын толукаталышы:

Мамлекеттик тилде-Өзгөн шаардык мэриясы.Расмий тилде- Мэрия города Узген

Дареги:Ош облусту, Өзгөн шаары, В.И.Ленин атындагы көчө, №117

2. Мэриянын ишинин жалпы принциптери:

 6.Мэрияга жүктөлгөн милдеттерди чечүү мэриянын аппаратынын, анын түзүмдөрүнүн, Муниципиалдык аймактык башкаруу (МАБ) бөлүмдөрүнүн иштери, мэриянын туруктуу (убактылуу) комиссияларынын иштеринин натыйжалары менен, ошондой эле мэриянын шаардык кеңеш, тийиштүү мамлекеттик органдар жана алардын аймактык бөлүмдөрү менен өз ара аракеттешүүсү аркылуу, жергиликтүү жамааттарды жана алардын бирикмелеринин жергиликтүү өз алдынча башкаруунун жүзөгө ашырууга түздөн-түз тартылуулары жана катышуулары аркылуу камсыз кылынат.

7.Мэриянын иши төмөнкү принциптерге негезденет:

 1) мыйзамдуулук жана социалдык адилеттүүлүк;

2) жергиликтүү жамааттардын укуктарын жана мыйзам менен корголуучу кызыкчылыктарын коргоо;

3) муниципалдык кызматкерлердин кесипкөйлүгү, компетенттүүлүгү жана демилгелүүлүгү;

4) өз иш-милдеттерин жергиликтүү жамааттын кызыкчылыктарында жүзөгө ашыруу жана өзүнүн ишинин натыйжалары үчүн жерлигиктүү жамаат алдында жоопкерчилиги;

5) ачык-айкындык жана коомдук пикирди эске алуу;

6) тартип жана кызматтык милдеттерди аткаруу үчүн жекече жоопкерчилик;

7) жетекчи алмашканда компетенттүү кадрларды тандоодо жана сактоодо ырааттуу улануучулук.

 3. Шаардык Мэрия

8. Шаарда жергиликтүү өз алдынча башкаруунун аткаруу органы мэр башында турган мэрия болуп эсептелет.Мэрия юридикалык жак болуп саналат жана Кыргыз Республикасынын мыйзамдары менен анын компетенциясына киргизилген бардык маселелерди өз алдынча чечүүгө укуктуу. Мэриянын ишин уюштуруунун тартиби, мэриянынкомпетенциясы жана мэрдын ыйгарым укуктары«Жергиликтүү өз алдынча башкаруу жөнүндө» Кыргыз Республикасынын Мыйзамдары жана ушул Устав менен белгиленилет.

9. Мэрия Кыргыз Республикасынын Өкмөтүнүн токтому менен бекитилген Мамлекеттик жарандык кызматтын жана муниципалдык кызматтын административдик кызмат орундарынын топторуна карата Типтүү квалификациялык талаптардын негизинде, мамлекеттик жарандык кызмат жана муниципалдык кызмат иштери боюнча ыйгарым укуктуу мамлекеттик орган менен макулдашуудан кийин, алардын штаттык ыраатамасында каралган ар бир административдик кызмат орундарына карата квалификациялык талаптарды иштеп чыгат жана бекитет.

10. Зарылдыкка жараша мыйзамдарда каралган тартипте Шаардык кеңештин чечими менен түзүмдүк бөлүмдөрдүн кызматкерлерине, Муниципиалдык аймактык башкаруу (МАБ) боюнча уюшулган курамдарга «Муниципиалдыки кызматкер» статусун алууга типтүү калификациялык талаптарды иштеп чыгат жана мамлекеттик кадр кызматы менен макулдашуу аркылуумыйзамдарда белгиленген тартипте иш алып барат.

10. Мэрия тарабынан төмөнкү иштер аткарылат:

1) шаардын тиричилик жактан камсыз кылуу системасынын иштешин жана өнүгүшүн, шаардыктарга социалдык жана маданий тейлөө кызматтарын көрсөтүүнү уюштурат;

2) шаардын бюджетинин долбоорун иштеп чыгат жана аны шаардык кеңеш бекиткенден кийин аткарат;

3) шаарды социалдык-экономикалык жактан өнүктүрүүнүн, калкты социалдык жактан коргоонун программаларынын долбоорлорун иштеп чыгат жана шаардык кеңеш бекиткенден кийин алардын аткарылышын камсыз кылат. Шаардык кеңеш тарабынан кабыл алынган шаарды социалдык-экономикалык жактан өнүктүрүү жана калкты социалдык коргоо программаларынын натыйжалуулугунун жана үзүрдүүлүгүнүн мониторингин жана баа берүүнү туруктуу негизде жүзөгө ашырат жана алардын аткарылышы жөнүндө отчетторду жалпыга маалымдоо каражаттарында жана расмий сайтта жарыялайт;

4) шаарды өнүктүрүү үчүн инвестицияларды жана гранттарды тартат;

5) тарыхтын, архитектуранын жана маданияттын эстеликтерин коргоо боюнча иш-чараларды жүзөгө ашырат;

6) шаардын жерлерин жана муниципалдык менчиктин обөекттерин акыл-эстүү пайдалануу боюнча иш-чараларды иштеп чыгат жана аларды шаардык кеңеш бекиткенден кийин жүзөгө ашырат;

7) ишканаларды менчиктештирүүгө жана тиешелүү социалдык-маданий, тиричилик жана чарбалык маанидеги обьекттердин тиешелүү органдары менен макулдашуу боюнча ошондой эле алардын иштешине зарыл жабдуу-шайманды баланска кабыл алууга катышат;

8) турак жай фондун, турак жай-коммуналдык чарбаны өнүктүрүү жана шаарды абат кылуу боюнча иш-чараларды иштеп чыгат жана жүзөгө ашырат;

9) шаарда курулуш куруунун башкы планын иштеп чыгып, жүзөгө ашырат, Кыргыз Республикасынын мыйзамдарына ылайык архитектура жана шаар куруу ченемдери менен эрежелеринин сакталышына көзөмөлдү ишке ашырат;

10) жаратылыш кырсыктарынын, өзгөчө кырдаалдардын, алардын кесепеттерин жоюу боюнча мобилизациялык жана уюштуруучулук-практикалык иш-чараларды жүзөгө ашырат;

11) мамлекеттик-жеке өнөктөштүктүн долбоорлорун издөөнү, демилгелөөнү жүзөгө ашырат жана мамлекеттик-жеке өнөктөштүк жөнүндө макулдашууларды "Кыргыз Республикасындагы мамлекеттик-жеке өнөктөштүк жөнүндө" Кыргыз Республикасынын Мыйзамына ылайык түзөт;

12) калкка консультациялык-укуктук жардам көрсөтүү тутумун иштеп чыгат жана Кыргыз Республикасынын мыйзамдарына ылайык башка ыйгарым укуктарды жүзөгө ашырат.

4. Шаардын мэри

11. Шаардын мэри шаардын алдында турган милдеттерди толук кандуу жана натыйжалуу аткаруу үчүн, жергиликтүү маанидеги маселелерди чечүүнүн өзгөчөлүктөрүнө жана артыкчылыктуулактарына жараша, ошондой эле өткөрүлүп берилген мамлекеттик ыйгарым укуктарды аткаруу боюнча мэриянын милдеттенмелерин эске алуу менен, мэриянын кызмат орундарынын арасында кызмат орундук милдеттерди бөлуштүрөт.

12. Шаардын мэри КР Өкмөтүнүн токтому менен бекитилген, Кыргыз Республикасынын мамлекеттик жарандык кызматтын жана муниципалдык кызматтын административдик кызмат орундарынын Типтүү нускамасында каралган муниципалдык кызматкердин квалификациялык талаптарын, кызматкердин жекече сапаттарын, кызмат орундук милдеттерин камтыган муниципалдык кызматкерлердин кызмат орундарынын нускамасын бекитет.

13. Шаардын мэри шаардык мэриянын ишмердүүлүгүнна башчылык кылып, негизинен, төмөнкү маселелер менен шугулданат:

 1) Кыргыз Республикасынын Конституциясынын жана Кыргыз Республикасынын мыйзамдарынын, Республикасынын Президентинин жана Кыргыз Республикасынын Өкмөтүнүн актыларынын, ошондой эле шаардык кеңештин ыйгарым укуктарынын чегинде кабыл алынган шаардын жергиликтүү жамаатынын уставынын, шаардык кеңештин чечимдеринин сакталышын жана аткарылышын уюштурат;

2) шаардын турмуш-тиричилигин камсыз кылуу боюнча шаардык мэриянын карамагындагы мамлекеттик жана муниципалдык мекеме-ишканалардын ишине жетекчиликкылат, ушул иштин натыйжаларына жооп берет;

3) мамлекеттик бийлик органдарынын аймактык тийиштүү бөлүмдөрүнүн жана муниципалдык ишканалардын ишин координациялайт, алар өз милдеттерин талаптагыдай аткарбаган учурда аймактык бөлүмдөрдүн жетекчилерин кызматтан четтетет жана тиешелүү тартипте бийлик органдарына маселе коет;

4) мэриянын аппаратынын кызматчыларынын ишин мыйзамдарда белгиленген тартипте жана мэриянын өзү кол койгон “Функционалдык милдеттер жөнүндөгү” буйруктун негизинде координациялайт жана алардан иштөөсү үчүн тиешелүү шарттарды түзөт;

5) Кыргыз Республикасынын мыйзамдарына ылайык шаардын вице-мэрлерин, түзүмдүк бөлүмдөрүнүн жетекчилерин дайындайт жана кызмат ордунан бошотот, ошондой эле мэриянын аппаратынын кызматкерлерин дайындайт жана кызмат ордунан бошотот;

6) жергиликтүү маанидеги маселелерди, ошондой эле жергиликтүү кеңештин ыйгарым укуктарына таандык милдеттерди кошпогондо, берилген мамлекеттик ыйгарым укуктарды башкарууну ишке ашырат;

7) берилген мамлекеттик ыйгарым укуктардын талаптагыдай эмес уюштурулгандыгы үчүн жеке жоопкерчилик тартат;

8) мамлекеттик бийлик органдарында, мамлекеттик эмес, коомдук жана Кыргыз Республикасынын чет өлкөлөрдөгү башка уюмдарында шаардын атынан чыгат;

9) кызмат ордуна кирген учурдан тартып 3 айдан кечиктирбестен шаарды социалдык-экономикалык жактан өнүктүрүүнүн программасынын долбоорун иштеп чыгууну камсыз кылат, шаардык кеңешке бекитүү үчүн сунуштайт;

10) шаардык кеңештин бекитүүсүнө шаардык бюджетинин долбоорун сунуштайт, жарым жылда бир жолудан кем эмес шаардагы иштердин жалпы абалы, бюджеттин аткарылышы, муниципалдык менчиктин жана бюджеттен тышкаркы фонддун каражаттарынын пайдаланылышы, шаарды социалдык-экономикалык жактан өнүктүрүү, консультациялык-укуктук жардамдын көрсөтүлүшү жана калкты социалдык жактан коргоо программаларынын аткарылышы жөнүндө шаардык кеңеш алдында отчет берет;

11) мыйзамдарга ылайык жергиликтүү салыктарды жана жыйымдарды киргизүү боюнча шаардык кеңешке сунуштарды киргизет;

12) шаардык кеңештин сессиясын чакыруу жөнүндө сунуштарды киргизет, анын ишине катышат;

13) белгиленген тартипте Кыргыз Республикасынын Президентинин алдында мамлекеттик сыйлыктарды ыйгаруу боюнча комиссиясына сыйлыктарды ыйгаруу жөнүндө өтүнүч жасайт;

14) Кыргыз Республикасынын ченемдик укуктук актыларына ылайык башка ыйгарым укуктарды жүзөгө ашырат.

14. Кыргыз Республикасынын «Жергиликтүү өз алдынча башкаруу жөнүндө» мыйзамына ылайык шаардын мэрине төмөнкү талартар коюулатр:

1) жогорку билими жана мамлекеттик же болбосо муниципалдык кызматта 3 жылдан кем эмес иш стажы, же болбосо билим берүүнүн, саламаттык сактоонун мамлекеттик мекемелеринде же уюмдардын, мекемелердин жана жеке менчик чарбачыл субьекттердин жетекчилик кызматтарында 5 жылдан кем эмес иш стажы бар, аракетке жөндөмдүү Кыргыз Республикасынын жараны шаардын мэри боло алат:

2) кылмыш жасагандыгы үчүн мыйзамдарда белгиленген тартипте алып салынбаган же жоюлбаган соттуулугу бар Кыргыз Республикасынын жараны шаар мэри боло албайт.

15. Шаардын мэрин кызмат ордуна шайлоонун, ага киришүүнүн жана андан бошотуунун тартиби:

1) шаардын мэри шаардык кеңеш тарабынан анын чакырылган мөөнөтүнө шайланат;

2) Кыргыз Республикасынын «Жергиликтүү өз алдынча башкаруу жөнүндө» мыйзамына ылайык мэрдин кызмат ордуна талапкерликти көрсөтүүгө шаардык кеңештин фракциясынын, фракциялардын коалициясынын жана Кыргыз Республикасынын Премьер-министринин укугу бар;

3) шаардын мэрин шайлоо жергиликтүү кеңештин депутаттары тарабынан жашыруун добуш берүү жолу менен жүзөгө ашырылат. Эгерде ага шаардык кеңештин депутаттарынын жалпы санынын кеминде үчтөн экиси катышса, шаардын мэрине шайлоо өткөрүлдү деп эсептелет;

4) тиешелүү кеңештин депутаттарынын жалпы санынын көпчүлүк добушун алган талапкер шайланды деп эсептелет.

16. Шаардын мэри Кыргыз Республикасынын мыйзамдарына ылайык төмөндөгүдөй учурларда ээлеген кызмат ордунан мөөнөтүнөн мурда бошотулушу мүмкүн:  

1) жеке арызынын негизинде;

2) прокуратура органдары тарабынан белгиленген, же мамлекеттик ыйгарым укуктары берилген мыйзамдарды, Кыргыз Республикасынын Президентинин жана Кыргыз Республикасынын Өкмөтүнүн ченемдик укуктук актыларын аткарбагандыгы же талаптагыдай эмес аткаргандыгы үчүн шаардык кеңештин депутаттарынын жалпы санынын көпчүлүгүнүн макулдугу менен, а прокуратура органдары тарабынан белгиленген мыйзамдарды, Кыргыз Республикасынын Президентинин жана Кыргыз Республикасынын Өкмөтүнүн ченемдик-укуктук актыларын кайра бузуу фактылары ачылганда, шаардык кеңештин депутаттарын кабардар кылуу менен;

3) соттун күчүнө кирген айыптоочу өкүмүнүн негизинде;  

4) сот тарабынан жоопкерчиликке жарамсыз деп таанылган учурда;  

5) аны өлдү, дайынсыз жок болгон, ошондой эле өлгөн деп жарыялоо жөнүндө соттун чечими мыйзамдуу күчүнө кирген учурда;

6) Кыргыз Республикасынын чегинен тышкары жактарга туруктуу жашоо үчүн чыгып кеткен учурда;  

7) Кыргыз Республикасынын жарандыгынан чыккан, Кыргыз Республикасынын жарандыгын жоготкон же чет мамлекеттин жарандыгын алган учурда;  

8) жылыш болбогон эмгекке жарамсыздыгынын кесепетинен өзүнүн кызмат милдеттерин аткарууга мүмкүндүгү жок болгон учурда;  

9) шаардык кеңештин депутаттарынын жалпы санынын үчтөн экисинин добуштары менен ишенбестик билдирилген учурда;

10) тараптардын эркине көз каранды болбогон жагдайлар боюнча (тиешелүү мыйзам кабыл алынган, мыйзамдарда каралган дагы башка жагдайларда).

17. Кыргыз Республикасынын мыйзамдарынын негизинде шаардын мэрине шаардык кеңеш тарабынан ишенбестик көрсөтүлгөн учурда Кыргыз Республикасынын мыйзамдарына ылайык Кыргыз Республикаснын Премьер-министри 3 күндүн ичинде аны кызмат ордунан мөөнөтүнөн мурда бошотуу же болбосо баш тартуу жөнүндө жүйөлөштүрүлгөн чечимине ылайык иш жүргүзүлөт.

18. Шаардык кеңештин депутаттары тарабынан шаардын мэрине кайра ишенбестик билдирилген учурда Кыргыз Республикасынын мыйзамдарына ылайык Кыргыз Республикаснын Премьер-министри аны кызмат ордунан бошотуу жөнүндө кабыл алган чечиминин негизинде уюштуруу иштери жүргүзүлөт.

19. Шаардын мэри кызмат ордунан мөөнөтүнөн мурда бошотулган учурда, Кыргыз Республикасынын “Жергиликтүү өз алднча башкаруу жөнүндөгү” мыйзамынын талаптарына ылайык мэрдин милдеттери шаардын мэри шайланганга чейин биринчи вице-мэрге жүктөлөт. Биринчи вице-мэрдин кызмат орду жок болгон учурда, мэрдин милдеттери вице-мэрге жүктөлөт.

20. Шаардын вице-мэрлери

1) шаардын вице-мэри (биринчи) ал жок учурда мэрдин ордуна иштейт жана шаардын мэрине жүктөлгөн милдеттерди аткарат.

2) шаардын вице-мэрлери шаардын мэринин алдында ал аткаруучу иш-милдеттер үчүн жоопкерчиликтүү болот.

3) Мэрдин сунушу менен шаардык кеңештин депутаттарынын жалпы санынын теңинен көбүнүн добушу менен кызматка кабыл алынат жана мыйзам талаптарына карата жумуштан бошотулат

21. .Мэриянын аппаратынын ишине мэриянын Аппаратынын жетекчиси көзөмөл жүргүзөт жана жетекчилик кылат. Мэриянын кызмат адамдары жана аппаратынын кызматкерлери өздөрүнүн иштерин Кыргыз Республикасынын мыйзамдырына ылайык жүзөгө ашырышат.

22. Мэриянын кызматчыларынын иши мэр тарабынан бекитилген “Мэриянын кызматчыларынын Функционалдык милдеттери жөнөндөгү” буйруктун негизинде жөнгө салынат. Мэриянын кызматчыларымуниципалдык кызматчылар болуп саналышат жана окутуучулук, илимий жана башка чыгармачылык иштерден тышкары, акы төлөнүүчү иш менен алектенүүгө тийиш эмес.

 23. Муниципалдык менчик - жергиликтүү өз алдынча башкаруунун аткаруучу органынын (б.а.шаардык мэриянын) карамагындагы муниципалдык мүлк болуп эсептелет. Ал мэриянын карамагында болгон муниципалдык менчиктеги мүлктү башкаруу департаментинин пайдалануусунда жана тескөөсүндө турат.

1) Муниципалдык менчиктеги мүлктү башкаруу департаментинин директору (андан ары департаменттин директору) кызматына жогорку маалыматту, соттулугу жок, Кыргыз Республикасынын Конституциясынын, мамлекеттик жарандык кызмат жана муниципалдык кызмат, муниципалдык менчик, мамлекеттик жерден пайдалануу, анны сатуу сыяктуу түшүнүктөрдү камтыган мамлекеттик мыйзамдарды жана бул маселелер боюнча Кыргыз Республикасынын Өкмөтүнүн токтомдорун билген Кыргыз Республикасынын жараны Кыргыз Республикасынын мыйзамдарына ылайык конкурстун жыйынтыгы менен шаардын мэринин буйругу менен дайындалат жана мыйзамдарга ылайык бошотулат. Департаменттин техник кызматчыларынан башка бардык кызматчылары муниципалдык кызматчылар болуп эсептелет. Департаменттин директору жана башкы бухгалтеринен башка бардык муниципалдык кызматчылар мамлекеттик кадр кызматинин жергиликтүү өкүлү кирген, шаардын мэринин буйругу менен түзүлгөн комиссиянын конкурсунун жыйынтыгы менен департаменттин директорунун буйругу аркылуу дайындалыт жана мыйзамдарга ылайык бошотулат.

24. Мэриянын карамагында болгон муниципалдык менчиктеги мүлктү башкаруу департаментинин кызматкерлери муниципалдык кызматчылар болуп эсетелинет. Департаменттин иш-аракеттери шаардык кеңеш тарабынан бекитилген жана мамлекеттик юстиция органдары тарабынан катталган жобонун негизинде уюштуруулат.

25. Муниципалдык менчик жергиликтүү өз алдынча башкаруунун кирешелерин алуучу булак катары кызмат кылуучу жана Кыргыз Республикасынын мыйзамдарына ылайык жергиликтүү өз алдынча башкаруунун иш-милдеттерин жүзөгө ашырууга зарыл жергиликтүү жамааттардын менчиги болуп эсептелинет.

 26. Шаардын карамагындагы муниципалдык ишканалар өз ишмердүлүүгүн шаардык кеңеш тарабынан бекитилген жана мамлекеттик юстиция органы тарабынан катталган Уставдын негизинде уюштуурат.

27. Муниципалдык ишканалардын жетекчиси кызматына жана муниципиалдык аймактык башкаруунун (МАБ) жетекчилигине жогорку билимдүү, мамлекеттик, жарандык жана муниципиалдык кызматтагы иш стажы 3 жылдан кем эмес, же болбосо билим берүүнүн, саламаттыкты сактоонун мамлекеттик мекемелеринде же уюмдардын, мекемелердин жана жеке менчик чарбачыл субьекттердин жетекчилик кызматтарында 5 жылдан кем эмес иш стажы бар, аракетке жөндөмдүү соттуулугу жок Кыргыз Республикасынын жараны Кыргыз Республикасынын мыйзамдарына ылайык шаардын мэринин буйругу менен дайындалат жана бошотулат.

1) муниципалдык ишканалардын, МАБдын бухгалтери кызматына ишкананын жетекчисинин сунушу менен атайын орто билимден төмөн болбогон маалыматка ээ болгон, соттулугу жок Кыргыз Республикасынын жараны шаардын мэринин макулдугу менен жана мэриянын адистеринен тийиштуу аңгемелешүүдөн өткөндөн кийин Кыргыз Республикасынын мыйзамдарына ылайык шаардын мэринин буйругу менен дайындалат жана бошотулат.

2) муниципалдык ишканалардын жетекчилеринен жана башкы бухгалтерлеринен башка бардык кенже кызмат көрсөтүүчү жана техникалык кызматчылар мекеменен, МАБдын жетекчисинин буйругу менен Кыргыз Республикасынын мыйзамдарына ылйык дайындалат жана бошотулат.

28. Шаарда аткаруучу-тескөөчө иштердин маанилуу маселелерин кароо үчүн шаардык мэрияда консультативдык-укуктук, кеңешүүчү орган -башкаруу кеңеши (совет управление) түзүлөт. Башкаруу органы шаардык мэриянын жогорку органы болуп саналат.      

29. Шаардын жергиликтүү өз алдынча башкаруу органдарынын иш милдеттерин жүзөгө ашыруу, шаардын аймагындагы калктын турмуш- тиричилигин камсыз кылуу жана жергиликтүү маанидеги маселелерди Кыргыз Республикасынын мыйзамдарына ылайык чечүү үчүн шаардын аймагы Мниципиалдык аймактык башкарууларга (МАБ) жана кварталдык комитеттерге бөлүнөт.

5. Шаардык мэриянын ишин пландоо 

30. Шаардык мэриянын ишин пландоо мэрияга жүктөлгөн милдеттерди аткаруу боюнча уюштуруучулук иштерин камсыз кылуунун негизги каражаттарынын бири болуп саналат. Мэрия өзүнүн ишин ар жылга иштеп чыгылган жумуштардын титулдук планына ылайык уюштурат.

31. Мэриянын иш планы жергиликтүү маанидеги маселелерди чечүү жана Кыргыз Республикасынын мыйзамдарында белгиленген өткөрүлүп берилген мамлекеттик ыйгарым укуктарды аткаруу үчүн, төмөнкү бекитилген документтердин негизинде түзүлөт:

1) жергиликтүү жамаатты социалдык-экономикалык өнүктүрүү жана калкты социалдык коргоо программаларынын;

2) мамлекеттик жана муниципалдык тармактык программалардын, өнүктүрүү стратегияларынын жана пландарынын;

3) жергиликтүү жамааттардын жана жергиликтүү өз алдынча башкаруу органдарынын биргелешкен иш-аракеттеринин пландарынын;

32. Шаардык мэрияга жүктөлгөн милдеттерди талаптагыдай аткаруу максатында, мэриянын иш планы алдыда турган жылга бюджеттин долбоору жана кийинки жылдарга болжолу менен өз ара байланышта, ошондой эле каржылоонун бюджеттен тышкаркы булактарын эсепке алуу менен иштелип чыгат.

33. Шаардык мэриянын иш планы шаардын мэри тарабынан алдыда турган жыл башталганга чейин 20 жумушчу күн калгандан кечиктирилбестен бекитилет. Жыл ичинде ага өзгөртүүлөр жана кошумчалар киргизүү мүмкүн. Бекитилген иш план шаардык мэриягын расмий веб-сайтына жарыяланууга жатат.

6. Муниципалдык кызматкердин ишин пландоо жана анын ишмердигин баалоо

34. Шаардык мэриянын иш планына ылайык мэриянын түзүмдүк бөлүмдөрүнүн жана муниципалдык кызматкерлердин (мындан ары – кызматкер) кварталдык иш пландары түзүлөт, отчеттору кабыл алынат, мыйзамдарда ткөрсөтүлгөн тартипте бааланат.

 35. Кызматкердин иш планы ар бир квартал сайын түздөн-түз жетекчиси (вице-мэрлер, бөлүм башчылары менен) биргеликте түзүлөт жана алардын арасында милдеттердин бөлүштүрүлүшүнө ылайык мэриянын аппаратынын жетекчиси, вице-мерлер же шаардын мэри тарабынан бекитилет.

 36. Кызматкердин кварталдык иш планын түзүүнүн, бекитүүнүн, отчет берүүсүнүн, баалоонун тартиби, жылдык баалоону жүргүзүүнүн тартиби, ошондой эле кызматкер кварталдык же жылдык баалоо менен макул болбогондо апелляциялык коммиссияга даттануунун тартиби Кыргыз Республикасынын Өкмөтүнүн 2017-жылдын 1-мартындагы №131 токтому менен бекитилген «Кыргыз Республикасынын мамлекеттик жарандык кызматкерлеринин жана муниципалдык кызматкерлеринин иштерин баалоону жүргүзүүнүн тартиби жөнүндө» Жобо менен жөнгө салынат.

37. Кызматкерлердин кварталдык иш пландарды аткарууларын жалпы көзөмөлдөө алардын ортосунда милдеттерди бөлүштүрүүгө ылайык, түздөн-түз жетекчилерине, мэриянын аппарат жетекчисине, вице-мэрлергежүктөлөт, алар кызматкерлердин кварталдык иш пландарды аткарууларынын жүрүшү жөнүндө шаардын мэринен мезгил-мезгили менен кабарландырып турушат. 

7. Шаардык мэриянын чечими жана иш кагаздарын жүргүзүү

38. Мэриянын.компетенциясына киргизилген маселелер боюнча шаардын мэри тарабынан кабыл алынуучу укуктук актылар мэриянын чечимдери, токтомдору жана тескемелери формасында кабыл алынып, алар эгерде актынын өзүндө башкача каралбаса, аларга шаардын мэри кол койгон күндөн тартып күчүнө кирет. Шаардык мэриянын документтери өзүнүн ыйгарым укуктарынын чектеринде шаардын мэри тарабынан кабыл алынуучу, уюштуруучулук-тескемелик мунөздөгү укуктук акт болуп саналат..

39. Шаардын мэри кол койгон актылар щаардын мэри тарабынан күчүн жоготту деп таанылышы, же болбосо Кыргыз Республикасынын мыйзамдарында белгиленген тартипте сот тарабынан анык эмес деп таанылышы мүмкүн.

40. Шаардын мэринин ыйгарым укуктарынын чектеринде чыгарылган мэриянын актылары шаардын аймагында аткаруу үчүн милдеттүү.

41. Мэриянын иш кагаздары мамлекеттик тилде, ал эми зарыл болгон учурларда – расмий тилде жүзөгө ашырылат.

Эсептик-статистикалык, финансылык жана техникалык документтерди жүргүзүү мамлекеттик же расмий тилде камсыз кылынат. Шаардын мэри мэриянын кызматчыларына мамлекеттик тилди окуп үйрөнүүлөрүү үчүн шарттарды түзөт.

42. Шаардагы расмий иш чаралар: жергиликтүү курултайлар, жыйындар (чогулуштар), коомдук угуулар, мэриянын аппараттык отурумдары жана кеңешмелери, сүйлөшүүлөр жана башка иш чаралар мамлекеттик тилде жүргүзүлөт, ал эми зарыл болгондо жарыш сөздөр котормо менен камсыз кылынат.

43. Жарандар мэрияга Кыргыз Республикасынын «Жарандардын кайрылуусу жөнүндө» мыйзамына ылайык мамлекеттик, расмий тилдерде же Кыргыз Республикасынын элдеринин кандай болбосун башка тилинде кайрылууга укуктуу. Жарандардын жазуу жүзүндөгү кайрылууларына жооптор Кыргыз Республикасынын мамлекеттик же расмий тилинде беилет.

44. Шаардык мэриянын компетенциясына киргизилген маселелер боюнча мэриянын чечимдери (токтом, тескеме) мамлекеттик тилде жана зарыл болгон учурларда – расмий тилде кабыл алынат. Мамлекеттик тилдеги документ түп нуска болуп эсептелет.

45. Мекемелер, уюмдар жана жарандар менен кат жазышуулар мамлекеттик тилде, ал эми зарыл болгон учурларда – расмий тилде жүргүзүлөт. 

46.Шаардык мэрия иш кагаздарын КР Өкмөтүнүн тиешелүү токтому менен бекитилген Кыргыз Республикасында иш кагаздарын жүргүзүү боюнча Типтүү нускаманын жана ушул Жоблнун негизинде уюштурат жана жүргүзөт.

47. Мэриянын иш кагаздары, штаттык ырааттамага ылайык, мэриянын аппарат жетекчиси тарабынан жүзөгө ашырылат.

48. Муниципалдык кызматкер алмашканда, мэриянын документтерин кабыл алуу-өткөрүп берүү актысы түзүлөт жана документтер кызматты укуктуу улантуучуга акты боюнча өткөрүлүп берилет.

49. Келип түшкөн бардык документтер аларга индекс (документтин датасын жана номурун) коюу жолу менен каттоого алынат. Каттоого алуу документтердин аткарылышын көзөмөлдөөнүн автоматташтырылган тутуму аркылуу (мындан ары – ДАКАТ), автоматташтырылгын тутум болбогон учурда каттоо журналына киргизүү аркылуу жүзөгө ашырылат.

50. Кечиктирилгис чараларды кабыл алууну талап кылган документтер, ыкчам каттоого алынат жана компетенцияларына жараша шаардын мэринеал болбогон учурда, анын орун басарларына же аппарат жетекчисине баяндалат. Шашылыш учурларда, жетекчилик болбогондо, токтоосуз каралууга тийиш болгон документтер, аткаруучуларга берилиши мүмкүн, андан кийин алар жөнүндө жетекчиликке билдирилет.

51. Токтоосуз кароону талап кылбаган документтер, алдын ала каралгандан жана каттоого алынгандан кийин, катталган эле күнү резолюция коюу үчүн жетекчиликке жиберилет.Жетекчилик аткаруучуну ( аткаруучуларды) дайындайт, иш чараларды белгилейт жана аларды аткаруунун көзөмөлдүк мөөнөттөрүн көрсөтөт.

52. Чыккан документтер шаардык мэриянын чектеринде түзүлгөн жана андан кайрылууларды жиберишкен башка мекемелерге же жеке адамдарга жиберилген документтер болуп эсептелет.

53. Аткаруучунун документти кароосунун натыйжалары боюнча жооптун же корутундунун долбоору даярдалат, ал мэриянын тийиштүү бөлүмүнүн жетекчиси же болбосо мэр, же вице-мэрлер менен макулдашылат. Мэриянын документтерине, жоопторуна шаардын мэри, ал жок болгон учурларда вице-мэрлерден бири, же аппарат жетекчи кол коюшу мүмкүн.

54. Аткарылган документтер иш кагаздарын жүргүзүүчүгө өткөрүп берилет. Документтер жетекчилик кол койгон жооптун негизинде аткарылган болуп эсептелет жана көктөмөгө тигилет.

55. Мэриянын иш кагаздарын жүргүзүүчүсүндө калган документтерди кызмат адамдарынын анык кол тамгалары, зарыл болгондо макулдашуу визалары камтылышы керек.

8. Документтердин аткарылышын көзөмөлдөөнү уюштуруу

56. Белгилүү чечимдердин кабыл алынышын, аткарылышын жана аларга жооптордун жазылышын талап кылган кыйла маанилүү документтердин аткарылышы көзөмөлгө алынууга жатат.

57. Документтер документтин текстинде же жетекчиликтин резолюциясында көрсөтүлгөн мөөнөткө карата аткарылат. Жарандардын кайрылууларын кошпогондо, чечимди же жоопту талап кылган, мөөнөттөрү белгиленбеген документтер отуз күндүн ичинде аткарылат. Жарандардын кайрылууларына жооптор 14 жумушчу күндүн ичинде, зарыл болгондо кошумча мөөнөткө узартуу менен берилет.

58. Эгерде ал боюнча чечим кабыл алынса, зарыл болгон маалымат берилсе, даректелгенге жооп берилсе же аткарылганы тууралуу маалымдама даярдалса, документ аткарылган болуп саналат жана шаардын мэринин көзөмөлдөн алуу жөнүндө резолюциясы менен көзөмөлдөн алынат.

59. Көктөмөлөрдүн номенклатурасын түзүү, көктөмөлөрдү калыптандыруу жана аларды сактоо, архивге өткөрүп берүү КР Өкмөтүнүн 2012-жылдын 23-июлундагы №517 токтому менен бекитилген КР Иш кагаздарын жүргүзүү боюнча Типтүү нускамага ылайык жүзөгө ашырылат.

9.Шаардык мэриянын комиссиялары, кеңешмелер жана текшерүүлөрдү жүргүзүү тартиби

60. Шаардык мэрия ага Кыргыз Республикасынын мыйзамдарында жүктөлгөн иш-милдеттерди жана ыйгарым укуктарды ишке ашыруунун алкактарында, мэриянын алдында туруктуу (убактылуу) комиссияларды уюштурат 

61. Шаардык мэриянын туруктуу (убактылуу) комиссияларынын иш-милдеттери жана милдеттери, шаардлын мэринин же шаардык кеңеш, же болбосо тийиштүү ченемдик укуктук акты менен бекитилген бул комиссиялар тууралуу жоболордо аныкталат.

62. Туруктуу (убактылуу) комиссиялардын ишин уюштуруу жана координациялоо, алардын арасында милдеттердин бөлүштүрүлүшүнө ылайык шаардын мэри , же вице-мерлер, аппарат жетекчи тарабынан жүзөгө ашырылат.

63. Туруктуу (убактылуу) комиссиялардын отурумдарында протокол жүргүзүлөт, коюлган маселелерди кароонун натыйжалары боюнча чечимдер же корутундулар кабыл алынат.

64. Туруктуу (убактылуу) комиссиялардын отурумдары, эгерде убактылуу (туруктуу) комиссиялардын жоболорунун өзүндө же башка ченемдик укуктук актыларда башкача каралбаса, комиссиялардын курамынын мүчөлөрүнүн көпчүлүгү (кворум) болгондо өткөрүлөт.

65. Туруктуу (убактылуу) комиссиялардын протоколдорунан, чечимдеринен, корутундуларынан жазма көчүрмөлөр кызыкдар адамдарга берилет.

66. Мэрия Кыргыз Республикасынын мыйзамдарынын талаптарын аткаруу үчүн муниципалдык кызматкерди мамлекеттик органдар тарабынан түзүлүүчү төмөнкү комиссиялардынжумуштарына катышуу үчүн жиберет, алар:

1. Административдик укук бузуулар боюнча комиссия

2. Бош административдик муниципалдык кызмат ордун ээлөөгө талапкерлерди тандоо боюнча конкурстук комиссия 

3. Муниципалдык кызматкердин ишин баалоо боюнча комиссия 

4. Муниципалдык кызматкердин ишин баалоо боюнча талаш маселелерди кароо боюнча апелляциялык комиссия 

5. Муниципалдык кызматкердин этикасы боюнча комиссия 

6. Дисциплинардык комиссия 

7. Мамлекеттик сатып алуулар боюнча конкурстук комиссия 

8. Муниципалдык жер участокторуна менчик же ижара укуктарын берүү боюнча

9. Муниципалдык менчик обөекттерин менчиктештирүү, пайдаланууга жана ижарага берүү боюнча

10. Куруу жана жерди пайдалануу боюнча комиссия 

11. Жер участогун жеке турак жай курууга берүү боюнча жер комиссиясы 

12.Турак жай-курулуш кооперативдерине жер участокторун бөлүп берүү боюнча комиссия 

13. Турак-жай маселелери боюнча комиссия 

14.Социалдык маселелер боюнча комиссия 

15. Балдар иштери боюнча комиссия 

16. Муниципалдык кызмат көрсөтүүлөрдүн стандарттарын иштеп чыгуу боюнча комиссия 

17. Архив маселелери боюнча эксперттик комиссия 

18. Жарандык коргоо боюнча комиссия 

19. Коомдук-профилактикалык борбор 

20. Шаардын аймагында жайгашкан түзөтүү мекемелеринин ишин көзөмөлдөөнү жүзөгө ашыруу үчүн байкоочу комиссиялар 

21.Камсыздандыруу төлөмдөрүнүн өлчөмүн жана жагымсыз табигый кубулуштардын таасирине кириптер болгон аянттардын көлөмүн аныктоо бою нча убактылуу комиссия 

22.Дин боюнча коомдук комитет 

10. Шаардык мэриянын кеңешмеси 

67. Апараттык жыйын (андан ары-жыйын) шаардык мэрияныниш-аракеттерин белгилоо менен бирге анын иш-пландарынын аткарылышына көзөмөл жүргүзүүчү иш-чара болуп эсептелет. Аны шаардын мэри өткөрөт. Зарылчылыкты эсепке алуу менен аны шаардын мэри, же шаардын вице-мерлери, же мэриянын аппарат жетекчиси өткөрүүсү мүмкүн. Шаардын мэри пландуу жана пландан тышкары кеңешмелерди өткөрүүгө укуктуу.

1) жыйында мэрияга караштуу мамлекеттик жавна муниципалдык ишканалардын, коомдук жана жарандык уюмдардын жетекчилери катышып,алардын иш-арекеттерине түздөн-түз байланышкан маселелер каралат;

2) жыйын бир жумада бир жолу өткөрүлөт. Өткөрүү күнү ар аптанын мэр тараптан белгиленген күнү өтикөрүлөт;

3) жыйынды шаардын мэри алып барат. Жыйын күндүн биринчи жарымында өткөрүлүп, убактысы регламент менен ибелгиленет;

4) жыйындын күн тартибин шаардын мэри менен ибиргеликте аппарат жетекчи белгилейт. Вице-мэрлер жана мэриянын кызматкерлери күн тартибине кошумча маселе киргизүүгө укуктуу;  

5) жыйынга макулдук же тийиштүү сунуш менен шаардык кеңештин төрагасы (же шаардык кеңештин өкүлү),мекеме-ишканалардын кызматчылары, коомдук жана жарандык уюмдардын жетекчилери катышуусу мүмкүн.

6) жыйындын күн тартибинин маанисине ылайык тиешелүү ишкана-мекемелердин жетекчилери (же кызматкерлери) чакырылуусу мүмкүн;

7) шаардын жарандары жыйынга өз каалоосу менен катышуу укугуна ээ. Алардын жыйынга катышуу боюнча билдирүүсүнө шаардын мэри чечим кабыл алат;

8) жыйында каралган маселелер боюнча протокол жазылат. Протокол жазуу тартиби Кыргыз Республикасынын «Ченемдик укуктук актылары жөнүндөгү»мыйзамынын талаптарына ылайык жүргүзүлөт;

9) жыйын шаардык ишкана мекемелеринин жетекчи-кызматкерлерин жана шаардын жарандарын мэриянын адистерин ар түрдү сыйлыкка сунуш кылуу жана иштеги кемчилдиктери үчүн жаза берүүгө сунуштоо укугуна ээ.

68.. Пландан тышкаркы кеңешмелер алдын ала болжоого мүмкүн эмес болгон, өзгөчө жана башка кийинкиге калтырууга болбогон кырдаалдар пайда болгон учурда өткөрүлөт.

69. Кеңешмемэрияда белгиленген тартип боюнча эки ыкмада өтөт. Биринчиси мэриячнын кызматчылары менен, экинчиси шаардын меке-уюм жетекчилери жана МАБнун жетекчилери, квартал комитеттер менен.

70. Мэриянын кеңешмесинде кабыл алынган чечимдер жана тапшырмалар протоколго киргизилет, зарыл болгондо тийиштүү укукту актылар менен жол-жоболоштурулат. Актылар жана протоколдор аппарат жетекчиси же мэриянын аппараттын ыйгарым укук берилген кызматчысы тарабынан даярдалат, жана кеңешме өткөрүлгөн күндөн тартып кийинки жумушчу күндөн кечиктирилбестен шаардын мэрине же төрагалык кылуучуга кол коюуга киргизилет. Актынын же протоколдун көчүрмөсү же андан жазма көчүрмө конкреттүү тапшырмалар жана аткаруу мөөнөттөрү менен, төрагалык кылуучу бекиткенден кийин аткаруучуларга 2 жумушчу күндүн ичинде аткаруу үчүн жөнөтүлөт.

11. Кеңешмелердин жана туруктуу (убактылуу) комиссиялардын отурумдарынын протоколдору

71. Мэриянын кеңешмелеринин, мэриянын туруктуу (убактылуу) комиссияларынын, жумушчу топтордун отурумдарынын протоколу жазып алуулардын, чыгып сүйлөөлөрдүн берилген тезисттеринин, маалымдамалардын, кеңшмелердин, отурумдардын убагында чыгарылган корутундулардын жана чечимдердин (токтомдордун, тескемелердин) долбоорлорунун негизинде түзүлөт.

72. Протоколдордун көчүрмөлөрү зарыл болгондо, таратып жөнөтүүлөрдүн көрсөтмөсүнө ылайык кызыкдар мекемелерге жана кызмат адамдарына таратылып жөнүлөт. Көрсөтмөнү бөлүмдүн маселени кароого даярдаган жооптуу аткаруучусу түзөт жана кол коңт. Протоколдордун көчүрмөлөрү мөөр менен күбөлөндүрүлөт.

73. Кабыл алынган чечимдер, мөөр менен күбөлөндүрүлгөн, протоколдордон жазма көчүрмөлөр түрүндө аткаруучуларга жеткирилет.

74. Кеңешмелерде, отурумдарда кабыл алынган чечимдердин жана тапшырмалардын аткарылышын көзөмөлдөө жооптуу аткаруучулар тарабынан камсыз кылынат жана баяндалат.

75. Протокол мамлекеттик же расмий тилде жол-жоболоштурулат.

76. Протоколдорду жол-жоболоонун түрлөрү, формалары жана тартиби КР Өкмөтүнүнтоктому менен бекитилген Кыргыз Республикасында иш кагаздарын жүргүзүү боюнча Типтүү нускаманын негизинде жүргүзүлөт. 

12.Шаардык мэриянын ишин текшерүүлөрдү жүргүзүүнүн жана текшерүүлөрдү эсепке алуу китебине каттоонун тартиби

77. Шаардык мэриянын ишин текшерүүлөрдү жүргүзүүнүн тартиби «Жергиликтүү өз алдынча башкаруу органдарынын ишин текшерүүлөрдү жүргүзүүнүн тартиби жөнүндө» Кыргыз Республикасынын Мыйзамында белгиленген тартипте жүзөгө ашырылат.

78. Текшерүүлөрдү эсепке алуу китепби жана анда каттоо тартиби Кыргыз Республикасынын Өкмөтүнүн 2016-жылдын 15-июлундагы № 398 токтому менен бекитилген форма боюнча жана белгиленген тартипте жүргүзүлөт.

79. Ыйгарым укуктуу мамлекеттик органдын кызмат адамы мэриянынишин текшерүү жүзөгө ашырылганга чейин, мэриянын аппарат жетекчисинде же ыйгарым укук берилген кызматчыда (иш кагаздарын жүргүзүүчүдө) туруучу текшерүүлөрдү эсепке алуу китебине каттоону жүргүзүүгө милдеттүү.

80. Текшерүүлөрдү эсепке алуу китебинде ыйгарым укуктуу мамлекеттик органдын кызмат адамы төмөнкүлөрдү көрсөтөт:

1) ыйгарым укуктуу мамлекеттик органдын аталышын;

2) текшерүүлөрдү жүргүзүү башталган жана аяктаган датаны;

3) текшерүүнүн негизин жана предметин;

4) текшерүүнү жүзөгө ашыруучу адамдын (адамдардын) кызмат ордун, фамилиясын, атын жана атасынын атын;

5) текшерүүлөрдү жүргүзүүнүн убагында алынган документтердин көчүрмөлөрүнүн, жазма көчүрмөлөрүнүн аталыштарынын тизмегин.

81. Текшерүүлөрдү эсепке алуу китебине каттоосуз мэриянын ишин текшерүүлөрдү жүргүзүүгө жол берилбейт. Мэриянын текшерүүлөрдү эсепке алуу китебин алып коюуга тыюу салынат. Зарыл болгондо, мэрия текшерүүлөрдү эсепке алуу китебинен күбөлөндүрүлгөн жаза көчүрмөлөрдү берүүсү мумкүн.

82. «Жергиликтүү өз алдынча башкаруу органдарынын ишин текшерүүлөрдү жүргүзүүнүн тартиби жөнүндө» КР Мыйзамына ылайык пландуу, пландан тышкаркы, көзөмөлдүк текшерүүлөрдү жана кайра текшерүүлөрдү жүзөгө ашырууга тизмеги «Жергиликтүү өз алдынча башкаруу органдарынын ишин текшерүүлөрдү жүргүзүүгө укугу бар ыйгарым укуктуу мамлекеттик органдардын тизмегин жактыруу жөнүндө» КР Өкмөтүнүн 2017-жылдын 12-апрелиндеги № 215 токтому менен бекитилген ыйгарым укуктуу мамлекеттик органдардын укугу бар.

13. Жарандарды жекече кабыл алуу

83. Шаардын мэри жана кайрылуулардын маңызы боюнча чечимдерди кабыл алууга укуктары бар шаардык мэриянын кызматкерлери бекитилген графикке ылайык жарандарды жекече кабыл алууну жүргүзүшөт.

84. Жарандарды кабыл алуунун графиги амэриянын расмий сайтына жарыяланат жанаүже мэриянын маалыматтык керге такталарында жайгаштырылат, ошондой эле мэрдин жана кызматкерлердин иш бөлмөлөрүнүн каалгаларына илинет.

85. Жарандарды жекече кабыл алууда, эгерде оозеки кайрылууда баяндалган маселе жекече кабыл алуу убагында чечилиши мүмкүн болбосо, кайрылуу жаран тарабынан жазуу (же электрондук) формада баяндалышы мүмкүн жана каттоого алынууга жана мыйзамда жана ушул Жободо белгиленген тартипте жана мөөнөттөрдө каралууга жатат.

86. Эгерде кайрылууда чечилүүсү мэрдин же мэриянын кызматчысынын компетенциясына кирбеген маселелер камтылган учурда, жаранга анын кайда жана кандай тартипте кайрылуусу керек экени түшүндүрүлүп берилет.

87. Эгерде ага кайрылууда коюлган маселелердин маңызы боюнча жооп берлген болсо, жекече кабыл алуунун жүрүшүндө жаранга кайрылууну андан ары кароодон баш тартылышы мүмкүн.

88.I жана II топтордогу майыптуулуктагы ден соолугунун мүмкүнчүлүктөрү чектелген жарандар,согуштун ардагерлери, шаардык кеңештин депутаттары кезексиз кабыл алынуу укугуна ээ болушат. Кабыл алуудан баш тартууга жол берилбейт. 

14. Мэриянын элге жарыяланууга жаткан маалыматтарынын тизмеги 

89. Мэрия ар жыл сайын жеткиликтүү формада, көрүнөө жерлерде (маалыматтык доскаларда), өзүнүн расмий веб-сайтында мэриянын иштери жөнүндө төмөнкүлөрдү камтыган маалыматтарды элге жарыялоого милдеттүү:

1) алардын иш-милдеттерин жана милдеттерин, ыйгарым укуктарын, милдеттенмелерин жана бекитилген жергиликтүү бюджетти;

2) мэрия тарабынан көрсөтүлүүчү муниципалдык жана башка кызмат көрсөтүүлөрдүн тизмегин жана сыпаттамасын;

3) суроо-талаптарды же даттанууларды кароонун жана канааттандыруунун тартибин, ошондой эле кайрылган адамдардын суроо-талаптарын, даттанууларын жана башка иш-аракеттерин жол-жоболоштуруунун болжолдуу үлгүсүн;

4) жергиликтүү жамааттын уставын, жергиликтүү маанидеги маселелерди чечүүгө жарандардын катышууларынын механизмдерин же жолжоболорун;

5) мэрияга келип түшкөн жарандардын, уюмдардын кайрылуулары тууралуу, мындай кайрылууларды кароонун натыйжалары жана көрүлгөн чаралар жөнүндө жалпылаштырылган маалыматтарды;

6) мэриянын жана анын туруктуу (убактылуу) комиссияларынын отурмдарын, чогулуштарды (жыйындарды), коомдук (бюджеттик) угууларды, жергиликтүү курултайларды кошуп алганда, анын туруктуу комиссиялары тарабынан уюуштурулган расмий иш чаралар тууралуу маалыматтарды;

7) мэрия уюштурган расмий иш чараларда кабыл алынган чечимдер жөнүндө маалыматтарды;

8) жергиликтүү жамаатты өнүктүрүүнүн жана калкты социалдык коргоонун социалдык-экономикалык программаларын ишке ашыруунун күтүлгөн натыйжаларын, каржылоонун көлөмүн, аларды ишке ашыруунун жүрүшүн;

9) жергиликтүү бюджеттин аткарылышы тууралуу маалыматтарды;

10) мэриянын катышуусу менен жүзөгө ашырылуучу долбоорлор жана иш чаралар боюнча техникалык жардам (көмөктөшүү) каражаттарынын чыгымдалышы жөнүндө маалыматтарды;

11) жергиликтүү жамааттын социалдык-экономикалык өнүгүү кырдаалын жана динамикасын мүнөздөөчү негизги көрсөткүчтөр жөнүндө негизги маалыматтарды;

12) мэрияга тиешелүү расмий статистикалык маалыматтарды;

18) мэрияда же мэриянын алдында уюштурулган тийиштүү комиссиялар тарабынан өткөрүлгөн ачык конкурстар, аукциондор, тендерлер жана башка иш чаралар тууралуу маалыматтарды.

13) калкты жана аймактарды өзгөчө кырдаалдардан коргоонун абалы, алардын коопсуздугун камсыз кылуу боюнча көрүлгөн чаралар, болжолдолгон жана пайда болгон өзгөчө кырдаалдар, калкты алардан коргоонун ыктары жана ыкмалары жөнүндө маалыматтарды, ошондой эле мыйзамдарга ылайык мэрия тарабынан элге жарыяланууга тийиш болгон маалыматтарды;

14) мэриянын бекитилген түзүмү жана жалпы штаттык саны тууралуу, алардын түзүмдүк бөлүмдөрүнүн милдеттери жана иш-милдеттери, почта даректери, маалымдама кызматтарынын телефондору жана электрондук почта дарегин кошуп алганда, даректик маалым-даректери жөнүндө маалыматтарды;

15) мэриянын иштерине катышкан эл аралык уюмдардын тизмегин;

16)инвестиция жана эл аралык кызматташуу программаларын ишке ашырууга катышууларынын натыйжалары жөнүндө маалыматтарды;

17) алдыда турган жер участокторун бөлүп берүү жана жеке турак-жай курулушуна жер алууга жарандардын тизмелери жөнүндө маалыматты;

18) кабыл алынган сациалдык маанилүү чечимдер боюнча, анын ичинде мэриянын жарандарга, юридикалык жактарга жаңы милдеттерди жүктөгөн, жоопкерчиликти белгилеген же күчөткөн токтомдору жөнүндө маалыматтарды.

15. Дисциплинардык жаза-чара, кызматтык териштирүү

90. Кызматкер дисциплинардык жорук жасаган учурда, кызматкер дисциплинардык жоопкерчилик тартат.

91. Кызматкерге дисциплинардык жаза-чара шаардын мэри тарабынан, дисциплинардык жорук жасаган фактысы аныкталган же бышыкталган учурларда гана мыйзамдарда белгиленген тартипте салынат.

92. Дисциплинардык жорук жасоо фактысын аныктоо же бышыктоо үчүн өзүнүн демилгеси боюнча, этика боюнча комиссиянын сунуштамасы боюнча же кызматкердин өзүнүн демилгеси боюнча шаардын мэри тарабынан дайындалуучу кызматтык териштирүү жүргүзүлүшү мүмкүн.

93. Кызматтык териштирүү жеке жана юридикалык жактардын кайрылууларынын негизинде, кызматкердин дисциплинардык жорук жасаганы жөнүндө жалпыга маалымдоо каражаттарында жарыяланган учурларда жүргүзүлүшү мүмкүн.

94. Кызматтык териштирүү шаардын мэри тарабынан түзүлгөн, мэрияныналдындагы дисциплинардык комиссия тарабынан жүргүзүлөт.

95. Кызматтык териштирүү төмөнкү учурларда токтотулат же болбосо жүргүзүлбөйт:

1) кызматкер жасалган жоруктагы өзүнүн күнөөсүн ак ниетинен мойнуна алганда – фактылардын чындыкка ылайык келген учурунда;

2) дисциплинардык жоопкерчиликке тартуу мөөнөттөрү өтүп кеткенде;

3) эгерде жасалган жорукта жазык кылмышынын же административдик жоруктун курамдарынын белгилери табылганда, материалдарды тийиштүү мамлекеттик органга өткөрүп берүү менен.

96 Кызматкер жүктөлгөн милдеттерин аткарбаганы же талаптагыдай эмес аткарганы, этикалык ченемдерди сактабаганы, кызыкчылыктардын карама-каршылыгы жөнүндө мыйзамдарды бузганы үчүн, ага дисциплинардык жаза-чаралардын төмөнкүдөй түрлөрү салынат:

1) сындоо (эскертүү):

2) сөгүш;

3) катуу сөгүш;

4) толук эмес кызматтык ылайыктуулук жөнүндө эскертүү;

5) класстык ченин төмөндөтүү;

6) кызмат ордунан төмөндөтүү;

7) ээлеген кызмат ордунан бошотуу.

97. Дисциплинардык жаза-чара түздөн-түз жорук табылгандан кийин, бирок ал жасалган күндөн тартып 6 айдан кеч эмес колдонулат. Кызматкердин ага жүктөлгөн милдеттерди ар бир аткарбаганы же талаптагыдай эмес аткарганы үчүн бир гана дисциплинардык жаза-чара салынышы мүмкүн.

98. Кызматкер ага салынган дисциплинардык жаза-чаранын колдонулуу мезгилинде кызмат ордунан жогорулатылышы мүмкүн эмес.

99.Ммэрдин дисциплинардык жаза-чараны колдонуу жөнүндө тескемеси, кызматкерге аны чыгарган күндөн тартып 3 жумушчу күндүн ичинде кол койдуруу менен жарыяланат. Кызматкер көрсөтүлгөн тескемеге кол коюудан баш тарткан учурда, тийиштүү акт түзүлөт.

100. Дисциплинардык жаза-чара аны колдонгон күндөн тартып 1 жыл боюу иштейт. Эгерде ушул мөөнөттүн ичинде кызматкер жаңы жаща-чарага кириптер болбосо, анда ал дисциплинардык жаза-чарасы алып салынган болуп эсептелет.

101. Мэр жогоруда көрсөтүлгөн мөөнөт аяктаганга чейин, бирок жаза-чара салынган күндөн тартып 6 айдан эрте эмес, ошондой эле баалоонун натыйжалары боюнча дисциплинардык жаза-чараны алып салууга укуктуу.

102. Дисциплинардык жаза-чараны колдонуу жөнүндө чечимге кызматкер ыйгарым укуктуу мамлекеттик органга, ал эми ыйгарым укуктуу мамлекеттик органдын чечими менен макул болбогон учурда – чечим менен таанышкан күндөн тартып 2 айдын ичинде сотко даттанышы мүмкүн.

103. Дисциплинардык жаза-чараны колдонуу жөнүндө мэрдинтескемесинин күбөлөндүрүгөн көчүрмөсү кызматкерге ал кабыл алгандан кийин 3 жумушчу кундүн ичинде берилет.

104. Кызматтык териштирүүнү жүргүзүүнүн тартиби «Кыргыз Республикасынын мамлекеттик органдарында жана жергиликтүү өз алдынча башкаруу органдарында кызматтык териштирүүнү уюштуруунун жана жүргүзүүнүн тартиби жөнүндө» Кыргыз Республикасынын Өкмөтүнүн 2016-жылдын 14-декабрындагы № 674 токтому менен бекитилген Жобо менен аныкталат.

                             16. Жумуш убактысын уюштуруу

105. Шаардык мэриянын кызматкерлерине жана кызматчыларына ар жыл сайын акысы төлөнүүчү өргүү берилет.

106. Ар жылдык өргүүлөрдү берүүнүн кезектүүлүгү мэриянын кызматкерлерименен макулдашуу боюнча, иштин талаптагыдай жүрүшүн жана кызматчылардын эс алуулары үчүн жагымдуу шарттарды камсыз кылуунун зарылдыгын эсепке алуу менен, шаардын мэри тарабынан бекитилет.

107. Өргүүлөрдүн графиги ар бир календардык жылга кийинки календардык жыл жаңырганга чейин 2 апта калгандан кечиктирилбестен түзүлөт жана кызматкерлергемаалымдалып жеткирилет.

108. Эмгек мамилелерин жана алар менен байланышкан башка мамилелерди жөнгө салуу Кыргыз Республикасынын Эмгек кодекси жана эмгек укугунун ченемдерин камтыган башка ченемдик укуктук актылар менен жүзөгө ашырылат.

109. Шаардык мэриянын жумуш убактысынын узактыгы аптасына 2 дем алыш күнү, белгиленген беш жумушчу күнү бар аптасы менен, жумасына 40 сааттан ашпоого тийиш.

110. Жумуш убактысынын белгиленген узактыгынын чегинен тышкары иштөө кызматчынын демилгеси боюнча (айкалыштыруучулук)жана ошондой эле жумуш берүүчүнүн демилгеси боюнча дагы (мөөнөттөн ашыкча иштөө), Кыргыз Республикасынын мыйзамдарында белгиленген тартипте жүргүзүлөт.

111. Жумуш берүүчүнүн демилгеси боюнча дем алыш жана жумушчу эмес майрам күндөрү жумушка тартуу, тараптардын макулдашуулары боюнча кызматкерге башка эс алуу күнүн берүү же эмгек өргүүсүнө кошуу менен, же эки эселенгенден кем эмес өлчөмдөгү акчалай формада компенсацияланат.

112. Мэриянын кызматкерлериүчүн жумуштун башталуу жана аяктоо, эс алуу үчүн тыныгуу убактысы белгиленет.

113. Жумушка келүүнү жана кетүүнү, ошондой эле кызматчылардын өздөрүнүн иш-милдеттерин аткарууларын көзөмөлдөөнү уюштурууну мэриянын аппарат жетекчиси жүзөгө ашырат.

114. Мэриянын кызматкерлери жумушчу орундарында кызматтык иштер боюнча же жүйөлүү себептер боюнча тиешелүү түрдө тескөөчү бөлүм башчылардын, вице-мэрлердин же аппарат жетекчисинин макулдугу менен гана болбой кала алышат.

115. Вице-мэрлер же аппарат жетекчиси жумушчу орундарында кызматтык иштер боюнча же жүйөлүү себептер боюнча шаардын мэрининмакулдугу менен гана болбой кала алышат.

17. Корутунду Жоболор                                               

116. Шаардык мэриянын Жобосу шаардык кеңештин депутаттарынын жалпы санынын көпчүлүк добуштары менен кабыл алынат.

117.Жобого өзгөртүүлөр жана толуктоолор шаардык кеңештин депутаттарынын жалпы санынын үчтөн экисинин добуштары мененкабыл алынат.

118. Жобого өзгөртүүлөрдү жана толуктоолорду киргизүү демилгеси мэр же шаардык кеңештин жалпы санынын үчтөн биринен кем эмес депутаттарынынсунушу боюнча жүргүзүлөт.

119. Мэриянын Жобосу шаардык кеңештин Жобону бекитүү жөнүндө токтому тийиштүү басма сөздө расмий жарыяланган же болбосо жергиликтүү өз алдынча башкаруунун өкүлчүлүктүү органынын расмий веб-сайтында жарыяланган күндөн тартып күчүнө кирет.

120. Мэриянын Жобосун бекитүү тууралуу шаардык кеңештин токтому Жобонун текстин тиркөө менен ченемдик укуктук актылардын Мамлекеттик Реестрине киргизүү (катто) үчүн Кыргыз Республикасынын Юстиция министрлигинин аймактык бөлүмүнө жиберилет.