СУУ-БАШЫ АЙЫЛДЫК КЕӉЕШИ

ТОКТОМ

Суу-Башы айыл аймагынын айылдык кеешинин VlII чакырылышынын кезектеги II сессиясы

2025-жылдын 14-январы № 14

 Суу-Башы айыл аймагынан жер аянтын трансформациялоого макулдук берүү жөнүндө

Кыргыз Республикасынын  Өкмөтүнүн 2013-жылдын 15-июлундагы “Жер участокторун которуу (трансформациялоо)жөнүндөгү” №145-Мыйзамынын 7-беренесине ылайык, Суу-Башы айылдык кеңешинин жер,айыл чарба жана муниципалдык менчик маселелери боюнча туруктуу комиссиясынын 2025-жылдын 13-январындагы   отурумунун корутундусунун негизинде,Бужум айылынын тургуну С.Джороевдун 2025-жылдын 11-январындагы арызын карап чыгып,талкуулап Суу-Башы айылдык кеңеши токтом кылат:

1.     Баткен районунун Суу-Башы айыл аймагынын Бужум айылынын түштүк тарабында жайгашкан  (мурдагы Кара-Булак айыл өкмөтүнүн) №997-контурундагы 3,0 га жер аянты “Айыл чарба багытындагы жерлер” категориясынын ичиндеги “Жайыт” түрүнөн  “Көп жылдык мөмө-жемиш бактар” түрүнө которууга (транформациялоого) макулдук берилсин.

2.     Токтомдун негизинде керектүү болгон иш кагаздарын даярдап берүү жагы         Суу-Башы айыл өкмөтүнүн башчысына милдеттендирилсин.

3.     Токтом каттодон өткөрүлүп, suu-bashy.gov.kg веб-сайтына жарыялансын жана Кыргыз Республикасынын ченемдик укуктук  актыларынын мамлекеттик реестрине киргизүү  үчүн Баткен облусунун юстиция башкармалыгына жөнөтүлсүн.

4.     Ушул токтомду  көзөмөлгө алуу жагы жер,айыл чарба жана муниципалдык менчик маселелери боюнча туруктуу  комиссиясына тапшырылсын.