КЫРГЫЗ РЕСПУБЛИКАСЫНЫН МЫЙЗАМЫ

2025-жылдын 11-январы № 3

Кыргыз Республикасынын айрым мыйзам актыларына

(Кыргыз Республикасынын Административдик-процесстик кодексине,

Кыргыз Республикасынын Жарандык процесстик кодексине)

өзгөртүүлөрдү киргизүү жөнүндө

1-берене

Кыргыз Республикасынын Административдик-процесстик кодексине (Кыргыз Республикасынын Жогорку Кеңешинин Жарчысы, 2017-ж., № 1 (1), 13-ст.) төмөнкүдөй өзгөртүү киргизилсин:

267-берененин 2-бөлүгү төмөнкүдөй мазмундагы 5-пункт менен толукталсын:

"5) доону берүүгө доонун эскирүү мөөнөтүн калыбына келтирүү же калыбына келтирүүдөн баш тартуу жөнүндө аныктама.".

2-берене

Кыргыз Республикасынын Жарандык процесстик кодексине (Кыргыз Республикасынын Жогорку Кеңешинин Жарчысы, 2017-ж., № 1 (1), 14-ст.) төмөнкүдөй өзгөртүүлөр киргизилсин:

1) 373-берененин 1-бөлүгүндө ", иштин маңызы боюнча чыгарылган" деген сөздөр алып салынсын;

2) 375-берененин 1-бөлүгүндө "иштин маңызы боюнча" деген сөздөр алып салынсын.

3-берене

Ушул Мыйзам расмий жарыяланган күндөн тартып он күн өткөндөн кийин күчүнө кирет.

“Эркин-Тоо” мамлекеттик расмий гезитинин 2025-жылдын 14-январындагы № 2 (3658) саны менен жарыяланды