КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2024-жылдын 25-декабры № 798

Жүргүнчүлөрдү ташуучу автобустарды өткөрүп берүү маселелери жөнүндө

Жергиликтүү маанидеги маселелерди натыйжалуу чечүү максатында, "Мүлккө муниципалдык менчик жөнүндө" Кыргыз Республикасынын Мыйзамынын 6, 10-статьяларына, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттик Бишкек шаарынын мэриясынын муниципалдык менчигинде турган жүргүнчүлөрдү ташуучу 13 бирдик автобусту андан ары аларды Токмок жана Балыкчы шаарларынын мэрияларына 1, 2-тиркемелерге ылайык өткөрүп берүү үчүн мамлекеттик менчикке белгиленген тартипте кабыл алсын.

2. Токмок жана Балыкчы шаарларынын мэрияларына белгиленген тартипте төмөнкүлөр сунушталсын:

1) ушул токтомдун 1-пунктунда көрсөтүлгөн мүлктү муниципалдык менчикке кабыл алуу жана аны так максаттуу багыты боюнча пайдаланууну камсыз кылуу;

2) ушул токтомдон келип чыгуучу башка чараларды көрүү.

3. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

4. Бул токтом расмий жарыяланган күндөн тартып жети күн өткөндөн кийин күчүнө кирет.

Токмок шаарынын мэриясынын муниципалдык менчигине өткөрүлүп берилүүчү автобустардын ТИЗМЕГИ

Балыкчы шаарынын мэриясынын муниципалдык менчигине өткөрүлүп берилүүчү автобустардын ТИЗМЕГИ