АЛА-БУКА АЙЫЛДЫК КЕҢЕШИНИН ТОКТОМУ

2023-жылдын 5-октябры № 26/1

Элдик Курултайдын делегаттарын шайлоону уюштуруу жөнүндө

Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамынын 61-беренесинин негизинде Ала-Бука айыл өкмөтүнүн жооптуу катчысы Г.Атамкулованын билдирүүсүн угуп жана талкуулап, Ала-Бука айылдык кенешинин XXVII-чакырылышынын кезектеги XXVI-сессиясы токтом кылат:

1. Кыргыз Республикасынын Президентинин 2023-жылдын 29-августундагы “Элдик Курултайды өткөрүү жөнүндө” ПЖ №215 Жарлыгына ылайык Ала-Бука райондук мамлекеттик администрациясынын 2023-жылдын 19-сентябрындагы №223-б буйругу аткарууга алынсын.

  2. Жергиликтүү курултайды уюштуруу жана өткөрүү боюнча жумушчу топту түзүү айылдык кеңештин депутаттарына жүктөлсүн. 

3. Элдик Курултайдын делегаттарын шайлоо боюнча жергиликтүү курултайды өткөрүү Ала-Бука айыл аймагындагы алты шайлоо округдарында 17-18-19-октябрь күндөрүнө белгиленсин.

4. Токтомду  Ала-Бука райондук мамлекеттик администрациясынын alabuka.kg сайтына     жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү, айылдык кеңешинин жооптуу катчысына милдеттендирилсин. 

5. Токтомдун аткарылышын көзөмөлгө алууну, өзүмө калтырамын.