КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2024-жылдын 26-декабры № 803

Кыргыз Республикасынын Министрлер Кабинетинин 2022-жылдын 10-июнундагы № 301 "Мамлекеттик жана муниципалдык ишканалар, уставдык капиталдагы катышуу үлүшүнүн 50 жана андан ашык пайызы мамлекетке таандык болгон чарбакер коомдор, анын ичинде алардын туунду чарбалык коомдору тарабынан сатып алууларды уюштуруунун жана ишке ашыруунун типтүү тартибин бекитүү тууралуу" токтомуна өзгөртүү киргизүү жөнүндө

Мамлекеттик катышуу үлүшү 50 пайыздан ашык финансы-кредиттик уюмдардын имараттарын куруу, реконструкциялоо, капиталдык оңдоо жана жабдуу боюнча жумуштардын жана кызмат көрсөтүүлөрдүн ишенимдүүлүгүн жана сапаттуу аткарылышын камсыз кылуу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2022-жылдын 10-июнундагы № 301 "Мамлекеттик жана муниципалдык ишканалар, уставдык капиталдагы катышуу үлүшүнүн 50 жана андан ашык пайызы мамлекетке таандык болгон чарбакер коомдор, анын ичинде алардын туунду чарбалык коомдору тарабынан сатып алууларды уюштуруунун жана ишке ашыруунун типтүү тартибин бекитүү тууралуу" токтомуна төмөнкүдөй өзгөртүү киргизилсин:

жогоруда көрсөтүлгөн токтом менен бекитилген Мамлекеттик жана муниципалдык ишканалар, уставдык капиталдагы катышуу үлүшүнүн 50 жана андан ашык пайызы мамлекетке таандык болгон чарбакер коомдор, анын ичинде алардын туунду чарбалык коомдору тарабынан сатып алууларды уюштуруунун жана ишке ашыруунун типтүү тартибинде:

- 57-пункт төмөнкүдөй мазмундагы 17-пунктча менен толукталсын:

"17) эгерде наркы 100000000 (бир жүз миллион) сомдон ашык болгон сатып алынуучу жумуштар жана кызмат көрсөтүүлөр баалуулуктарды сактоо үчүн арналган атайын жайлары бар имараттарды куруу, реконструкциялоо, капиталдык оңдоо жана жабдуу менен байланышкан болсо, финансы-кредиттик уюмдун адистештирилген мамлекеттик ишканалардан жумуштарды жана кызмат көрсөтүүлөрдү сатып алуусу.".

2. Бул токтом расмий жарыяланган күндөн тартып он күн өткөндөн кийин күчүнө кирет.