Кыргыз Республикасынын

Министрлер Кабинетинин

2024-жылдын 20-ноябрындагы № 705

токтомуна ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮНҮн ТОКТОМУ

2020-жылдын 1-сентябры № 459

Кыргыз Республикасынын Өкмөтүнүн 2012-жылдын 2-майындагы № 268 "Кыргыз Республикасынын Өкмөтүнө караштуу Аялдардын иштери жана гендердик өнүктүрүү боюнча улуттук кеңешти түзүү жөнүндө" токтомуна өзгөртүүлөрдү киргизүү тууралуу

Кыргыз Республикасында гендердик теңдикке жетишүү боюнча мамлекеттик саясатты натыйжалуу ишке ашыруу максатында, "Эркектер менен аялдар үчүн бирдей укуктар менен бирдей мүмкүнчүлүктөрдүн мамлекеттик кепилдиктери жөнүндө" Кыргыз Республикасынын Мыйзамына, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Өкмөтүнүн 2012-жылдын 2-майындагы № 268 "Кыргыз Республикасынын Өкмөтүнө караштуу Аялдардын иштери жана гендердик өнүктүрүү боюнча улуттук кеңешти түзүү жөнүндө" токтомуна төмөнкүдөй өзгөртүүлөр киргизилсин:

- аталышындагы, 1 жана 2-пункттарындагы "Аялдардын иштери жана гендердик" деген сөздөр "Гендердик" деген сөз менен алмаштырылсын;

жогоруда аталган токтом менен бекитилген Кыргыз Республикасынын Өкмөтүнө караштуу Аялдардын иштери жана гендердик өнүктүрүү боюнча улуттук кеңештин курамында:

- аталышындагы "Аялдардын иштери жана гендердик" деген сөздөр "Гендердик" деген сөз менен алмаштырылсын;

жогоруда аталган токтом менен бекитилген Кыргыз Республикасынын Өкмөтүнө караштуу Аялдардын иштери жана гендердик өнүктүрүү боюнча улуттук кеңеш жөнүндө жободо:

- аталышындагы жана 1-пунктундагы "Аялдардын иштери жана гендердик" деген сөздөр "Гендердик" деген сөз менен алмаштырылсын;

- 3-пунктунда:

"Аялдардын иштери жана гендердик өнүктүрүү боюнча катчылык (мындан ары - Катчылык)" деген сөздөр "Катчылык" деген сөз менен алмаштырылсын;

төмөнкүдөй мазмундагы экинчи абзац менен толукталсын:

"Катчылыктын иши социалдык блок боюнча Кыргыз Республикасынын вице-премьер-министри тарабынан бекитилүүчү жобо менен жөнгө салынат.";

- 6-главасы жана 20-22-пункттары күчүн жоготту деп таанылсын.

2. Ушул токтом расмий жарыяланган күндөн тартып он беш күн өткөндөн кийин күчүнө кирет.

“Эркин-Тоо” мамлекеттик расмий гезитинин 2020-жылдын 15-сентябрындагы № 77 (3149) саны менен жарыяланды