КЫРГЫЗ РЕСПУБЛИКАСЫНЫН КОНСТИТУЦИЯЛЫК МЫЙЗАМЫ

 2025-жылдын 11-январы № 1

"Кыргыз Республикасынын судьяларынын статусу жөнүндө" Кыргыз Республикасынын конституциялык Мыйзамына өзгөртүүлөрдү киргизүү тууралуу

1-берене.

"Кыргыз Республикасынын судьяларынын статусу жөнүндө" Кыргыз Республикасынын конституциялык Мыйзамына ("Эркин-Тоо" гезити, 2021-жылдын 19-ноябры, № 136) төмөнкүдөй өзгөртүүлөр киргизилсин:

34-беренеде:

а) төмөнкүдөй мазмундагы 5-1-бөлүк менен толукталсын:

"5-1. Ушул берененин 2-4-бөлүктөрүндө каралган социалдык жактан коргоо чаралары Кыргыз Республикасынан Евразия экономикалык бирлигинин Сотунун судьяларына да жайылтылат.";

б) 6-бөлүк төмөнкүдөй редакцияда баяндалсын:

"6. Жогорку соттун Конституциялык палатасынын, Конституциялык соттун, Кыргыз Республикасынан Евразия экономикалык бирлигинин Сотунун судьялары болуп иштеген адамдарга пенсиясына үстөк акынын өлчөмү юридикалык кесиби боюнча иш стажын эске алуу менен ушул берененин 4 жана 5-бөлүктөрүнө ылайык аныкталат.

Кыргыз Республикасынан Евразия экономикалык бирлигинин Сотунун өз ыйгарым укуктарын токтоткон судьяларына Евразия экономикалык бирлигинин Сотунун судьясынын ыйгарым укуктарын аткаруу мезгили судьялык иштин стажына кошуп эсептелет.".

2-берене.

Ушул конституциялык Мыйзам расмий жарыяланган күндөн тартып күчүнө кирет.

Кыргыз Республикасынын Министрлер Кабинети үч айлык мөөнөттө өзүнүн ченемдик укуктук актыларын ушул конституциялык Мыйзамга ылайык келтирсин.