2-тиркеме

Жакыр үй-бүлөнүн социалдык паспортун

толтуруу тартиби жөнүндө

УСУЛДУК КӨРСӨТМӨЛӨР

1.     Жалпы жоболор

1. Жакыр үй-бүлөнүн социалдык паспорту (мындан ары - ЖҮСП) - “Санарип аймак” автоматташтырылган маалыматтык системасында (мындан ары - “Санарип аймак” АМС) электрондук түрдө таризделүүчү жакыр үй-бүлөнүн курамы, турмуш абалынын деңгээли, үй-бүлөнүн социалдык кызматтарга жеткиликтүүлүгү жөнүндө анкета, мунун негизинде жакыр үй-бүлөгө социалдык колдоо көрсөтүү чаралары иштелип чыгат.

2. ЖҮСП социалдык жардамга муктаж калктын түрдүү социалдык категориялары жана топтору жөнүндө “Маалымат базасын” түзүү үчүн негиз болуп эсептелет. ЖҮСПтө камтылган маалымат жергиликтүү коомдоштуктагы калктын социалдык корголуу даражасын жана анын социалдык талаптарын канааттандыруу деңгээлин баалоого мүмкүндүк түзөт.

3. ЖҮСП калктын кыйла муктаж катмарын, алардын кирешелеринин тууралыгын аныктоо жана даректүү социалдык жардам көрсөтүү максатында толтурулат. Жакыр үй-бүлөлөргө колдоо көрсөтүү үчүн, ар кандай министрликтер жана ведомстволор ЖҮСПтөгү маалыматтарды өз компетенцияларынын чегинде колдоно алышат.

Жергиликтүү өз алдынча башкаруу органдары (ЖӨАБО), социалдык камсыздоонун аймактык башкармалыктары ЖҮСПтүн маалыматтарын калкты социалдык жактан коргоонун регионалдык программаларын иштеп чыгуу жана жакыр калкты социалдык мобилизациялоо боюнча иштерди жүргүзүү үчүн пайдаланышат.

4. ЖҮСП  электрондук түрдө жергиликтүү өз алдынча башкаруунун аймагында жашаган жана даректүү социалдык жардамга муктаж үй-бүлөлөрдү изилдөөнүн негизинде, ошондой эле жергиликтүү өз алдынча башкаруу/социалдык камсыздоо органдарына кайрылган жарандардын үй-жайын иликтөө менен алардын арыздарынын негизинде толтурулат.

Эгерде үй-бүлөнүн кирешелеринде же башка көрсөткүчтөрүндө өзгөрүүлөр болсо, анда алар ЖҮСПтүн тиешелүү бөлүмдөрүнө киргизилет.

5. ЖҮСП “Санарип аймак” АМСтин ЖҮСП модулунда түзүлөт жана сакталат. Ошол эле учурда, айыл жеринде ЖҮСПтү айыл өкмөтүнүн жооптуу кызматкери, ал эми шаарларда - аймактык социалдык камсыздоо бөлүмүнүн жооптуу кызматкери толтурат.

6. АМСте түзүлгөн ЖҮСП басылып чыгарылат, андагы маалыматтардын аныктыгы үй-бүлөсүнө ЖҮСП толтурулган арыз ээсинин колу менен ырасталат.

АМСте түзүлгөн ЖҮСПтүн кагаз түрүндөгү варианты, кызматтык документтер катары бул документти сактоо, киргизилген маалыматтардын тууралыгы, бардык өзгөрүүлөр менен толуктоолорду өз убагында киргизүү, отчетторду түзүү жопкерчиликтери жүктөлгөн айыл өкмөтүнүн (айыл жеринде), аймактык социалдык камсыздоо башкармалыгынын (шаарларда) жооптуу адистеринде сакталат.

7. Ар бир түзүлгөн ЖҮСПтө жергиликтүү өз алдынча башкаруу органдарынын социалдык маселелер боюнча комиссиясынын (мындан ары – Комиссия), кедейчиликтин себептери жөнүндө, үй-бүлөнүн (арыз ээсинин) чыныгы материалдык абалын жана муктаждык даражасын тастыктоочу корутундусу, ошондой эле үй-бүлөнү кедейчиликтен чыгаруу боюнча комиссиянын сунуштары болууга тийиш.

8. ЖҮСП үй-бүлөнүн кирешеси жашоо минимумунан ашкан учурда гана жабылат.

2. Жакыр үй-бүлөнүн социалдык

паспортун толтуруу механизми

9. ЖҮСП түзүүнүн алдында жеке мүнөздөгү маалымат чөйрөсүндөгү мыйзамдарга ылайык жеке маалыматтарды чогултууга жана иштеп чыгууга арыз ээсинин макулдугун алуу керек.

10. АМСке үй-бүлө жөнүндө маалыматтарды киргизгенде, автоматтык түрдө ЖҮСПгө “каттоо номери” ыйгарылат.

11. АМСке үй-бүлө жөнүндө маалыматтарды киргизүү жүргүзүлгөн жергиликтүү өз алдынча башкаруу органында/социалдык камсыздоонун аймактык башкармалыгында, 1-тиркемеге ылайык ЖҮСП каттоо журналы автоматтык түрдө түзүлөт.

 ЖҮСПтун каттоо журналында, үй-бүлөсүнө ЖҮСП толтурулган бардык арыз ээлери көрсөтүлөт.

12. АМС ЖҮСП модулуна маалыматтарды киргизүү, АМС оператору тарабынан иштелип чыккан жана АМС ээси тарабынан бекитилген “Колдонуучунун колдонмосунун” негизинде жүргүзүлөт.

I бөлүм.

Үй-бүлөнүн социалдык маалыматтары

13. 1-пункт. “Арыз берүүчүнүн үй-бүлөлүк абалы”

1) Арыз берүүчүнүн үй-бүлөлүк абалы анын айтуусу боюнча толтурулат. Бул учурда, арыз берүүчүнүн статусу төмөнкүдөй аныкталат:

- “никеде турбаган” - ЖҮСП толтуруу учурунда никеде турбаган, жана эч качан катталган же катталбаган никеде болбогон арыз берүүчү;

- “жесир (жесил)” - катталган же катталбаган никеде турган, бирок ЖҮСП толтуруу учурунда каза болгондугуна байланыштуу күйөөсүнөн (аялынан) айрылган арыз берүүчү;

- “ата/эне (жалгыз бой)” - бирге жашаган балдары бар, ЖҮСП толтуруу учурунда катталган же катталбаган никеде турбаган арыз берүүчү;

- “катталган ажырашуу” - катталган никеде турган, бирок ЖҮСП  толтуруу учурунда расмий ажырашкан, б.а. ажырашуусу ЖААКО органдарында катталган арыз берүүчү;

- “катталбаган ажырашуу” - катталган никеде турган, бул никеден балдары бар, бирок ЖҮСП толтуруу учурда жубайы менен жашабаган арыз берүүчү;

- “катталган нике” - ЖҮСП толтуруу учурунда катталган никеде турган, б.а. никеси ЖААК органдарында катталган арыз берүүчү;

- “катталбаган нике” - ЖҮСП толтуруу учурунда катталбаган никеде турган, б.а. никеси ЖААК органдарында катталбаган арыз берүүчү.

2) АМСди колдонуу менен белгилүү бир үй-бүлөгө чыгуу маалыматтарын ЖҮСПтан түзүүдө, арыз ээсинин үй-бүлөлүк абалы АМСге маалыматтарды киргизүү учурундагы көрсөтүлгөн статусун көрсөтөт.

14. 2-пункт. “Үй-бүлөнүн курамы”

1) ЖҮСП толтурулуп жаткан үй-бүлө мүчөлөрү жөнүндө маалыматтарды толтурууда биринчи кезекте арыз берүүчү жөнүндө маалыматтар, андан кийин үй-бүлө башчысы жөнүндө маалыматтар киргизилет. Үй-бүлөнүн башка мүчөлөрү жөнүндө маалыматтар арыз берүүчү жана үй-бүлө башчысы жөнүндө маалыматтар киргизилгенден кийин киргизилет.

2) 6-графада үй-бүлө башчысына карата туугандык даражасы көрсөтүлөт.

Мисалы, арыз берүүчү катталган никедеги күйөөсү, үч жашы жете элек баласы (уулу, кызы жана бир камкорчулукка алынган бала) жана күйөөсүнүн ата-энеси менен жашаган аял. Үй-бүлө башчысы болуп күйөөсү эсептелинет.

Бул учурда:

- күйөөсү - башчысы;

- арыз берүүчү - жубайы;

- күйөөсүнүн атасы-жубайынын ата -энеси;

- күйөөсүнүн энеси-жубайынын ата-энеси;

- биринчи бала - уулу;

- экинчи баласы - кызы;

- үчүнчү баласы – камкорчулукка алынган баласы.

Башка туугандары деп: агасы/эжеси, күйө баласы/келини, жээни, чоң энеси/чоң атасы түшүндүрүлөт.

3) 7-графада бардык үй-бүлө мүчөлөрүнүн ишинин түрү көрсөтүлөт:

- “иштейт” - ЖҮСП толтуруу учурунда кайсы бир уюмда эмгек мамиледе турган, өзүн жумуш, анын ичинде чакан жана орто бизнес, ишкерлик менен өз алдынча камсыз кылган, айыл чарба продукциясын өндүрүүгө катышкан, ДМЧ баланы багуу боюнча жеке ассистент болгон үй-бүлө мүчөсү;

- “жумушсуз” - иштебеген үй-бүлө мүчөсү. Ал калкты иш менен камсыз кылуунун мамлекеттик органдарында катталган же катталбаган болушу мүмкүн;

- “баланы багуу” - баланы багуу үчүн үйдө олтурган эмгекке жарамдуу курактагы үй-бүлө мүчөсү (буларга студенттер, окуучулар, мектеп жаныша чейинки балдар, пенсионерлер, иштебеген ДМЧАлар кирбейт);

- “студент” - орто же жогорку кесиптик окуу жайында (кесиптик лицей, кесиптик окуу жайы, колледж, техникум, институт, академия, университет, консерватория ж. б.) окуган үй-бүлө мүчөсү;

- “окуучу”- жалпы билим берүү мекемесинде (мектеп, лицей, гимназия, мектеп-интернат, атайын (коррекциялык) мектеп ж. б.) окуган үй-бүлө мүчөсү;

- “мектеп жашына чейинки бала” – мектепке чейинки курактагы бала.

- “иштебеген ДМЧА” - майыптык тобу бар, эмгекке жарамдуу курактагы үй-бүлө мүчөсү. Эгерде ДМЧА иштесе, анда аны жумушчу катары көрсөтүү зарыл.

4) 8-графада үй-бүлө мүчөлөрүнүн билими көрсөтүлөт:

- “жогорку билим” – бүткөрүлгөн жогорку билими бар үй-бүлө мүчөлөрү (бакалаврлар, адистер жана магистрлер);

- “бүтпөгөн жогорку билим” - ЖҮСПтү толтуруу учурунда жогорку окуу жайларында окуп жаткан же кандайдыр бир себептер менен ЖОЖду бүтүрбөй калган үй-бүлө мүчөлөрү;

- “орто кесиптик билим берүү” - бүкөрүкесиптик орто билимди аяктаган үй-бүлө мүчөлөрү;

- “бүтпөгөн орто кесиптик билим берүү” - ЖҮСПтү толтуруу учурунда орто кесиптик окуу жайларында окуп жатышкан же кандайдыр бир себептер менен аларды бүтүрбөй калган үй-бүлө мүчөлөрү;

- “жалпы орто билим” – бүткөрүлгөн орто билимдүү үй-бүлө мүчөлөрү (11-класс);

- “жалпы негизги” - жалпы негизги билими бар үй-бүлө мүчөлөрү (9-класс);

- “жалпы башталгыч” - жалпы башталгыч билими бар үй-бүлө мүчөлөрү (4 класс);

- “билими жок” - эч кандай билими жок үй-бүлө мүчөлөрү (мектеп жашына чейинки балдар, чоң кишилер).

Мисалы:

4 адамдан турган үй-бүлө: атасы жалпы билим берүүчү мектептин 11-классын, апасы жалпы билим берүүчү мектептин 8-классын бүтүргөн, биринчи баласы жалпы билим берүүчү мектептин 10-классында окуйт, кичүү баласы мектепке чейинки курактагы бала.

Бул чурда ЖҮСПтүн 8-графасы төмөнкүдөй түрдө толтурулат:

Атасы - жалпы орто билими бар;

Энеси - жалпы негизги билими бар;

Биринчи бала - жалпы башталгыч билими бар;

Экинчи бала - билими жок.

5) 9-графада паспорттун же туулгандыгы тууралуу күбөлүктүн № жана сериясы көрсөтүлөт.

6) 10-графада үй-бүлө мүчөлөрүнүн турган жери көрсөтүлөт:

- “үй-бүлөдө” - эгерде үй-бүлө мүчөсү үй-бүлөдө жашаса же 6 айдан ашык эмес убакытка кандайдыр бир себептер менен үй-бүлөдө жок болсо;

- “үй-бүлөдөн тышкары” - үй-бүлө мүчөсү төмөнкү себептер менен 6 айдан ашык үй-бүлөдө жок болгондо: жумушка/жумуш издөөгө байланыштуу Кыргыз Республикасынын чегинен сыртка кеткендиктен (тышкы мигрант), Кыргыз Республикасынын чегинде жумушка орношуу/жумуш издөөгө байланыштуу (ички мигрант), окууга кеткендиктен, эркиндигинен ажыратылган жерлерде, мөөнөттүү аскердик кызматта, толук мамлекеттик камсыздоосундагы балдар үйүндө, карылар үчүн социалдык стационардык мекемеде болгондуктан, жеке менчик формасындагы социалдык тейлөө мекемелеринде туруктуу жашагандыктан же үй-бүлө мүчөсүнүн турган жери белгисиз болгондуктан.

15. 3-пункт. “Эмгекке жарамдуу үй-бүлө мүчөлөрү”

Бул пунктта эмгекке жарамдуу гана үй-бүлө мүчөлөрү көрсөтүлөт, аларга 16 жаштан ашкан жана пенсия курагына жете элек, майыптыгы жок бардык үй-бүлө мүчөлөрү кирет.

16. 4-пункт. “Эмгекке жарамсыз үй-бүлө мүчөлөрү”

Бул пунктка эмгекке жарамсыз гана үй-бүлө мүчөлөрү киргизилет, аларга 16 жашка чейинки балдар, пенсия курагына жеткен үй-бүлө мүчөлөрү, ДМЧАлар кирет.

Ошондой эле бул пунктта 16 жашка чейинки балдарды, анын ичинде мектепке чейинки курактагы балдарды, анын ичинде бала бакчага барган балдарды жана 16 жашка чыга элек ден соолугунун мүмкүнчүлүгү чектелген балдарды көрсөтүү керек.

17. 5-пункт. “Мектепке чейинки/мектеп жашындагы бала бакчага/мектепке барбаган балдар жөнүндө маалымат”

Бала бакчага/мектепке барбаган себептерин көрсөтүү менен бала бакчага/мектепке барбаган балдар жөнүндө маалыматтар киргизилет.

    1-графага үй-бүлө мүчөсүнүн (баланын) катар номери коюлат, бул анын  1-графанын 2-пунктундагы (үй-бүлөнүн курамы) номерине дал келиши керек.

     2, 3, 4, 5, 6, 7, 8, 9, 10-графаларга - бала бакчага/мектепке барбоонун бир гана (эң негизги) себеби көрсөтүлөт. Мында тиешелүү графага “+” белгиси коюлат.

    Мисалы:

Материалдык кыйынчылыктар - үй-бүлөнүн балага жол кире берүүгө, кийим, бут кийим, мектеп буюмдарын жана башкаларды сатып берүүгө мүмкүнчүлүгү болбогон кырдаал.

Бала бакчанын/мектептин жоктугу - баланын жашаган жеринин аймагында жоктугуна байланыштуу бала бакчага/мектепке барбаган жагдай.

Бакубат эмес үй-бүлө - ата-эне балага карата өз милдеттерин аткара албаган кырдаал.

Бала бакчага/мектепке барууну каалабагандык - баланын бала бакчага/мектепке барууга мүмкүнчүлүгү бар, бирок барууну каалабаган себеп боюнча барбаган кырдаал.

Иштешет - балдар өз каалоосу боюнча же ата-эне (камкордукка алуучулар) тарабынан мажбурлоо боюнча иштөөгө аргасыз болгон кырдаал.

Бала бакчадан/мектептен алыс жайгашканы - айылда коомдук транспорттун жоктугунан улам 3 км ашык жайгашкан бала бакчага/мектепке чейин баланын жетиши мүмкүн болбогон кырдаал.

Ооругандыгы боюнча - бала узакка ооругандыгынан улам бала бакчага/ мектепке барбаган кырдаал.

Тил билбейт - бала бакчада/мектепте окутуу жүргүзүлгөн тилди билбегендигинен улам бала бакчага/мектепке барбаган кырдаал.

Башкасы - жогоруда көрсөтүлгөн кырдаалдарга туура келбеген кырдаал.

18. 6-пункт. “ДМЧ үй-бүлө мүчөлөрү”

Бул пунктта (2-гр.) үй-бүлө мүчөсүндө майыптыктын бар экендигин көрсөтүү керек: “ооба” же “жок”. Мында, эгерде ведомстволор аралык электрондук өз ара аракеттенүүнүн алкагында үй-бүлө мүчөсүндө МСЭК тарабынан ырасталган майыптыгы жок экендиги аныкталса, бирок арыз ээси майыптыгы бар экендигин көрсөтсө, анда “майыптыгы бар” графасына “ооба” коюлат.

Мында майыптык тобу эмгек жана социалдык камсыздоо чөйрөсүндөгү ыйгарым укуктуу орган менен ведомстволор аралык электрондук өз ара аракеттенүүнүн алкагында автоматтык түрдө толтурулат.

Эгерде арыз берүүчү майыптыгы бар экендигин көрсөтпөсө, анда “майыптыгы бар” графасына “жок” жазылат.

19. 7-пункт. “Жеңилдиктердин ордуна ай сайын акчалай компенсация алган үй-бүлө мүчөлөрү”

Бул пунктта үй-бүлөдөгү жеңилдиктердин ордуна ай сайын берилүүчү акчалай компенсацияларды алуучулардын бардыгын (компенсация алууга укугу бар жарандардын категорияларын) жана Кыргыз Республикасынын Министрлер Кабинети тарабынан белгиленген жеңилдиктердин ордуна алар алган ай сайын берилүүчү акчалай компенсациялардын өлчөмүн көрсөтүү керек.

II бөлүм

Үй-бүлөнүн материалдык абалынын деңгээли

20. 8-пункт. “Турак жай менен камсыз болгондугу”

Ведомстволор аралык электрондук өз ара аракеттенүүнүн негизинде толтурулат. Эгерде маалыматтар жок болсо, анда маалымат арыз берүүчүнүн айтуусу боюнча же үймө-үй кыдыруунун негизинде киргизилет.

Бул учурда аянты чарчы метр менен көрсөтүлөт

21. 9-пункт. “Жерге, малга, канаттууларга ээлик кылуу”

1) 2- графа:

- жер үлүшүнүн/короо-жай участогунун өлчөмү бөлүгү АМС же жер ресурстары чөйрөсүндөгү ыйгарым укуктуу орган менен ведомстволор аралык электрондук өз ара аракеттенүүнүн негизинде толтурулат. Мында жер үлүшүнүн/короо-жай участогунун өлчөмү соток менен киргизилет;

- малдын, канаттуулардын ж.б. саны АМС же ветеринария чөйрөсүндөгү ыйгарым укуктуу орган менен ведомстволор аралык электрондук өз ара аракеттенүүнүн негизинде толтурулат. Ведомстволор аралык электрондук өз ара аракеттенүү системасы аркылуу алынган маалыматтар жок болгон учурда, малдын/канаттуулардын башынын саны жөнүндө маалыматтар жергиликтүү өз алдынча башкаруу органынын маалыматынын негизинде киргизилет.

2) 3-, 4-графалар:

- жер үлүшүнөн/короо жай участогунан алынуучу кирешелер бөлүгү Кыргыз Республикасынын Министрлер Кабинети тарабынан бекитилген жер үлүштөрүн жана короо-жай участокторду пайдалануудан алынуучу кирешелердин ченемдеринен түзүлгөн маалымдамалардын негизинде толтурулат;

- малдан, канаттуулардан ж.б. алынган кирешелер бөлүгү үй-бүлө жашаган аймактагы малдын/канаттуулардын/башкалардын тиешелүү түрүнө 12 айга бөлүнгөн базар баасынын негизинде толтурулат.

Мында 3-графада айлык кирешелер, ал эми 4-графада жылдык кирешелер көрсөтүлөт.

3) АМС аркылуу белгилүү бир үй-бүлөгө ЖҮСПтүн чыгуу маалыматтарын түзүүдө 8-пунктта АМСке маалыматтарды киргизүүдө көрсөтүлгөн жана үй-бүлөдө болгон жер үлүштөрү/мал/канаттуулар/жана башкалар жөнүндө маалыматтар гана көрсөтүлөт.

22. 10-пункт. “Кирешелердин башка түрлөрү”

Кирешенин бул түрлөрүнө төмөнкүлөр кирет:

1) Негизги иштеген, кызмат өтөгөн жери/кызматы (аскер кызматчылары) боюнча эмес кирешелер:

- автордук сый акыдан алынган киреше, анын ичинде ачылыш, ойлоп табуу, өнөр жайлык үлгүлөр жана рационализатордук сунуштар, ошондой эле илим, адабият, көркөм өнөр чыгармаларын түзүү, басып чыгаруу, аткаруу же башка пайдалануу үчүн суммалар

- Кыргыз Республикасындагы банкка салынган боюнча пайыздар;

- акчалай же накталай түрүндө мураска калтыруу жана белекке берүү тартибинде алынган суммалар;

- өзүнө жеке менчик укугунда таандык кыймылдуу жана кыймылсыз мүлктөрдү сатуудан алынган суммалар;

- юридикалык жактардын уставдык (уюштуруу) фондундагы үлүшүнө ылайык жарандарга алардын акционердик коомдордогу акцияларынын кирешесинен төлөнүүчү дивиденддер.

2) Экономикалык иш (ишкердик) жүргүзүүдөн негизинде алынган кирешелер:

- юридикалык жак катары мамлекеттик каттоодо тургандыгы тууралуу күбөлүк;

- салык органдары тарабынан берилген патент.

Жарандардын патенттин негизинде экономикалык (ишкердик) иш жүргүзүүдөн түшкөн кирешеси патенттин наркы алынган жалпы кирешенин 10 пайызына барабар деген эсеп менен аныкталат. Мында алынган киреше алынган жалпы киреше менен патенттин наркынын ортосундагы айырма катары эсептелет.

3) Экономикалык иштин (ишкердиктин) башка түрлөрүнөн алынган кирешелер:

- кыймылдуу жана кыймылсыз мүлктөрдү жалдоого (ижарага, прокатка, пайдаланууга) берүүдөн;

- териси баалуу айбанаттарды багып өстүрүүдөн жана сатуудан;

- мал жаюу боюнча иштерди аткаруудан;

- жер үлүшүн ижарага берүүдөн.

Кирешенин бардык суммалары айына/сом менен көрсөтүлөт. Мында:

- бир жолку (бир жолу) алынган кирешенин бардык суммасы 12ге бөлүнөт;

- сезондук/убактылуу жумуштардан алынган кирешелердин бардык суммасы сезондук жумуштар аткарылган айлардын санына бөлүнөт.

Мисалы:

Үй-бүлө мүчөлөрүнүн бири 6 ай бою мал жаюу менен алектенип, ай сайын 5,0 миң сомдон алган. Орточо айлык кирешени эсептөө үчүн 6 айда алынган кирешени кошуп, 12 айга бөлүү керек:

5,0 миң сом х 6 ай. : 12 ай = 2,5 миң сом/айына.

23. 11-пункт. “Туугандары, демөөрчүлөр, уюмдар же башка адамдар тарабынан кошумча көрсөтүлүүчү жардам”

Бул пунктта ЖҮСП толтурулган күндөн тартып мурунку үч айдын ичинде туугандары, демөөрчүлөр, уюмдар же башка жеке/юридикалык жактар тарабынан көрсөтүлгөн жардамдын орточо айлык суммасы акчалай эквивалентте көрсөтүлөт.

Көрсөтүлгөн жардамды эсепке алуу ЖҮСПтүн 19-пунктунун 5-, 6-, 7-, 8-графаларына ылайык (анын түрүн, көлөмүн, акчалай эквиваленттеги баасын, көрсөтүлгөн жардамдын булагын көрсөтүү менен) жүргүзүлөт.

Мисалы:

ЖҮСП толтурууга чейин эки ай мурун үй-бүлөгө жергиликтүү бюджеттин эсебинен бир кап ун түрүндө жардам көрсөтүлгөн. Бул учурда, бир кап ундун бааланган наркы 12ге бөлүнөт. Алынган сумма киреше катары эсепке алынат (сом/ай.).

24. 12-пункт. “Узакка пайдаланылуучу товарлар”

Пункт үй-бүлөдө узакка пайдаланылуучу товарлары болгон учурда гана толтурулат.

2-графада тиешелүү саптарда колдо узакка пайдаланулуучу товарлардын саны көрсөтүлөт, алар жөнүндө маалымат ведомстволор аралык электрондук өз ара аракеттенүү системасы аркылуу түзүлөт.

3-графада колдо бар узакка пайдаланылуучу товарлардын техникалык абалы көрсөтүлөт: “иштегендиги” же “иштебегендиги” (маалымдамадан).

Эгерде үй-бүлөнүн бир түрдөгү узакка пайдаланылуучу эки товар болсо, мисалы, эки жеңил автомобиль болсо, анда ар бир унаага техникалык абал өзүнчө жазылат.

Мисалы:

25. 13-пункт. “Акчалай кирешенин башка түрлөрү”

Бул пункт учурдагы трансферттер: эмгек акы, пенсия, стипендия, алименттер, жөлөкпулдар ж. б. болгон учурда толтурулат.

Тиешелүү мамлекеттик/муниципалдык органдарда автоматташтырылган маалымат базалары болгон учурда маалыматтарды киргизүү ведомстволор аралык электрондук өз ара аракеттенүүнү колдонуу менен жүргүзүлөт. Ведомстволор аралык өз ара аракеттенүүнү колдонуу мүмкүн болбогон учурда маалыматтарды киргизүү жооптуу адис тарабынан жүзөгө ашырылат.

2-10-графаларда кирешенин акчалай мааниси (айына/сом) коюлат.

10-графада 2-9-графаларда чагылдырылбаган кирешелер көрсөтүлөт.

26. 14-пункт. “Үй-бүлө мүчөлөрүндө банк картасынын болушу”

Бул пункт үй-бүлө мүчөсүндө банктык карта болгон учурда толтурулат. Мында 2-графа Кыргыз Республикасынын аймагында иштеп жаткан банктар тизмеленген маалымдамадан толтурулат.

27. 15-пункт. “Үй-бүлөнүн санариптик технологияларга жеткиликтүүлүгү”

Бул пунктта үй-бүлө мүчөлөрүнүн санариптик көндүмдөрүн өнүктүрүү, интернетке кирүү үчүн түзмөктөрдүн же компьютерлердин бар же жок экендиги жөнүндө маалыматтар чагылдырылат. Жалпы билим берүүчү орто окуу жайларына барган балдардан баштап үй-бүлөнүн ар бир мүчөсүнө толтурулат.

2-графада үй-бүлө мүчөлөрүнүн кең тилкелүү интернетке кирүү мүмкүнчүлүгү бар экендиги жөнүндө маалыматтар көрсөтүлөт. “ооба” же “жок” деп белгилөө керек.

3-4-графада үй-бүлө мүчөлөрүндө интернетке кирүү жана санариптик көндүмдөрдү же түзүлүштөрдү өнүктүрүү үчүн жеке компьютерлердин, ноутбуктардын, планшеттердин же мобилдик телефондордун бар экендиги жөнүндө маалыматтар көрсөтүлөт. “Ооба” же “жок”деп белгилөө керек.

5-графада үй-бүлө мүчөлөрүнүн компьютерлерди, интернетти жана санариптик технологияларды, анын ичинде электрондук коммерцияны (онлайн жумушка орношуу) пайдалануу жаатында билимдеринин жана көндүмдөрүнүн бар экендиги (санариптик технологияларды колдонуу жөндөмдүүлүгү ) көрсөтүлөт. “Ооба” же “жок” деп белгилөө керек.

6-графада мамлекеттик кызматка табыштама берүү, ошондой эле “Түндүк” электрондук кызмат көрсөтүүлөр мамлекеттик порталы аркылуу зарыл маалымкатты алганды билүү көрсөтүлөт. “Ооба” же “жок” деп белгилөө керек.

Мисалы:

Үй-бүлө 6 адамдан турат. Ата, эне, чоң ата, чоң эне жана 5 жана 8 жаштагы 2 бала. Үй-бүлөдө бардык үй-бүлө мүчөлөрү колдонгонго бир компьютер бар.

1-графада атасы көрсөтүлөт. Атасында уюлдук телефону бар, компьютер, уюлдук телефон жана “Түндүк” ЭККМП аркылуу интернетти колдонууга жөндөмү бар. 2-,3-,4-,5-,6-графаны “ооба” деген сөз менен толтуруу керек.

1- графада 2-чи болуп энеси көрсөтүлөт. Энесинин уюлдук телефону жок, бирок интернетке кирүү мүмкүнчүлүгү бар жана компьютер колдоно алат. 2-,3-,5-графаны “ооба” деген сөз менен жана 4-,6-графаны “жок” деген сөз менен толтуруу керек.

1- графада 3-чү болуп чоң атасы көрсөтүлөт. Ал интернетке кирүүгө мүмкүнчүлүгү бар жана компьютерди колдонгонду билет. Чоң атасынын уюлдук телефону бар, бирок “Түндүк” ЭККМПны менен колдонууну билбейт. 2-,3-,4-,5-графаны “ооба” деген сөз менен жана 6-графаны “жок” деген сөз менен толтуруу керек.

1-графада 4-чү болуп чоң энеси көрсөтүлөт. Ал интернетке кирүүгө мүмкүнчүлүгү бар жана компьютерди колдонгонду билет. Чоң энесинин уюлдук телефону жок, “Түндүк” ЭККМПны менен колдонууну билбейт. 1-,2-графаны “ооба” деген сөз менен жана 4-,5-,6-графаны “жок” деген сөз менен толтуруу керек.

1-графада 5-чи болуп 8 жаштагы улуу баласы көрсөтүлөт. Баланын компьютерге, интернетке кирүүгө мүмкүнчүлүгү бар, уюлдук телефону же планшети бар, “Түндүк” ЭККМПны менен колдонууну билбейт, анткени “Түндүк” ЭККМПга кирүү жашы жеткен (18 жаш) адамдарга жеткиликтүү.

5 жаштагы кичүү баласына толтурулбайт.

28. 16-пункт. “Үй-бүлөнүн бир айлык жыйынды кирешесин аныктоонун схемасы”

1) Үй-бүлөнүн бир айлык жыйынды кирешесин (ҮЖК) эсептөө үчүн үй-бүлөнүн кирешелеринин бардык түрлөрү суммаланат (пункттар 7+9+10+11+13).

Андан кийин үй-бүлөнүн киши башына карата орточо жыйынды кирешеси (ҮКБОЖК), б.а. үй-бүлөдөгү бир адамга бир айлык киреше чыгарылат.

ҮКБОЖК = ҮЖК: үй-бүлө мүчөлөрүнүн саны.

Мисалы:

Үй-бүлөдө 7 адам. ҮЖК 6300 сомду түзөт, анда ҮКБОЖК = ҮЖК: 7 = 6300 : 7= 900 (сом/айына).

2) Үй-бүлөнүн “үй-бүлөгө көмөк” жөлөкпулуна муктаждыгын аныктоо үчүн ҮЖКны эсептөөдө: пенсия, стипендия, “үй-бүлөгө көмөк”, АСЖ, ДМЧ баланы багуу боюнча жеке ассистенттин кызмат акысы, жумушсуздук боюнча жөлөкпул жана мал жандыктардан/канаттуулардан түшкөн кирешелер эсепке алынбастан жүргүзүлөт.

Андан кийин “үй-бүлөгө көмөк” дайындоо үчүн ҮКБОЖК аныкталат:

“үй-бүлөгө көмөк” үчүн ҮКБОЖК = “үй-бүлөгө көмөк” үчүн ҮЖК: үй-бүлөнүн  “үй-бүлөгө көмөк” муктаждыгын аныктоодо эске алынуучу үй-бүлө мүчөлөрүнүн саны.

Мисалы:

Үй-бүлөдө 7 адам. ҮЖК 6 300 сомду түзөт, анын 4 000 сому - арыз ээсинин энесинин пенсиясы (чоң энеси) ошондо:

“үй-бүлөгө көмөк” үчүн ҮКБОЖК = “үй-бүлөгө көмөк” үчүн ҮЖК: 7 = (6300-4 000) :7= 328,57 ( сом/айына).

Эгерде “үй-бүлөгө көмөк” үчүн ҮКБОЖК белгиленген КЭТК өлчөмүнөн төмөн болсо, анда үй-бүлө “үй-бүлөгө көмөк” дайындоого сунушталат.

 3) Мында ҮКБОЖК аныктоодо эске алынбаган адамдарга төмөнкүлөр кирет:

- иштебеген, окубаган жана мамлекеттик иш менен камсыз кылуу кызматында белгиленген тартипте катталбаган, эмгекке жарамдуу курактагы (16 жаштан жогорку) үй-бүлө мүчөлөрү (ата-энесинен тышкары);

- Кыргыз Республикасынын Куралдуу Күчтөрүнүн катарында мөөнөттүү чыныгы аскердик кызмат өтөп жүргөн үй-бүлө мүчөлөрү;

- жазасын өтөөчү жайларда жүргөн, соттолуп кеткен үй-бүлө мүчөлөрү;

- балдар үйлөрүндө, интернат үйлөрүндө жана карылар үйлөрүндө мамлекеттин толук камсыздандыруусунда турган үй-бүлө мүчөлөрү;

- социалдык тейлөөнүн жеке менчик формасындагы мекемелеринде туруктуу жашаган үй-бүлө мүчөлөрү;

- ата-энелик укуктардан ажыратылган ата-энелер;

-арыз ээси менен туруктуу чогуу жашаган жана жалпы чарба жүргүзгөн адамдардан башка, арыз берүүчү адам менен туугандык байланышы жок адамдар.

Мисалы:

Үй-бүлөдө 7 адам бар, алардын бири башка шаарда туруктуу жашаган студент, б.а. үй-бүлөдөн тышкары. ҮЖК 6 300 сомду түзөт, анда ҮКБОЖК студентти эсепке албастан эсептелет:

ҮКБОЖК = ҮЖК: 6 = 6 300 : 6= 1 050 (сом/айына).

4) үй-бүлөнүн жыйынды кирешесин аныктоодо эске алынуучу жана эске алынбоочу үй-бүлөнүн кирешелеринин түрлөрү, “үй-бүлөгө көмөк” дайындоо үчүн ҮКБОЖК аныктоодо узакка пайдаланылуучу товарларды жана малдарды эсепке алуунун тартиби 2-тиркемеде чагылдырылган.

29. 17-пункт. “Үй-бүлөнүн кедейлигинин себептери”

Бул пунктта үй-бүлөнүн кедейлигинин себебин ачып берүү керек.

Кедейчиликтин себептери бир нече болушу мүмкүн жана аларды эң олуттуусунан баштап жазуу керек, бирок 3төн ашык эмес.

Мисалы, көп балалуу үй-бүлөнүн (ата-энеси жана 9 жаштан 21 жашка чейинки 8 баласы) жер үлүшү жок. Ата-энелер жана балдар киреше алып келүүчү иштерди жигердүү жүргүзүүгө ниеттенген. Эгерде алардын жери болсо, анда үй-бүлө айыл чарба иштерин жүргүзүү менен киреше табышмак. Бул учурда үй-бүлөнүн кедейлик себебинде жер үлүшүнүн жоктугу басымдуулук кылат, ал эми экинчи себеби үй-бүлө көп балалуу. Бирок, эгерде ЖҮСП толтуруунун жүрүшүндө үй-бүлө мүчөлөрүнүн бири да киреше алып келүүчү иш менен алектенгиси келбей тургандыгы жана үй-бүлө мамлекеттин колдоосуна гана таяна тургандыгы аныкталса, анда кедейликтин басымдуулук кылуучу себеби жанбактылык болуп эсептелет.

30. 18-пункт. “Комиссия тарабынан сунушталган”

Бул пункт кедейчиликтин себептеринен келип чыккан ЖҮСПтүн негизги пункттарынын бири болуп эсептелет, ал бардыгын жыйнактоо менен бул үй-бүлөгө колдоо көрсөтүүнүн реалдуу чараларын белгилейт.

Сунуштар пассивдүү эмес, жигердүү мүнөздө болуп, үй-бүлөнү практикалык иштерге, мисалы, ишке орношууга/микрокредит алууга, окутууга/кайра окутууга ж. б. жигердүү аралаштыруу жолу менен кедейликтен чыгарууга багытталууга тийиш. Зарыл учурларда, комиссия үй-бүлөгө жөлөкпул дайындоо, материалдык жана гуманитардык жардамдарды берүү сыяктуу пассивдүү чараларды да кошумча сунуш кылат.

Үй-бүлөдө эмгекке жарамсыз жарандар: ДМЧАлар, кары-картаңдар, балдар болгон учурларда, ошондой эле өзгөчө кырдаалдарда же турмуштук оор кырдаалда үй-бүлөгө колдоо талап кылынган учурларда гана берилиши мүмкүн.

Пункт комиссиянын чечиминин негизинде толтурулат, ал эми сунуштар ушул пунктта көрсөтүлгөн сунуштардын тизмесинен тандалышы керек.

Сунуштардын алдында сөзсүз түрдө комиссия мүчөлөрүнүн аты-жөнү көрсөтүлүшү керек, ал эми комиссиянын чечиминин протоколу сканерден өткөрүлүшү керек жана ЖҮСПтүн ажырагыс бөлүгү болуп саналат.

31. 19-пункт. “Жакыр үй-бүлө алган гуманитардык жардам жөнүндө маалымат”

ЖҮСП түзүлгөн үй-бүлө гуманитардык жардам алгандан кийин киргизилет.

Мында пункт төмөнкүдөй толтурулат:

Эгерде гуманитардык жардам үй-бүлөнүн башка мүчөсүнө берилсе, анда 2-графага жардам алган үй-бүлө мүчөсүнүн аты-жөнү киргизилет.

III бөлүм

“Үй-бүлөнүн кирешелеринин өзгөрүшү”

32. Бул бөлүм ЖҮСПтү  кайрылган/толтурган учурда үй-бүлөнүн кирешелеринин өзгөрүү динамикасын бир жылдан кийин, эки жылдан кийин, үч жылдан кийин ж.б.чагылдырат.

а) Бөлүм АМСке киргизилген маалыматтардын негизинде автоматтык түрдө түзүлөт.

Тиешелүү графаларда үй-бүлөдө болгон кирешелердин бардык түрлөрү камтылат.

Жалпы сумманы сөзсүз жыйынтыктоо керек.

Бул бөлүмдө кирешелердин суммасы ЖҮСПтүн мурдагы пункттарындагы кирешелерге дал келиши керек.

Жалпы суммалар 16-пункттагы үй-бүлөнүн киши башына карата орточо жыйынды кирешесине (ҮКБОЖК) барабар болушу керек.

Мында: жер үлүштөрү/мал башы, дары-дармек/медициналык каражаттар, тамак-аш азыктары, отун түрүндө көрсөтүлгөн жардам зарыл болгон учурда үй-бүлөгө көрсөтүлгөн жер үлүштөрүнүн/мал башынын/ гуманитардык жардамдын түрлөрүнө жараша кошумча чыгаруу формалары түрүндө чагылдырылууга тийиш.

 б) 20-, 21-, 22-пункттар тиешелүүлүгүнө жараша III бөлүмдүн жыйынтыгына ылайык толтурулат, мында төмөнкүлөрдү эстен чыгарбоо керек:

- “Кайрылуу учурундагы ҮКБОЖК өлчөмү”, “ҮКБОЖК 1 жылдан кийинки өлчөмү”, “ҮКБОЖК 2 жылдан кийинки өлчөмү”, “ЖҮСПтун жыйынтыгы” пунктун үй-бүлө мүчөлөрүнүн санына бөлүү жолу менен эсептелет;

- “Үй-бүлөгө көмөк жөлөкпулу үчүн ҮКБОЖК”, “Үй-бүлөгө көмөк жөлөкпулу үчүн жыйынтык” пунктун үй-бүлөгө көмөк жөлөкпулуна муктаждыгын аныктоону эсепке алуу учурундагы, үй-бүлө мүчөлөрүнүн санына бөлүү жолу менен эсептелет.

Мисалы:

Күйөөсү, аялы жана жашы жете элек үч баласы болуп үй-бүлө 5 кишиден турат. Күйөөсү жумушсуз (жумушсуздук боюнча жөлөкпул төлөнбөйт). Аялы ооруканада санитарка болуп иштейт жана айына 3,0 миң сом эмгек акы алат, базар баасы 12 000 сом болгон бир койу бар жана ар бир баласына 1 200 сом “үй-бүлөгө көмөк” жөлөкпулун алат (1 200 сом х 3 = 3 600 сом).

ЖҮСП түзүлгөнгө чейин бир ай мурда үй-бүлөгө коомдук фонд тарабынан (юридикалык жак) ундун баасы 2,0 миң сомду түзгөн бир кап ун түрүндө гуманитардык жардам берилген.

Жыл ичинде күйөөсү эмгек акысы 10,0 миң сом болгон жумушка орношкон. Мындан тышкары, үй-бүлөгө жергиликтүү бюджеттин каражаттарынан 4 800 көлөмүндө (айына - 400 сом) бир жолку акчалай жардам бөлүнгөн.

III бөлүм төмөнкүдөй толтурулат:

 III бөлүм. Үй-бүлө кирешесинин өзгөрүшү (жылына сом /айына)

16 – пункт кайрылуу учурундагы ҮКБОЖКтын өлчөмү 7 766,67:5=1 553,33 сом/айына.  Үй-булөгө көмөк жөлкпулу үчүн КБОЖК 3 166,67:5=  633,33 сом/айына

17-пункт 1 жылдан  кийинки ҮКБОЖКтын өлчөмү         18 000:5=3 600 сом/айына.           Үй-бүлөгө көмөк жөлөкпулу үчүн КБОЖК    3 400:5=2 680  сом/айына.

Бул таблицанын жыйынтыгы тиешелүү пунктардын суммасын кошуу менен чыгарылат: а) +б) ...+п).

в) “ЖҮСП боюнча жыйынтык” жана “Үй-бүлөгө көмөк жөлөкпулу үчүн жыйынтык” жалпы жыйынтыктарды чыгаруу ушул Усулдук көрсөтмөлөрүнүн 28-пунктуна (же ЖҮСПтүн 16-пункту) окшош жүргүзүлөөрүн эстен чыгарбоо керек.

IV бөлүм

“Микрокредиттер”

33. Бул пункт өз ишин өнүктүрүү үчүн микрокредит алган үй-бүлөлөргө гана толтурулат.

1-графада - микрокредит алган үй-бүлө мүчөсүнүн аты-жөнү көрсөтүлөт.

2-графада - микрокредитти алган күнү көрсөтүлөт (мисалы: 10.01.2023-ж.)

3-графада - микрокредитти жабуу убактысына чейин эле жабылган мөөнөтү көрсөтүлөт.

4-графада - алынган микрокредиттин суммасы көрсөтүлөт (сом менен, эгер микрокредиттин суммасы 2 миң сомду түзсө, 2 000 сом деп жазуу керек).

5-графада - микрокредит бөлүнгөн ишкердиктин түрү (мал чарбачылык, өсүмдүк өстүрүү, ишкердик ж.б.) көрсөтүлөт.

V бөлүм

“Үй-бүлөдөгү өзгөрүүлөр”

34. Эгерде отчеттук мезгилде үй-бүлөнүн курамында өзгөрүүлөр болсо (бала төрөлүү, каза болуу, көчүү, үйлөнүү, асырап алуу/камкорчулук ж.б) толтурулат.

1-графада - үй-бүлөнүн курамына кошулган же чыккан үй-бүлө мүчөсүнүн аты-жөнү толтурулат.

2-графада - кошулган/чыккан үй-бүлө мүчөсүнүн ИЖН көрсөтүлөт.

3, 4-графаларда - эгерде үй-бүлө мүчөсү чыгып кетсе (-) жана эгерде үй-бүлө мүчөсү кошулса (+) көрсөтүлөт.

Эркекетер үчүн 3-гр., аялдар үчүн 4-гр. толтурулат.

Андан кийин жыйынтыктоочу сапта (төмөндө) жыйынтыкталат, б.а. үй-бүлөгө/үй-бүлөгө тиешелүү мүчөлөр келгенден же кеткенден кийин үй-бүлөдө канча адам бар.

5-8 - графада үй-бүлөгө кошулуунун же чыгуунун себеби көрсөтүлөт (бала төрөлүү, каза болуу, көчүү, үйлөнүү, асырап алуу/камкорчулук, ж.б.).

6-, 7-графалар 3-4-графаларга окшош толтурулат.

VI бөлүм

“Үй-бүлөнүн киши башына карата орточо жыйынды кирешесинин деңгээли”

35. Бул бөлүмдүн 1-графасына “Кайрылуу учурундагы ҮКБОЖК” жана “Кайрылуу учурундагы “үй-бүлөгө көмөк” үчүн ҮКБОЖК” ЖҮСПтүн 20-пунктунда көрсөтүлгөн өлчөмү коюлат.

2-графа - эгерде үй-бүлөнүн жан башына орточо жалпы кирешеси КЭТК суммасынан төмөн болсо, тиешелүү белги менен толтурулат.

Бул графанын сандык мааниси:

- кайрылган учурда (ЖҮСПтүн толтуруу учурунда) - ЖҮСПтүн 20-пунктунда көрсөтүлгөн ҮКБОЖК маанисине;

- 1 жылдын жыйынтыгы боюнча - ЖҮСПтүн 21-пунктунда көрсөтүлгөн ҮКБОЖКнин маанисине;

- 2 жылдын жыйынтыгы боюнча - ЖҮСПтүн 22-пунктунда көрсөтүлгөн ҮКБОЖКнин маанисинене ж.б. дал келиши керек;

3-графа - эгерде үй-бүлөнүн киши башына карата орточо жыйынды кирешеси айына КЭТК өлчөмүнөн жогору болсо, бирок кедейчиликтин акыркы чегинен төмөн болсо, тиешелүү белги менен толтурулат. Бул графанын сандык мааниси:

- кайрылган учурда (ЖҮСПтүн толтуруу учурунда) - ЖҮСПтүн 20-пунктунда көрсөтүлгөн ҮКБОЖК маанисине;

 - 1 жылдын жыйынтыгы боюнча - ЖҮСПтүн 21-пунктунда көрсөтүлгөн ҮКБОЖК маанисине;

- 2 жылдын жыйынтыгы боюнча - ЖҮСПтүн 22-пунктунда көрсөтүлгөн ҮКБОЖК маанисине ж.б. дал келиши керек;

4-графа - эгерде үй-бүлөнүн киши башына карата орточо жыйынды кирешеси айына КАЧ өлчөмүнөн жогору болсо, бирок КЧ өлчөмүнөн төмөн болсо, тиешелүү белги менен толтурулат. Бул графанын сандык мааниси:

- кайрылган учурда (ЖҮСПтүн толтуруу учурунда) - ЖҮСПтүн 20-пунктунда көрсөтүлгөн ҮКБОЖК  маанисине;

- 1 жылдын жыйынтыгы боюнча - ЖҮСПнун 21-пунктунда көрсөтүлгөн ҮКБОЖК маанисине;

- 2 жылдын жыйынтыгы боюнча - ЖҮСПнун 22-пунктунда көрсөтүлгөн ҮКБОЖК маанисине ж.б. дал келиши керек;

5-графа - эгерде үй-бүлөнүн киши башына карата орточо жыйынды кирешеси айына КЧ өлчөмүнөн жогору болсо, бирок ЖМ төмөн болсо, тиешелүү белги менен толтурулат. Бул графанын сандык мааниси:

- кайрылган учурда (ЖҮСПтүн толтуруу учурунда) - ЖҮСПтүн 20-пунктунда көрсөтүлгөн ҮКБОЖК маанисине;

- 1 жылдын жыйынтыгы боюнча - ЖҮСПтүн 21-пунктунда көрсөтүлгөн ҮКБОЖК маанисине;

- 2 жылдын жыйынтыгы боюнча - ЖҮСПтүн 22-пунктунда көрсөтүлгөн ҮКБОЖК маанисине ж.б. дал келиши керек;

6-графа - эгерде үй-бүлөнүн киши башына карата орточо жыйынды кирешеси айына ЖМ өлчөмүнөн жогору болсо, тиешелүү белги менен толтурулат. Бул графанын сандык мааниси:

- кайрылган учурда (ЖҮСПтүн толтуруу учурунда) - ЖҮСПтүн 20-пунктунда көрсөтүлгөн ҮКБОЖК маанисине;

- 1 жылдын жыйынтыгы боюнча - ЖҮСПтүн 21-пунктунда көрсөтүлгөн ҮКБОЖК маанисине;

- 2 жылдын жыйынтыгы боюнча - ЖҮСПтүн 22-пунктунда көрсөтүлгөн ҮКБОЖК маанисине ж.б. дал келиши керек.

Мисалы: (ушул Усулдук көрсөтмөлөрүнүн 32-пунктундагы үй-бүлөнүн мисалында)

VI- бөлүм. Үй-бүлөнүн киши башына орточо жыйынды кирешесинин деңгээли (айына сом менен):

*Эсептөөнүн негизинде: КАЧ = 3 387,8 сом, КЧ = 5 249,9 сом.

36. Комиссиянын сунуштары ЖҮСПтүн 18-пунктуна окшош толтурулат, ал эми үй-бүлө жашоо минимумунун өлчөмүнөн ашкан учурда үй-бүлө каттодон чыгарылган күндү көрсөтүү менен каттодон чыгарылат.

КАЧ, КЧ жана ЖМ өлчөмдөрүнүн мааниси жыл сайын Кыргыз Республикасынын Улуттук статистика комитетинин маалыматтарына ылайык аныкталат жана календардык жыл ичинде өзгөрүүсүз калат.

Мында, КАЧ, КЧ жана ЖМ өлчөмдөрүнүн АМСке киргизүү эмгек жана социалдык камсыздоо чөйрөсүндөгү ыйгарым укуктуу орган тарабынан ишке ашырылат.

Эгерде отчеттук мезгилдин жыйынтыгы боюнча үй-бүлө жашоо минимумунун өлчөмүнөн чыгарылса, ал каттодон чыгарылат. Бирок, ЖҮСП 3 жыл сакталат.

Үй-бүлө бир аймактан экинчи аймакка көчүп барганда, үй-бүлө каттодон чыгарылат жана ЖҮСП жабылат. Ошол эле учурда үй-бүлө тууралуу маалымат АМСте калат жана жаңы жашаган жери боюнча колдоо сурап кайрылганда үй-бүлөгө жаңы ЖҮСП толтурулат, ал эми бул үй-бүлөгө ЖҮСПтүн каттоо номери сакталат.

37. Жакыр болгон үй-бүлөлөрдүн социалдык паспортторун толтуруунун жыйынтыгы боюнча отчеттор 5-18-тиркемелерге (СП-1 –  СП-13) ылайык формаларды колдонуу менен автоматтык түрдө түзүлөт.

Отчеттор жарым жылдыктын жыйынтыгы боюнча автоматтык түрдө колдонуучунун колдонмосуна ылайык түзүлөт.

Кыскартуулардын тизмеси

АМС - “Санарип аймак” автоматташтырылган маалымат системасынын “Жакыр үй-бүлөнүн социалдык паспорту” модулу;

Ээси - жергиликтүү өз алдынча башкаруу чөйрөсүндө бирдиктүү мамлекеттик саясатты камсыздоону жүзөгө ашыруучу аткаруу бийлигинин мамлекеттик органы;

ЖОЖ - жогорку окуу жайы;

КЭТК - кепилденген эң төмөнкү киреше;

Акчалай компенсация - жеңилдиктердин ордуна ай сайынкы акчалай компенсация;

АСЖ - ар айлык социалдык жөлөкпул;

“Үй-бүлөгө көмөк” - 16 жашка чейинки балдары бар муктаж жарандарга (үй-бүлөлөргө) ар айлык жөлөкпул;

УАМС майыбы - Улуу Ата-Мекендик согуштун майыптары;

ДМЧА - ден соолугунун мүмкүнчүлүктөрү чектелүү адамдар;

ЖААКО - жарандык абалдын актыларын каттоо органдары;  

ЖӨАБО - жергиликтүү өз алдынча башкаруу органдары;

Оператор - “Санарип Аймак” АМСтин ээси тарабынан аныкталган жана аны мамлекеттик органдардын тиешелүү маалыматтык системалары жана маалымат базалары менен интеграциялоо жана техникалык коштоону жүзөгө ашыруучу юридикалык жак;

МСЭК - медициналык-социалдык экспертизалоо комиссиясы;

ЭККМП - Электрондук кызмат көрсөтүүлөр мамлекеттик порталы;

ЖҮСП - жакыр үй-бүлөнүн социалдык паспорту;

ҮКБОЖК – киши башына карата орточо жыйынды киреше;

ҮЖК - үй-бүлөнүн жыйынды кирешеси;

КАЧ - кедейчиликтин акыркы чеги;

КЧ - кедейчиликтин чеги;

ЖМ - жашоо минимуму.

Жакыр үй-бүлөнүн социалдык паспортун толтуруу учурунда арыз ээсинин үй-бүлөсүнүн кирешелерин тактоодо аны менен маек өткөрүү боюнча

ЭСКЕРТМЕ

Үй-бүлө башчысы (арыз ээси) менен маектешүү өткөрүүдө анын үй-жайын иликтөө жана ЖҮСПтү толтуруу учурунда төмөнкү комплекстүү иш-аракеттерди жүзөгө ашыруу зарыл:

- ЖҮСПтүн бөлүмдөрүн жана пунктарын жана ага тиркелген ченемдик документтерди кылдаттык менен үйрөнүп, маектешүү учурунда анын талаптарын аткарыңыз;

- өз алдынча толтуруу үчүн ЖҮСП арыз берүүчүгө же анын үй-бүлө мүчөлөрүнө калтырууга болбойт. Бул документти Сиз анын үйүнө барган учурда өз колуңуз менен толтурууга тийишсиз;

- үйүнө барган учурда, үй-бүлө башчысы менен байланыш түзө билишиңиз керек. Сурамжылоонун андан ары уланышы, ЖҮСПтү толтуруу үчүн алынган маалыматтардын тактыгы көбүнчө ал алган биринчи таасирден көз каранды. Ошондуктан, үй-бүлө башчысы же үй-бүлө мүчөсү менен таанышуу учурунда, аларды иликтөө жүргүзүүнүн жана ЖҮСПтү толтуруунун маанисине ынандыруу менен, маектешүү үчүн жагымдуу жагдай түзүшүңүз керек;

- үй-бүлөгө барганда, адегенде саламдашып, документти көрсөтүү менен өзүңүздү тааныштыргандан кийин, келген максатыңыз жөнүндө билдириңиз. Эгерде үй-бүлө башчысы же анын үй-бүлө мүчөлөрү убакыттын жетишсиздигине байланыштуу, сүйлөшүүдөн баш тартса, ага башка күндү жана саатты белгилеп, дагы бир жолу келүүнү сунуштоо керек. Маектешүү үчүн эң жакшы кырдаал, Сиз жана иликтенип жаткан үй-бүлөнүн башчысы же мүчөсү менен сүйлөшүүнү өзүнчө бөлмөдө жүргүзүү;

- ЖҮСПтө көрсөтүлгөн суроолорду сылык жана түшүнүү менен бериңиз. Маектешке кандайдыр бир терс, анын үстүнө маектешти кооптондуруучу суроолорду берүүгө жол бербеңиз;

- эгерде маектеш суроону түшүнбөй калса, аны кайталаңыз;

- суроолорду шашпастан окуңуз;

- үй-бүлө башчысына же мүчөсүнө ызаат-сый мамиле кылыңыз;

 - аны кунт коюп угуңуз;

- сылык жана адептүү болуңуз;

- үй-бүлө башчысына жана анын үй-бүлө такай көңүл буруу менен мамиле кылыңыз;

- маектешүү учурунда жаргон сөздөрдү пайдаланбаңыз;

- маектешти байкаңыз жана Сиздин сурооңузду түшүнүп жатканына ынаныңыз;

- ал өзүн эркин сезүүсүнө шарт түзүңүз;

- маектешиңиз сүйлөп жатканда анын сөзүн бөлбөөгө, болбогон нерсеге алаксыбай ага түз кароого аракеттениңиз;

- шашылыш жыйынтык жана корутунду чыгаруудан оолак болуңуз;

- үй-бүлө башчысынын маалыматына кийлигишпеңиз, анын сөзүн бөлбөңүз, ал сүйлөп бүткөнгө чейин өзүңүздүн идеяларыңызды жана ойлоруңузду кыстарбаңыз;

 - маектештин сын-пикирине карата кызууланбаңыз. Адегенде анын оюн түшүнүүгө, андан кийин өз оюңузду айтууга аракеттениңиз.

Иликтөө аяктагандан кийин, арыз берүүчүнү ЖҮСПгө киргизилген маалыматтын тууралыгына кол коюп берүүсүн өтүнгүлө жана ага жана үй-бүлө мүчөлөрүнө иликтөөгө катышкандыгы үчүн ыраазычылык билдирүү менен жакшылык жана ийгилик каалаңыз. Мүмкүн болушунча ишенимдүү коштошуп чыгыңыз. Үй-бүлөгө баруунун жыйынтыгын узакка создуктурбаңыз. Аларды өз учурунда талдоо жүргүзүп, тиешелүү жыйынтык чыгарыңыз жана зарыл учурда тиешелүү чара көрүңүз.

                                                                                                     1-тиркеме

Жакыр үй-бүлөнүн социалдык паспортторун

КАТТОО ЖУРНАЛЫ

___________________            ___________________                            _________________

       ЖӨАБО/ аймактык СКБ аталышы)                                               район /шаардын аталышы                                                                                          облустун аталышы

                                                                                                              2-тиркеме

Үй-бүлөнүн жыйынды кирешесин аныктоодо эске алынуучу жана эске алынбоочу үй-бүлөнүн кирешелеринин түрлөрү, “үй-бүлөгө көмөк” дайындоо үчүн ҮКБОЖКны аныктоодо узакка пайдаланылуучу товарларды жана малдарды эсепке алуунун тартиби

Эскертүү: Жарандар тарабынан сезондук негизде экономикалык (ишкердик) иш жүргүзүүдөн алынган иш жүзүндөгү үй-бүлөнүн жыйынды кирешесинин үй-бүлөнүн өткөн 12 айдагы жыйынды кирешесин 12ге, андан кийин үй-бүлө мүчөлөрүнүн санына бөлүү жолу менен эсепке алынат.

3-тиркеме

БЕРИЛГЕН МААЛЫМКАТТАРДЫ КАТТОО ЖУРНАЛЫ

____________________________________________________________________________

маалымкаттын аталышы

ЖӨАБОнын аталышы __________________________________;

4-тиркеме 

Жергиликтүү өз алдынча башкаруу органы

(ЖӨАБОнун аталышы)

МААЛЫМКАТ №__________  ___________ ж.

Берилген

Аты жөнү__________________________________________________________________

иш жүзүндө жашаган дареги боюнча: __________________________________________

___________________________________________________________________________

анын үй-бүлөсү жакыр үй-бүлөгө кирет/кирбейт

үй-бүлө мүчөлөрүнүн жалпы саны _______ адам

Үй-бүлөнүн курамы:

Жан башына орточо туура келүүчү жыйынды кирешеси үй-бүлөнүн ар бир

мүчөсүнө______сом 

Маалымкат берилген күндөн тартып 3 айдын ичинде жарактуу.

Колдору: ____________________________ ____________М.О.

5-тиркеме

(СП-1)

6-тиркеме

(СП-2а)

7-тиркеме

(СП-2б)

8-тиркеме

(СП-3)