КЫРГЫЗ-АТА АЙЫЛДЫК КЕҢЕШИНИН ТОКТОМУ

Кыргыз-Ата айылдык кеңешинин депутаттарынын (жетинчи шайланган) он төртүнчү сессиясы

2022-жылдын 3- декабры № 14-7

Кыргыз-Ата айыл өкмөтүнүн Ак-Булак  айылындагы “Бөпөмай” мектепке чейинки билим берүү мекемесине кошумча кенже тайпа ачууга макулдук берүү жөнүндө

Күн тартибиндеги  Кыргыз-Ата айыл өкмөтүнүн  Ак-Булак  айылындагы “Бөпөмай” мектепке чейинки билим берүү мекемесине кошумча кенже  тайпа ачууга макулдук берүү  жөнүндөгү  маселени айылдык кеңешинин депутаттарынын  туруктуу комиссияларынын  отурумунда  карап жана депутаттардын талкуусун угуп, Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамынын 34-беренесинин 2-пунктуна таянып Кыргыз-Ата айылдык кеңеши

                                               токтом кылат:

1.  Кыргыз-Ата айыл өкмөтүнүн  Ак-Булак  айылындагы “Бөпөмай” мектепке чейинки

билим берүү мекемесине кошумча кенже тайпа ачууга  макулдук берилсин.

      2.  Ак-Булак айылындагы “Бөпөмай” мектепке чейинки билим берүү мекемесине

кошумча кенже тайпа ачуу боюнча атайын ыйгарым укуктуу мамлекеттик органдардан уруксат алуу, юридикалык каттоодон өткөрүүгө көмөк көрсөтүү жана 2023-жылдын 01-январынан баштап жергиликтүү бюджеттен күз-кыш айларындагы жылуутууну, таза сууну, электр жарыгы менен  камсыздоо жагы  Кыргыз-Ата айыл өкмөтүнө  милдеттендирилсин.

     3.   Токтомдун аткарылышын көзөмөлдөө айылдык кеңешинин социалдык иштер,

маданият, билим берүү, саламаттыкты сактоо, миграция, спорт жана туризмди өнүктүрүү боюнча комиссиясына  тапшырылсын.